Morgunblaðið - 22.07.2019, Page 13

FRÉTTIR 13Erlent
MORGUNBLAÐIÐ MÁNUDAGUR 22. JÚLÍ 2019
Norðlingabraut 8
110 Reykjavík
S: 530-2005
Bíldshöfði 16
110 Reykjavík
S: 530-2002
Tryggvabraut 24
600 Akureyri
S: 461-4800
&530 2000
www.wurth.is
Verkfæri – Festingar – Fatnaður – Persónuhlífar – Efnavara – Bílaperur – Rafmagnsvörur
Skrúfbitasett
• Skrúfbitasett með 12 bitum, bitahaldara,
bitaskralli og beltisklemmu
• Fyrir heimilið og vinnustaðinn
Vnr: 0614 250 013
Verð: 3.708 kr.
Magasín skrúfjárn
• Glæsilegt magasín skrúfjárn
fyrir hvert heimili
• 13 tví-enda bitar
Vnr: 0613 600 10
Verð: 9.500 kr.
Rósa Margrét Tryggvadóttir
rosa@mbl.is
Flugmálayfirvöld í Ástralíu hafa
kyrrsett 63 ástralskar flugvélar af
gerðinni GippsAero GA8 þar í landi.
Vélarnar eru af sömu gerð og flugvél
sem hrapaði í Umeå í Austur-Svíþjóð
hinn 14. júlí síðastliðinn með þeim af-
leiðingum að allir um borð, alls níu
manns, létu lífið.
Þetta kom fram á fréttavef The
Guardian í gær.
Þar segir að GA8-flugvélarnar séu
framleiddar í Ástralíu af fyrirtækinu
GippsAero og að flugmálayfirvöld í
Ástralíu hafi stöðvað starfsemi fyrir-
tækisins tímabundið á meðan rann-
sókn á vélunum fer fram. Mun kyrr-
setningin flugvélanna vara í fimmtán
daga frá 20. júlí til 3. ágúst og nær
hún til allra flugvéla af gerðinni GA8
sem eru skráðar í Ástralíu en þær
eru alls 63 talsins. Alls eru 228 flug-
vélar af þessari gerð í notkun í heim-
inum.
Er um að ræða litlar eins hreyfils
flugvélar með leyfi fyrir átta manns
og eru þær m.a. vinsælar til notk-
unar í fallhlífarstökki.
Sænsk flugmálayfirvöld kyrrsettu
allar vélar af þessari gerð í Svíþjóð
strax í kjölfar slyssins og evrópsk
flugmálayfirvöld gerðu slíkt hið
sama á föstudaginn var.
Flugvélin, sem hrapaði í Svíþjóð,
var að flytja fallhlífarstökkvara í
stökk þegar hún skyndilega steypt-
ist til jarðar en átta fallhlífarstökkv-
arar og flugmaður vélarinnar létust í
slysinu. Fjöldi vitna sagði annan
væng flugvélarinnar hafi brotnað af
áður en hún skall til jarðar, en blaða-
menn Aftenbladet staðfestu að
vængurinn hefði legið um 500 metra
frá flakinu.
Engir flugritar, svokallaðir svartir
kassar, eru í flugvélum af þessari
stærð.
Yfir 60 ástralskar
flugvélar kyrrsettar
 Af sömu gerð og hrapaði í Svíþjóð
AFP
Slys Níu manns létu lífið í flugslysi í
Svíþjóð fyrr í mánuðinum.
Um 1.800 slökkviliðsmenn berjast
nú við að ráða niðurlögum skógar-
elda sem hafa brotist út á þremur
svæðum í fjalllendi Castelo Branco í
Portúgal. Þetta kemur fram á
fréttavef TheGuardian.
Þyrlur og flugvélar hafa verið
notaðar í baráttunni við eldana og
er búið að rýma eitt þorp vegna
þeirra. Þá eru minnst tuttugu sagð-
ir hafa slasast í hamförunum, þar af
átta slökkviliðsmenn.
Eldurinn braust út sl. laugardag
en sterkir vindar hafa eflt hann
mjög og gert um leið slökkviliðs-
mönnum afar erfitt fyrir. Skógar-
eldar eru árlegt vandamál í Portú-
gal en 106 manns létu lífið í
skógareldum 2017. Síðan þá hafa
stjórnvöld hert aðgerðir.
PORTÚGAL
Að minnsta kosti 20
slasaðir vegna elda
AFP
Bruni Skógareldar geisa nú í Portúgal
Enn hitnar í kol-
unum vegna um-
mæla Donalds
Trump Banda-
ríkjaforseta um
þingkonur sem
eru af erlendu
bergi brotnar, en
í gær tilkynnti
forsetinn á Twit-
ter að hann tryði
ekki að konurnar væru færar um
að elska Bandaríkin. Í sömu færslu
sagði hann að þeim bæri skylda til
að biðja Bandaríkin afsökunar og
sakaði þær um að eyðileggja flokk
demókrata.
