Morgunblaðið - 22.07.2019, Síða 20

20 MINNINGAR
MORGUNBLAÐIÐ MÁNUDAGUR 22. JÚLÍ 2019
Smáauglýsingar
Sumarhús
Sumarhús – Gestahús –
Breytingar
 Framleiðum stórglæsileg sumarhús
í ýmsum stærðum.
 Tökum að okkur stækkun og
breytingar á eldri húsum.
 Smíðum gestahús – margar
útfærslur.
 Sjáum um almennt viðhald á
sumarhúsum og sólpöllum.
 Setjum niður heita potta og
smíðum palla og skjólveggi.
Áratugareynsla –
endilega kynnið ykkur málið.
Trésmiðja Heimis, Þorlákshöfn,
sími 892-3742 og 483-3693,
www.tresmidjan.is
Vantar þig
fagmann?
FINNA.is
Raðauglýsingar
Félagsstarf eldri borgara
Árskógum 4 Opin smíðastofa kl. 9-16. Opin handavinnustofa kl. 9 -
12. Handavinnuhópur kl. 12-16. Félagsvist með vinningum kl. 12.45.
Opið fyrir innipútt og 18 holu útipúttvöll. Hádegismatur kl. 11.40-
12.45. Kaffisala kl. 14.45-15.30. Heitt á könnunni. Allir velkomnir. S:
535 2700.
Boðinn Félagsvist kl. 13. Magnús Einarsson frá Kjarnholtum er með
myndasýningu í matsal næstu vikurnar, allir velkomnir.
Félagsmiðstöðin Hæðargarði 31 Spjall, kaffi og blöðin við hring-
borðið kl. 8.50. Frjálst í Listasmiðju kl. 9-16. Kosning stendur yfir um
nafn á nýja æfingarsvæðinu. Hádegismatur kl. 11.30. Félagsvist kl. 13.
Handavinnuhornið kl. 12-15. Gáfumannakaffi kl. 14.30. Allir velkomnir
óháð aldri. Nánari upplýsingar í síma 411 2790.
Félagsmiðstöðin Vitatorgi Núvitund í handverkstofu kl. 10.30.
Göngutúr um hverfið kl. 13. Heitt á könnunni fyrir hádegi. Hádegis-
matur frá 11.30-12.30 alla daga vikunnar og kaffi frá kl. 14.30-15.30 alla
virka daga. Opin handverksstofa alla virka daga. Verið hjartanlega vel-
komin á Vitatorg.
Garðabæ Gönguhópur fer frá Jónshúsi kl. 10. Bridge í Jónshúsi kl.
13.
Gjábakki Kl. 9 handavinna, kl. 13.15 Canasta.
Hvassaleiti 56-58 Félagsmiðstöðin er opin frákl. 8-16, blöðin og
púsl liggja frammi. Morgunkaffi kl. 8.30-10.30, útvarpsleikfimi kl. 9.45.
Hádegismatur kl. 11.30, frjáls spilamennska kl. 13, liðleiki á stólum
með Margréti kl. 13.30 og eftirmiðdagskaffi kl. 14.30.
Norðurbrún 1 Morgunkaffi kl. 8.30, morgunleikfimi kl. 9.45,upp-
lestur kl. 11, hádegisverður kl. 11.30, ganga m.starfsmanni kl. 14,
síðdegiskaffi kl. 14.30, bíó í betri stofunni kl. 15.30. Uppl í s.411 2760.
Seltjarnarnes Kaffispjall í króknum kl. 10.30, vatnsleikfimi í sundlaug
Seltjarnarness kl. 18.30.
Sléttuvegur 11-13 Selið á Sléttuvegi er opið frá kl. 10-16. Heitt á
könnunni frá kl. 10-11 og hægt er að líta í blöðin. Hádegismatur er frá
kl. 11.30-12.15 og panta þarf matinn daginn áður. Spiluð er félagsvist
sem byrjar kl. 13.15. Kaffi og meðlæti er til sölu frá kl. 14.30-15.30.
Allir velkomnir. Síminn í Selinu er: 568 2586.
Elskuleg móðir okkar, tengdamóðir, amma
og langamma,
SIGRÍÐUR HELGADÓTTIR,
Aflagranda 40, Reykjavík,
lést á Landspítala Landakoti mánudaginn
15. júlí. Útförin fer fram frá Dómkirkjunni í
Reykjavík þriðjudaginn 23. júlí og hefst klukkan 15.
