Árbók Nemendasambands Samvinnuskólans - 01.06.1991, Qupperneq 10

En vegna þessara miklu skila í sögu og starfi skólans
þótti rétt að gefa út nemendatal frá árinu 1980 og til vors
1989 þegar síðustu nemendur eldra kerfisins útskrifast en
þá var skólinn orðinn menntaskóli. Árbækurnar hafa
fyrst og fremst verið saga Samvinnuskólans en út af fyrir
sig ekki afrekaskrá nemendanna, þótt skólinn hafi sent út
í lífið margan hæfan manninn, sem ástæða er til að gleðj-
ast yfir. Auðvitað er ekki stórt sem hægt er að segja um
fólk sem nýkomið er úr skóla og reyndar margt ennþá við
nám, enda er sagan ekki að fullu skráð fyrr en einstakl-
ingurinn er allur. Verði eftir einhverja áratugi áhugi fyrir
að bæta við og halda áfram þessu verki er það alltaf
möguleiki.
Því er ráðgert að á næsta ári komi bók um nemendur
sem útskrifast hafa frá Samvinnuskólanum árin 1985-
1989 og loks er það kennaratalið sem oft hefur verið rætt
um að fylgdi í kjölfarið. Það eru líkur til þess að nú komi
það loksins sem þriðja bókin í þessari röð. Auðvitað mætti
í framhaldi ræða hvort Árbókin héldi áfram að koma út
sem ársrit þar sem íjallað yrði um nemendur Samvinnu-
háskólans á hverjum tíma á svipaðan hátt og gert hefur
verið í undangengnum bókum, og íjallað jafnframt um
störf þeirra og áhugamál. Um leið yrði Árbókin sem rit
Nemendasambandsins frásögn um störf þess, einkum ef
með breyttum skóla tækist að blása verulegu lífi í það. Þá
gæti Nemendasambandið orðið Samvinnuháskólanum
traustur bakhjarl og kæmi þá hugsanlega að einhverju
leyti í stað samvinnnuhreyfingarinnar, þótt flestir óski að
samvinnustarfið endurnýjist, hugsanlega að einhverju
leyti í breyttri mynd.
Vonandi verður Árbókinni enn sem fyrr vel tekið, fyrri
bindi hennar skipa víða heiðurssess á heimilum og í fyrir-
tækjum og íjölmargir eru þeir sem hafa sótt þangað ýms-
an fróðleik.
Guðmundur R. Jóhannsson.
6