Í síðustu viku var Trump sakaður
um kynþáttahatur í kjölfar um-
mæla hans um sömu konur þar sem
hann hvatti þær til að fara aftur til
upprunalanda sinna sem hann kvað
gegnsýrð af spillingu og sakaði þær
um að „hata“ Bandaríkin.
BANDARÍKIN
Ófærar um að elska
Donald Trump
Rósa Margrét Tryggvadóttir
rosa@mbl.is
Iain Duncan Smith, fyrrverandi leið-
togi breska Íhaldsflokksins, hefur
sakað bresk stjórnvöld um van-
rækslu í kjölfar yfirtöku íranska
hersins á breska olíuskipinu Stena
Impero sl. föstudag.
Miðillinn The Telegraph hefur eft-
ir honum að stjórnvöld hefðu átt að
sjá hættuna fyrir og veita breskum
skipum fullnægjandi vernd eftir að
Íranar gerðu tilraun til að stöðva för
annars bresks olíuskip um tveimur
vikum fyrr. Segist hann vita til þess
að breskum stjórnvöldum hafi boðist
stuðningur frá Bandaríkjunum til
verndar skipunum og segist vilja fá
svör við því hvers vegna aðeins ein
freigáta hafi verið á svæðinu þegar
skipið var stöðvað.
„Þetta eru stórvægileg mistök og
stjórnvöld þurfa að svara þessum
ásökunum sem fyrst,“ segir Duncan
Smith.
Ummæli Duncan Smiths féllu í
kjölfar þess að Tobias Ellwood, varn-
armálaráðherra Bretlands, sagði að
konunglegi breski sjóherinn væri
ekki nægilega stór til að vernda skip
sín alls staðar í heiminum. Ellwood
sagði jafnframt, í samtali við Sky, að
Bretland væri að leita leiða til að
leysa vandamálið og kvaðómögulegt
fyrir sjóherinn að fylgja hverju ein-
asta skipi.
Á hljóðupptöku sem breskt örygg-
isfyrirtæki komst yfir og birti í gær
má heyra í írönskum hermönnum
skipa áhöfn olíuskipsins að breyta
stefnu sinni og hlýða skipunum til að
tryggja öryggi sitt.
Á upptökunni heyrist jafnframt
þegar stjórnendur bresku freigát-
unnar HMS Montrone skerast í leik-
inn og vara Írani árangurslaust við að
hafa afskipti af skipinu. Þar heyrist í
stjórnendunum biðja Írani um að
staðfesta að þeir ætli ekki að brjóta
alþjóðleg lög með því að fara ólöglega
um borð í Stena Impero sem var á al-
þjóðlegri siglingaleið um Hormuz-
sund. Þessu svara Íranar ekki í upp-
tökunni heldur endurtaka skipanir
sínar til áhafnar olíuskipsins.
„Ef þið hlýðið verður ykkur
óhætt,“ segja Íranirnir m.a. við
áhöfnina í upptökunni. Þetta kom
fram í frétt BBC í gær.
Írönsk stjórnvöld hafa þvertekið
fyrir að hertakan sé hluti af hefnd-
araðgerð vegna kyrrsetningar Breta
á íranska olíuskipinu Grace 1. í byrj-
un júlí. Hafa þau haldið því fram að
Stena Impero hafi brotið gegn al-
þjóðlegum hafréttarlögum. Á það
heyrist þó ekki minnst í upptökunni.
Bretastjórn gagnrýnd
 Duncan Smith sakar Bretastjórn um vanrækslu vegna hertöku Stena Impero
 „Ef þið hlýðið verður ykkur óhætt,“ segja Íranir á hljóðupptöku af hertökunni
Gúmmíkúlum og táragasi var beitt gegn mót-
mælendum í Hong Kong í gærkvöldi.
Ýmis skemmdarverk voru unnin og voru skilti
með slagorðum mótmælenda víða.
„Þið kennduð okkur að friðsamleg mótmæli
eru gagnslaus,“ mátti sjá á einu skiltanna. Þetta
er sjöunda helgin sem stjórnvöldum er mótmælt
í borginni. Breska ríkisútvarpið BBC hefur eftir
skipuleggjendum mótmælanna að fleiri en 430
þúsund manns hafi tekið þátt í þeim, en á sama
tíma heldur lögreglan því fram að mótmælendur
hafi verið um 138 þúsund talsins.
AFP
Áfram óeirðir í mótmælum í Hong Kong