Guðlaug Ólafsdóttir Geir Rögnvaldsson
Karítas Ólafsdóttir Ari Ólafsson
Helgi Ólafsson Sigurborg Arnarsdóttir
Anna Vigdís Ólafsdóttir Benedikt Lund
barnabörn og barnabarnabörn
Elskulegur eiginmaður minn, faðir okkar,
tengdafaðir, afi og langafi,
EYSTEINN GUÐMUNDSSON
bílasmiður,
lést mánudaginn 15. júlí á
hjúkrunarheimilinu Sóltúni í Reykjavík.
Útförin fer fram frá Fríkirkjunni í Reykjavík þriðjudaginn
23. júlí klukkan 13.
Valgerður Þ. Guðleifsdóttir
Þór Eysteinsson
Viðar Eysteinsson
Kolbrún Eysteinsdóttir Kristinn Bjarnason
Guðrún M. Eysteinsdóttir
barnabörn og barnabarnabörn
Sálm. 86.11
biblian.is
Vísa mér veg þinn,
Drottinn, að ég
gangi í sannleika
þínum, gef mér
heilt hjarta, að ég
tigni nafn þitt.
✝ JófríðurBjörnsdóttir,
fæddist á Akureyri
29. október 1944.
Hún lést 8. júlí
2019.
Foreldrar henn-
ar voru Björn Júl-
íusson, pípulagn-
ingamaður og
bóndi, f. 14 apríl
1903, d. 26. febr-
úar 1985, og Snjó-
laug Hjörleifsdóttir, f 1. sept-
ember 1911, d. 26. janúar 2001.
Systkini hennar eru Jóhanna
María, f. 1934, d. 2015, Hjör-
leifur Baldvin, f. 1937, d. 2009,
Rósa, f. 1938, d. 2013, Sigrún,
f. 1940, d. 2017, Júlíus Jón, f.
Marsibil Ósk og Víðir Óli.
Barnabörnin eru sex talsins.
Eiginkona Þráins er Sig-
urborg Kristjánsdóttir og
þeirra börn eru Kristján Birn-
ir, Hákon Burkni og Hafdís
Katja.
Jófríður ólst upp í Helga-
magrastræti á Akureyri en
flutti 13 ára gömul með for-
eldrum sínum í Laugahlíð í
Svarfaðardal. Síðar flutti hún
til Keflavíkur, var eitt ár í Par-
ís en bjó í Reykjavík frá því um
tvítugt. Jófríður stundaði ýmis
störf á yngri árum en var flug-
freyja hjá Lofleiðum, Flug-
leiðum, síðar Icelandair, í 43
ár. Var um langt árabil virkur
félagi í Flugfreyjufélagi Íslands
og formaður þess um nokkurt
skeið. Þá tók hún einnig í
seinni tíð þátt í starfi Svalanna,
félagi fyrrverandi og núver-
andi flugfreyja.
Útförin hefur farið fram í
kyrrþey.
1942, Daníel Björn,
f. 1946, Árni, f.
1951, og Ólafur
Örn, f. 1953.
Jófríður giftist
þann 8. október.
1966 Kristni Vigni
Helgasyni, f. 27.
desember 1931, d.
5. mars 2011. Dótt-
ir þeirra er Inga
Rún Kristinsdóttir,
f. 13. maí 1968.
Áður átti Kristinn fyrir synina
Helga Vigni, f. 10. desember
1956, og Þráin, f. 26. febrúar
1961. Eiginkona Helga er Ás-
gerður Jófríður Guðbrands-
dóttir og þeirra börn eru Guð-
mundur Óli, Kristinn Vignir,
Það var líf í Helgamagrastræt-
inu á Akureyri þegar Jófý móð-
ursystir mín var að alast upp,
enda níu systkinin. Þrettán ára
varð hún himinlifandi þegar for-
eldrar hennar keyptu Laugahlíð í
Svarfaðardal því hún var bara
alltaf að passa börn meðan systk-
ini hennar voru send í sveit. En
svo heillaði sveitamennskan bara
ekki. Síðar flutti hún til Keflavík-
ur þar sem hún bjó hjá Hönnu
Maju systur sinni og honum
Bubba. Og þar kynntist hún hon-
um Bóa sínum, Kristni Helga-
syni, sem lést fyrir átta árum síð-
an.
