Árbók Nemendasambands Samvinnuskólans - 01.06.1991, Síða 9

FORMÁLI
Áætlanir eru gerðar en stundum breytast þær. Þannig
hefst formáli elleftu Árbókarinnar sem kom út vorið 1986
og var áætlað síðasta bindi þessa verks um Samvinnu-
skólann og nemendur hans. Og enn er þessi setning í fullu
gildi því nú hefur þú, lesandi góður, í hendi tólftu Árbók-
ina.
Fimm ár eru ekki langur tími en á þessum fimm árum
sem liðin eru síðan Árbókin kom síðast út hefur margt
breyst, breytingar sem engan hefði órað fyrir árið 1986.
Samvinnuhreyfingin, þetta óbifandi íjall sem flestir töldu
að standa myndi svo lengi sem heimur stæði, er nú í rúst.
Sambandið ekki lengur til og kaupfélögunum hefur fækk-
að mjög. Á hitt er svo að líta að þau kaupfélög sem eftir
standa hafa flest komist yfir erfiðleikana hvort sem þeim
verður framtíðar auðið eða ekki.
Svo er það Samvinnuskólinn okkar. Sá Samvinnuskóli
sem við höfum þekkt fram að þessu er horfinn og Sam-
vinnuháskóli kominn í staðinn. Það var ekki numið stað-
ar við að færa skólann upp í menntakerfinu að einhverj-
um hluta, hann var færður á toppinn. Það má fullyrða að
á árum áður og a.m.k. framundir 1970 hafi Samvinnu-
skólinn í raun getað talist á háskólastigi, enda mennt-
unarkröfur þá allt aðrar en nú er. Það var öllum ljóst að í
óbreyttri mynd væri saga skólans öll en nú standa vonir
til, að hann sé kominn á sinn fyrri stall og víst er að það
fólk sem nú starfar við Samvinnuháskólann hefur mikinn
metnað og núverandi nemendur sýna áhuga og dugnað.
Það er líka gott til þess að vita að nemendur háskólans
vilja ekki slíta tengslin við Nemendasambandið heldur
halda starfi þess áfram og efla það.
5