Útvegur - 01.09.2002, Side 22

20
Fjármunamyndun
2. Fjármunamyndun
2. Capital formation
Venjan er að skipta sjávarútvegi í veiðar og vinnslu og er
það gert í þessu riti. Rétt er þó að taka fram að þessi skipting
hefur riðlast nokkuð á undanfömum árum þar sem vinnsla
hefur í auknum mæli færst um borð í skipin og telst þá með
veiðum. Það sem hér er nefnt fiskvinnsla á því eingöngu við
um landvinnslu.
Samkvæmt bráðabirgðatölum frá Þjóðhagsstofnun var
fjárfest í fiskveiðum fyrir nærri 3,9 milljarða króna á árinu
2001 en á árinu 2000 námu fjárfestingar um 2,6 milljörðum
króna og því er þetta aukning um 52% á milli ára. Nokkur
endumýjun varð á fiskiskipaflotanum á árinu 2001 sem
skýrir þessa aukningu og má þar nefna nýsmíðar frá Kína og
Chile auk endurbygginga og innflutnings á eldri skipum.
Eins og tafla 2.1 ber með sér þá er fjámunamyndun í
fiskveiðum mjög mismunandi frá einum tíma til annars og
sveiflast með gengi greinarinnar. Þannig voru fjárfestingar
t.a.m. mjög miklar árið 1992 en þá voru keypt nokkur stór
skip til landsins. Mun minna var fjárfest árið eftir en
fjármunamyndun jókst síðan aftur árið 1994. Arin 1995-
2000 hafa síðan skipst á lægðir og kúfar annað hvert ár
þegar fjárfestingar tengdar loðnuveiðum hafa sveiflast til.
Árið 1997 var fjármunamyndun lítil eftir stórt stökk upp á
við árið 1996. Fjárfestingin árið 1996 verður helst skýrð
með mikilli fjárfestingu vegna stækkunar loðnuflotans
samfara mjög góðri loðnuveiði. Mikil aukning fjármuna-
myndunar í fiskveiðum 1998, skýrist aftur á móti fyrst og
fremst af miklum endurbótum á loðnuskipum erlendis.
í vinnslu sjávarafurða var fjárfest fyrir 4,6 milljarða
króna á árinu 2001 sem er um 100 milljónum króna meira
en gerðist á árinu 2000. Árið 2000 var fjárfest fyrir um
4.500 milljónir króna sem er jafn mikil fjárfesting og árið
1999. Fjárfesting í landvinnslu hefur raunar verið mjög
mikil nokkur undanfarin ár, mest árið 1998. Þá var fjárfest
fyrir 5.250 milljónir króna samkvæmt tölum Þjóðhags-
stofnunar, um 21% meira að raungildi en árið áður. Þessi
aukning skýrist að verulegu leyti af meiri fjárfestingu
tengdri loðnubræðslu.
Mynd 2.1 Fjármunamyndun í sjávarútvegi 1990-2001. Magnvísitala 1990=100
Figure 2.1 Capital formation in the fishing sector 1990-2001. Volume index 1990 =100