Bói var nokkru eldri og lífs-
reyndari, átti drengina Helga og
Þráin og var heldur betur skotinn
í henni frænku minni. Óborganleg
er sagan þegar hann hringdi í
minjagripabúð á Keflavíkurflug-
velli þar sem Jófý vann og und-
arleg rödd í símanum segir: „góð-
an daginn, eigið þið háhælaða
sauðskinnsskó?“ Þetta fannst
Jófý hallærislegt en ekki meira
en svo að þannig náði nú Bói í
Jófý og hún í hann. Og nokkrum
árum seinna eignuðust þau hana
Ingu Rún.
Það eru svo margar minningar
sem koma upp. Ég sem drengur
að gista í Ljósheimunum og
brennisteinslyktin þegar ég fór í
bað. Ekki var það svona fyrir
norðan. Aðeins eldri í Sólheimun-
um upp á tíundu hæð. Þegar ég
passaði kisuna Sólveigu í Gnoð-
arvoginum þegar þau voru í
ferðalagi. „Man eftir hvað þau Bói
voru miklir vinir. Hann lá í sóf-
anum og hún á bringunni á hon-
um. Svo var hann alltaf að tala við
hana, stundum um pólítík,“ sagði
hún mér.
Minningar af gulu bjöllunni,
bílnum sem fylgdi þeim svo lengi.
Þegar við fórum ásamt Guðrúnu,
kærustu Jóhanns bróður Bóa, að
sækja hann – á bjöllunni – til
Keflavíkur þegar hann kom til
landsins með hljómsveitinni
Change. Og Björgvin Halldórs
kyssti Ingu Rún á ennið og hún
þvoði sér ekki í framan í viku.
Minningin af því þegar hún
sagðist hafa séð svolítið eftir því
að hafa ekki verið lengur í París
þegar hún var að passa þar börn,
en ekki lengi því þá hefði hún ekki
hitt Bóa og þá væri engin Inga
Rún.
Jófý var flugfreyja í 43 ár. Hún
var lengi í stjórn flugfreyjufélags-
ins og formaður þess um skeið.
Hún seldi jólakort og setti upp
markaði með vinkonum sínum í
Svölunum, félagi sem flugfreyjur
stofnuðu. Studdu þær einstak-
linga og önnur góð samtök. Það
var nóg að gera í því að hjálpa
öðrum. En hún eignaðist líka
stóran vinahóp.
Frænka mín var ekki sátt við
stöðu sína síðasta kaflann í lífinu,
fæturnir að svíkja hana og hinn
ömurlegi alzheimer farinn að
hreiðra um sig. Ósátt við að hlut-
verkin væru breytt, hún gæti ekki
stutt aðra og nú væri það Inga
Rún sem styddi hana en ekki öf-
ugt. En hún var mjög sátt við sitt
innihaldsríka líf. Vinamörg og öll
ferðalögin. Ég veit það því hún
sagði það sjálf.
Elsku Inga Rún, mínar
stærstu og mestu samúðarkveðj-
ur til þín, bræðra þinna og ykkar
nánustu. Mamma þín gaf frá sér
hlýju og gleði. Ég þakka fyrir allt
og kveð með ljóði eftir Þorstein
frá Hamri:
Hér stilltu guðir streng;
hann struku dægrin blíð;
þann óm til eyrna bar
mér árblær forðum tíð.
Ég nem hann ljósar nú
er nálgast rökkrið svalt.
Svo fer einn dag að flest
mun fullnað, jafnvel allt.
Arnar Valgeirsson.
Á fallegum sumardegi þegar
trén skarta fullum skrúða kvödd-
um við Jófríði Björnsdóttur
frænku, eða Jófý eins og hún var
kölluð. Jófý minnti okkur reglu-
lega á að hún hafi verið skírð í höf-
uðið á ömmu okkar, Hólmfríði, og
afa Jóhannesi en hún var dóttir
Björns Júlíussonar, bróður ömmu
og Snjólaugar Hjörleifsdóttur,
eða Snjóku. Hólmfríður amma
var elst, hann yngstur sjö systk-
ina. Jófý rifjaði stundum upp
skemmtilegar minningar frá
þeim tíma þegar Helgamagra-
stræti 3 og Oddagata 5 voru, eins
og Júlíus Daníelsson frændi lýsti
svo vel, einskonar skálar um þjóð-
braut þvera; fyrir stóran frænd-
garð og vinahóp. Á glettinn og
góðlátlegan hátt gerði hún stund-
um grín að því að mæðgurnar í
Oddagötu áttu það til að hringja
upp í Helgamagrastræti til að fá
eitthvert af „Bjössabörnunum“
níu til að sendast eftir hinu og
þessu vegna þess að „einkasyn-
irnir“ voru sagðir vant við látnir.
