Morgunblaðið - 24.07.2019, Síða 9

MORGUNBLAÐIÐ MIÐVIKUDAGUR 24. JÚLÍ 2019 9VIÐTAL
forseta. Þá erum við með í okkar
teymi sérfræðinga sem vinna fyrir
flugvélaframleiðendur um allan heim,
fyrirtæki eins og Gulfstream, Lock-
head Martin og Boeing. Ennfremur
erum við með samning við banda-
ríska ríkið um vöruflutninga, einkum
um flutninga á pökkum og pósti.“
Eitt af þeim tækifærum sem Ball-
arin sér hér á landi er einmitt á sviði
vöruflutninga. „Vöruflutningar eru
gríðarlega mikilvægir fyrir Ísland og
Íslendinga. Hér hefur alltof lítið verið
talað um áhrifin sem fall WOW hafði
á íslenska sjávarútveginn sem sendir
50 tonn af ljúffengum fiski á degi
hverjum til Bandaríkjanna. Útflutn-
ingsaðilar eiga erfitt með að finna
nægt pláss í þeim farþegaflugvél-
unum sem fljúga þangað út og verðið
á flutningi hefur hækkað. Eins og við
ræddum um við Isavia þá höfum við
áhuga á að koma hingað með tvær
vöruflutningavélar sem yrðu stað-
settar hér á landi. Þær myndu hefja
daglega vöruflutninga milli Íslands
og Bandaríkjanna til að létta álaginu
af sjávarútvegnum.“
Ballarin segir aðspurð að þær vélar
myndu ekki fljúga undir WOW-
merkinu.
Samkvæmt íslenskum lögum þurfa
íslensk flugfélög að vera að minnsta
kosti í 51% eigu íslenskra aðila. Ball-
arin segir að stofnað verði íslenskt
fyrirtæki sem fara muni með 51%
hlut í WOW 2, á móti 49% sem verða í
bandarískri eigu. „Við munum upp-
fylla öll skilyrði þannig að WOW
verði að meirihluta í íslenskri eigu.“
Spurð nánar út í hvernig hún sjái
nýja WOW-módelið fyrir sér segist
hún horfa til SouthWest Airlines í
Bandaríkjunum sem fyrirmyndar,
stærsta lággjaldaflugfélags heims.
„Við erum núna að skoða náið hvaða
tæki og tól þarf til að geta byrjað að
fljúga eins hagkvæmt og hægt er um
leið og öll leyfi eru frágengin frá ís-
lenskum yfirvöldum. Charles Celli,
framkvæmdastjóri USAerospace,
sem er með ótrúlega flottan feril í
flugi og var meðal annars forstjóri
Gulfstream-flugvélaframleiðandans
er með þetta á sínu borði. Annars eru
allir helstu stjórnendur USAerospace
með a.m.k. 15-20 ára reynslu í geir-
anum og ég hef smitað þá alla af
WOW-andanum,“ segir Ballarin og
brosir.
Hyggjast notast við Airbus
Hún segir að notast verði við flug-
vélar frá evrópska flugvélaframleið-
andanum Airbus hjá WOW 2.
„Ástæðan er sú að það er það um-
hverfi sem var notað hjá WOW air og
áhafnirnar, flugvirkjarnir og aðrir,
þekkja það best. Við viljum ekki
rugga þeim bát. Til langs tíma erum
við hinsvegar mjög á sömu stefnu og
Donald Trump Bandaríkjaforseti, að
ráða bandarískt vinnuafl og kaupa
bandarískar vörur. Þannig að við vilj-
um líka viðhalda góðu sambandi við
bandarísku Boeing-verksmiðjurnar
upp á framtíðina að gera.
