Morgunblaðið - 24.07.2019, Side 12

12 MORGUNBLAÐIÐ MIÐVIKUDAGUR 24. JÚLÍ 2019SJÁVARÚTVEGUR
AF 200 MÍLUM Á MBL.IS
Makrílvinnsla hófst í fiskiðjuveri Síldarvinnslunnar í Neskaupstað á
laugardag þegar Margrét EA kom þangað með fyrsta farm vertíð-
arinnar, 840 tonn. Þegar vinnslu úr Margréti lauk var Beitir NK kom-
inn til hafnar með 860 tonn og hófst vinnsla úr honum í gærmorgun.
Skömmu síðar kom Börkur til hafnar með 600 tonn. Þetta kemur
fram í frétt á vef Síldarvinnslunnar, en þar segir að eins og venjulega
hafi verið að ýmsu að hyggja þegar vinnsla hófst, enda vélbúnaður
fiskiðjuversins flókinn. „Það gekk býsna vel að ná aflanum. Við feng-
um hann í sex stuttum holum, en það er aldrei togað lengur en í þrjá
og hálfan til fjóra tíma. Við hófum veiðar við Háfadýpið en enduðum
austan við Skaftárdýpi og það er örugglega makríll enn austar,“ segir
Tómas Kárason, skipstjóri á Beiti. Auk framangreindra skipa hófst
löndun á frystum makríl úr Hákoni EA í Neskaupstað í gær.
Morgunblaðið/Þorgeir
Beitir NK kom til hafnar með 860 tonn af makríl og hófst vinnsla í gær.
Makrílvertíð komin
á fullt í Neskaupstað
Nýtt húsnæði bátasmíðastöðv-
arinnar Trefja rís um nú um þessar
mundir við hlið núverandi húsnæðis
fyrirtækisins við
Óseyrarbraut í
Hafnarfirði. Hús-
ið er engin smá-
smíði eða um
2.000 fermetrar
að stærð. Óskar
Auðunsson er
fjármálastjóri
fyrirtækisins, og
rekur það ásamt
bróður sínum, Þresti, en faðir þeirra,
Auðunn Óskarsson, stofnaði Trefjar
árið 1978, og er aðaleigandi þess. Í
dag er fyrirtækið að mestu leyti í
smíði fiskibáta en þó sjá Trefjar m.a.
einnig um smíði heitra potta fyrir
landsmenn og hafa gert það í um 30
ár. Að sögn Óskars fluttu Trefjar í
húsnæðið á Óseyrarbraut fyrir 10
árum en fljótlega hafi komið í ljós að
það hafi verið of lítið. „Jafnt og þétt
höfum við verið að sprengja utan af
okkur húsnæðið. Þess vegna
ákváðum við að stækka við okkur og
byggja annað hús við hliðina á hinu,“
segir Óskar en nú fer hluti fram-
leiðslunnar fram að hluta til á öðrum
stað.
„Við flytjum skrokkana á milli. Við
steypum stærstu stykkin á öðrum
stað og flytjum þau niður á Óseyrar-
braut í samsetningu og frágang.
Núna mun sú starfsemi flytjast
þangað,“ segir Óskar sem ráðgerir
að starfsemi í hinu nýja húsnæði
muni hefjast í byrjun næsta árs.
Nóg er um að vera hjá Trefjum
um þessar mundir en fyrirtækið hef-
ur 15 virka bátasmíðasamninga.
„Þeir eru mislangt komnir og af
öllum stærðum og gerðum. Allt frá
því að vera frekar litlir 32-33 feta
bátar upp í 50 feta, miklu stærri
skip, með vinnsludekki og stórri lest
ásamt flóknari búnaði. Skalinn er
mismunandi í hverju verkefni fyrir
sig,“ segir Óskar.
Að því sögðu eru bátarnir vit-
anlega misdýrir. Söluandvirði
smærri báta er í kringum 40-50
milljónir en þeir allra stærstu geta
selst á um 300-350 milljónir.