Þarna glitti í húmoristann og
jafnaðarmanneskjuna Jófý. Við
munum eftir ungu Jófý þegar hún
var nýkomin frá Frakklandi,
heimsborgari, í karrígulri kápu
og skóm í stíl, altalandi orðin á
frönsku. Við munum líka eftir
flugfreyjunni Jófý, viljasterku
stéttarfélagskonunni sem um
tíma var kjarkmikill formaður
flugfreyjufélagsins. Við munum
þorrablótin þar sem sungið var
minni karla og kvenna og
skemmtilegu frænkuboðin heima
hjá Jófý, þar leið öllum vel. Ljúfar
eru góðu bernskuminningarnar
úr Laugahlíð, þar voru nefnilega
allir sem skiptu einhverju máli í
okkar huga; Bjössi frændi,
Snjóka, Danni, Jófý, Ásta, Árni,
Úlli, pabbi, mamma og við Fríða;
hlöðuloftið, hestar, hundur,
hænsni, heimalningar, kýrnar,
skógarlundurinn suður af bæn-
um, sundskálinn snertiflöt í norð-
ur, heyskapurinn, bekkurinn í
eldhúsinu, já, þá var þétt setið í
eldhúsinu í Laugarhlíð – á ís-
lensku sumri og „sólin söng sitt
lag“ í takt við niðinn í ánni sem
rennur niður dalinn.
Seinna var nánast aldrei talað
um Jófý án þess að minnst væri á
Bóa og Ingu Rún í sömu andrá,
þessi þrenning og seinna þær
mæðgur svo nánar að eftir var
tekið. Öll vitum við að áhrif
manns á annan lögum lúta. Það
kom því ekki á óvart að Inga Rún,
dóttir Jófýjar gerðist flugfreyja.
Um tíma voru þær þrjár saman
frænkurnar starfandi sem flug-
freyjur, Jófý, Inga Rún og Ingi-
björg. Mikið var þá rætt um starf-
ið, „stoppin“ og stéttarfélagsmál.
Nú er Jófý flogin inn í sumarland-
ið.
Jófríður Björnsdóttir var
„stórfrænka“ og við minnumst
hennar með hlýhug og virðingu.
Jófý horfðist í augu við lífið, hún
vissi að þegar öllu er á botninn
hvolft þarf eins og kemur fram í
kvæðinu Lífsþor eftir Árna Grét-
ar Finnsson;
„... viljastyrk til að lifa eigin ævi,
einurð til að forðast heimsins lævi,
vizku til að kunna að velja og hafna,
velvild, ef að andinn á að dafna.
Elsku Inga Rún, við sendum
þér og öðrum aðstandendum
dýpstu samúðarkveðjur.
Hólmfríður og
Vilborg Júlíusdætur og
Ingibjörg Arnardóttir.
Fyrstu minningar mínar um
Jófý, eins og hún var alltaf kölluð,
eru frá kvöldverði í New York þar
sem ég naut frásagnargáfu henn-
ar þegar hún sagði skemmtilega
sögu með sínum norðlenska
hreim.
Jófý var einstök kona með góð-
semi í ríkum mæli. Hún brást allt-
af strax við ef henni fannst á ein-
hvern hallað að ósekju. Hún þoldi
ekki hræsni. Hún hafði ríka rétt-
lætiskennd og var með sterka
stéttarfélagsvitund, var hún for-
maður Flugfreyjufélags Íslands
og nutum við flugfreyjurnar góðs
af því.
Jófý byrjaði í flugfreyjustarf-
inu hjá Loftleiðum hf. upp úr tví-
tugu og varð það ævistarf hennar.