Við getum valið úr þónokkuð
mörgum flugvélum hjá Airbus, sem
yrðu allar svipaðar að stærð, eða í
kringum 200 farþega sem ég held að
sé hagkvæm stærð. Við horfum ekki
til stórra flugvéla eins og Airbus
A-330. Ég held að það myndi flækja
rekstrarmódelið, eins og WOW 1
upplifði sjálft á sínum tíma,“ segir
Ballarin, en eins og áður hefur komið
fram lét Skúli Mogensen, stofnandi
WOW, hafa eftir sér að ein stærstu
mistökin sem hann gerði í rekstri
WOW air hafi verið að hefja rekstur
breiðþotna.
„Við viljum læra af mistökum. Við
höfum allt síðan WOW féll haft góðan
tíma til að tala við fólk sem gegndi yf-
irmannastöðum hjá WOW og hlusta
á það segja okkur frá því hvað var vel
gert og hvað þyrfti að forðast til að
tryggja árangur WOW 2 til langs
tíma. Við viljum ekki gera sömu mis-
tökin og þar voru gerð. Ef þú blandar
þessari þekkingu og lærdómi saman
við öflugt og þrautreynt bandarískt
stjórnendateymi, sterkan efnahag og
sterka fjárhagslega bakhjarla þá er-
um við komin með módel sem á eftir
að ganga vel til langs tíma.“
Ballarin segir að þrjár vélar verði í
flotanum til að byrja með. „Þetta
verða Airbus A321 NEO. Svo ætlum
við að stækka flotann upp í 10-12 vél-
ar innan 24 mánaða. Við tökum svo
stöðuna eftir það. Við horfum til
helstu staða sem WOW 1 flaug til, en
erum einnig með nýja staði í huga,
þar á meðal Washington Dulles-
alþjóðaflugvöllinn. Yfirvöld þar eru
ótrúlega spennt yfir því að við séum á
leiðinni. Við verðum eina evrópska
flugfélagið með aðsetur (e. Hub)
þar.“
Hver telur Ballerin að fjárþörf
WOW 2 verði?
„Við höfum tryggt félaginu 85
milljónir Bandaríkjadala, eða 10,5
milljarða íslenskra króna, sem á að
duga félaginu fyrstu 24 mánuðina. Ef
þörf verður á þá getur sú tala orðið
allt að 100 milljónir dala, eða 12,5
milljarðar króna. Fyrstu 6-10 mán-
uðina gerum við ráð fyrir 25 milljóna
dala framlagi til félagsins, eða rúm-
um þremur milljörðum króna. Það er
bara eitt sem við viljum tryggja: að
það skorti ekki fé. Það er mjög mik-
ilvægt. Það að vera með sjóð upp á 85
milljónir dala, vera íhaldssöm í fjár-
málum og að hafa vel herta sultaról,
þá ættum við að geta forðast augljós
vandamál.“
Ballarin talar um að félagið verði
straumlínulagaðra en WOW 1. Nauð-
synlegt sé að hámarka tekjur, hagn-
að og rekstrarniðurstöðu, og draga
úr áhættu vegna kostnaðar.
„Við ætlum að einblína meira á
Keflavík en WOW 1 gerði. Við ætlum
ekki að flytja áhafnir til og frá
Reykjavík. Ef það kostar hundruð
þúsunda dala á mánuði að ferja
starfsfólk þannig fram og til baka þá
eru það samtals milljónir dollara á
ári. Slíkur kostnaður er of mikil
byrði. Þá veit ég til þess að WOW var
með um 70 manna upplýsinga-
tæknideild en við skerum það niður í
4 til 5 menn. Ég tel að tæknin sem við
höfum sé nógu góð. Aukinheldur
munum við innleiða bandaríska
fyrsta flokks tækni frá fólki sem veit
allt um flugrekstur.“
háð einu flugfélagi
”
En WOW mun nú rísa upp eins og fuglinn
Fönix eins fljótt og hægt er. Ég vil geta sagt
við fólk: Þetta var aðeins stutt hlé. Þetta eru
ekki varanleg áhrif. Þetta voru ekki mistök.
Þetta var hægri beygja.
Morgunblaðið/Kristinn Magnússon