Sterkur markaðurinn í Noregi
Hann segir Noreg hafa verið
„langsterkasta“ markað Trefja í þó-
nokkurn tíma en fyrirtækið hefur
undanfarin ár verið að velta á bilinu
1-1,5 milljörðum króna á ári.
„Þar er mjög blómleg útgerð í
þessum geira í Noregi. Af þeim
samningum sem eru í gangi eru 9-10
í Noregi og restin skiptist á milli Ís-
lands, Frakklands og Bretlands.
Þetta eru okkar markaðir. En Ísland
hefur verið minni markaður fyrir
okkur en Noregur í mörg ár,“ segir
Óskar.
Misjafnt er í hvers konar veiðar
bátarnir fara. Fer það m.a. eftir
mörkuðum. „Við framleiðum mikið
af gildrubátum fyrir breskan mark-
að þar sem verið er að veiða krabba
og humar í gildru. Í Noregi er mikið
um línubáta sem veiða þorsk og ýsu
og fleira,“segir Óskar.
Smíða bátana frá A-Ö
Mikill stærðarmunur er á þeim
verkefnum sem starfsmenn Trefja
taka sér fyrir hendur en að jafnaði
smíðar fyrirtækið 8-12 báta á ári.
Sum verkefni eru t.a.m. 5-6 sinnum
stærri en önnur. Bátarnir eru smíð-
aðir í heild sinni af Trefjum.
„Við smíðum allt innanhúss. Við
látum ekki frá okkur báta nema þeir
séu fullsmíðaðir og teknir út af yf-
irvöldum. Það tíðkast í þessum geira
að menn smíði plastið á einum stað
og fari með það á annað stað til þess
að fullklára bátana. Við höfum aldrei
gert það og smíðum þá frá A-Ö,“
segir Óskar.
Það er mikið handverk að smíða
einn bát að sögn Óskars. „Það er
mikil og vandasöm vinna við frágang
á vélum og tækjum. Hvort sem það
er rafmagnið eða frágangur á bún-
aði. Stór hluti vinnunnar felst í því.
Það að smíða sjálfan skrokkinn og
húsið er ekki tímafrekast í báta-
smíði. Þetta er svolítið eins og að
byggja hús. Þegar þú steypir húsið
ertu langt frá því að vera hálfnaður,“
segir Óskar, en skrokkarnir úr bát-
unum frá Trefjum eru að sjálfsögðu
úr trefjaplasti.
Ráðast í stærri smíðar
Um 50-60 manns vinna hjá Trefj-
um og nýlega tók fyrirtækið í notk-
un færanlega bátalyftu. „Það var al-
gjör bylting í að þjónusta báta af
þessum stærðarflokki og allt upp í
75 tonn að þyngd. Áður fyrr sjósett-
um við minni bátana á vagni með
skábraut. Það er ekki alveg ákjósan-
legasta aðferðin. Hún var tímafrek
og aðstaðan fyrir það var orðin frek-
ar erfið. Húsnæðið var orðið þröngt.
Síðan var oft verið að panta stóra
bílkrana með tilheyrandi kostnaði
og umstangi. Það þurfti einnig oft að
hafa mikinn fyrirvara á því til þess
að geta tekið bátana upp og sjósett.
Nú erum við orðnir sjálfum okkur
nógir um það. Það hefur skipt svo-
litlu máli fyrir okkur og gert okkur
kleift að ráðast í stærri smíðar,“ seg-
ir Óskar.
Flytja inn í
nýtt húsnæði
um áramótin
Pétur Hreinsson
peturh@mbl.is
2.000 fermetra húsnæði
bátasmíðastöðvarinnar
Trefja rís í Hafnarfirði. Fyrir-
tækið tók nýlega í notkun
nýja bátalyftu sem auð-
veldar að takast á við
stærri og umfangsmeiri
smíðar.
Nýtt húsnæði bátasmiðjunnar Trefja í Hafnarfirði, sem sést til hægri á myndinni, er um 2.000 fermetrar að stærð.
Óskar
Auðunsson