Hún var góð flugfreyja, úrræða-
góð og einstaklega samviskusöm,
henni var annt um farþegana
sína. Það var svo gaman að fljúga
með henni, hún hafði hásan smit-
andi hlátur, sem ekki var annað
hægt en að hlæja strax með, þó
svo að sagan sem hún var að segja
hlæjandi frá væri ekki búin. Hún
var mjög félagslynd og alltaf til í
að koma út að borða, fara í leikhús
og skemmta sér.
Sumarið 1997 ákváðum við
nokkrar flugfreyjur að stofna les-
hring, fyrsta leskvöldið okkar var
síðan 15. janúar 1998. Köllum við
leshringinn okkar LesFluffur.
Þessi yfir 20 ár hafa gefið okkur
ómældar ánægjustundir, miklar
hláturrokur, gáfulegar og mis-
gáfulegar umræður. Jófý var með
leiftrandi og hraðfleyga hugsun
og kom oft með svo skemmtilegar
athugasemdir um bækurnar. Svo
var hún orðheppin með eindæm-
um og sagði ég eitt sinn við hana í
fluginu að ég vildi að ég hefði
skrifað niður alla „gullfrasana“
sem ég hafði heyrt hana segja í
gegnum árin.
Jófý talaði frá upphafi hrein-
skilningslega um veikindi sín,
strax og hana grunaði hvað
stefndi í, hún sætti sig við að
hætta að keyra, sem hafði auðvit-
að heftandi áhrif á líf hennar. Hún
varð þeirrar gæfu aðnjótandi að
eignast yndislega dóttur, Ingu
Rún, sem hún var svo hreykin af.
Inga Rún hefur alltaf hugsað svo
fallega um mömmu sína, sérstak-
lega í veikindum hennar.
Ég minnist Jófýjar með hlýju,
hennar sem var svo einstaklega
sjarmerandi með dásamlega fal-
legt bros. Núna yljar minningin
um síðasta brosið hennar til mín
nokkrum dögum áður en hún lést,
þegar ég sagði henni frá lang-
ömmubarninu sem væri alveg að
fara fæðast. Ein af LesFluffunum
kveður hér með Jófríði Björns-
dóttur með söknuði og þakklæti
fyrir yfir 50 ára ánægjuleg kynni
og sendi Ingu Rún, einkadóttur
hennar, fjölskyldu allri og vinum
innilegar samúðarkveðjur.
Anna Bjarna.
Jófríður
Björnsdóttir
Morgunblaðið birtir minningargreinar
endurgjaldslaust alla útgáfudaga.
Skil | Þeir sem vilja senda Morgunblaðinu
greinar eru vinsamlega beðnir að nota inn-
sendikerfi blaðsins. Smellt á Morgunblaðs-
lógóið í hægra horninu efst og viðeigandi lið-
ur, „Senda inn minningargrein,“ valinn úr
felliglugganum. Einnig er hægt að slá inn
slóðina www.mbl.is/sendagrein
Skilafrestur | Ef óskað er eftir birtingu á út-
farardegi verður greinin að hafa borist eigi
síðar en á hádegi tveimur virkum dögum fyrr
(á föstudegi ef útför er á mánudegi eða
þriðjudegi).
Þar sem pláss er takmarkað getur birting
dregist, enda þótt grein berist áður en skila-
frestur rennur út.
Formáli | Minningargreinum fylgir formáli
sem nánustu aðstandendur senda inn. Þar
koma fram upplýsingar um hvar og hvenær
sá sem fjallað er um fæddist, hvar og hvenær
hann lést og loks hvaðan og klukkan hvað út-
förin fer fram. Þar mega einnig koma fram
upplýsingar um foreldra, systkini, maka og
börn. Ætlast er til að þetta komi aðeins fram í
formálanum, sem er feitletraður, en ekki í
minningargreinunum.
Undirskrift | Minningargreinahöfundar eru
beðnir að hafa skírnarnöfn sín en ekki stutt-
nefni undir greinunum.
Myndir | Hafi mynd birst í tilkynningu er
hún sjálfkrafa notuð með minningargrein
nema beðið sé um annað. Ef nota á nýja mynd
skal senda hana með æviágripi í innsendikerf-
inu. Hafi æviágrip þegar verið sent er ráðlegt
að senda myndina á netfangið minn-
ing@mbl.is og láta umsjónarmenn minning-
argreina vita.
Minningargreinar