Árbók Nemendasambands Samvinnuskólans - 01.06.1991, Side 28

tengjast innlendum sem erlendum gagnabönkum. Þetta
er sá búnaður sem nýjastur er í dag og telja verður nauð-
synlegan til að hægt sé að uppfylla kröfur til skólans um
að hafa tiltækar nýjustu gögn og upplýsingar sem tengj-
ast því námi sem fram fer í skólanum.
Þegar hefur verið hafist handa við að bæta ofangreinda
þætti. I haust var íjórðungur alls tölvubúnaðar endurnýj-
aður og komið hefur verið fyrir tölvu á bókasafni til
skráningar bóka og til upplýsingaleitar, en þegar hefur
verið lokið við að skrá um 1500 bækur og eru allar nýjar
bækur skráðar jafnóðum.
AÐ LOKUM
Þó hér að framan hafi mest verið rætt um hina áþreif-
anlegu hluti sem nauðsynlegir eru fyrir gott skólastarf,
þá er hitt þó mest um vert hvernig huglægir þættir skóla-
starfsins ganga, þ.e. kennslan sjálf. Þar ræður mestu að
kennt sé efni sem nýtist nemendum sem best þegar út í
atvinnulífið kemur og að þeir fái ýmiss konar hagnýta
þjálfun og ekki síst að kennsla og þjálfun sé með þeim
hætti að þessi markmið náist. Eins og fyrr segir hefur
stöðug endurskoðun átt sér stað í Samvinnuháskólanum á
kennsluefni, kennsluháttum og starfsháttum með því að
stjórnendur, starfsmenn og nemendur hafa með gagnrýn-
um huga skoðað það starf sem átt hefur sér stað og reynt
að bæta úr því sem talið hefur verið að betur mætti fara.
Ekki leikur vafi á því að það starf hefur borið mikinn ár-
angur og þannig hefur skólinn stöðugt færst nær því
markmiði sínu að vera ekki aðeins „nógu góður“ skóli,
heldur góður skóli.
Vésteinn Benediktsson, rektor
24