Árbók Nemendasambands Samvinnuskólans - 01.06.1991, Page 157

HVER ER FRAMTÍÐ NEMENDASAMBANDSINS?
Þessi spurning hefur oft komið upp í hugann þau miss-
eri sem undirritaður hefur setið í stjórn Nemendasam-
bands Samvinnuskólans.
Upp á síðkastið hefur oft sprottið upp umræða innan vé-
banda Nemendasambandsins hvort það hafi einhvern til-
gang lengur að halda úti félagsstarfi því sem NSS rekur.
Því miður er ekkert eitt svar til við þessari spurningu,
og henni verður heldur ekki svarað nema af öllum íjöldan-
um.
Frá því að Samvinnuskólinn var stofnaður árið 1918
hefur oft verið sagt að hann sé fyrst og síðast „félagsmála-
skóli“ og þaðan útskrifist fólk sem öðlast hafi félagslegan
þroska og veljist jafnan til forystu og leiðsagnar á félags-
mála vettvangi.
Það hefur einnig verið bent á það, þessu til stuðnings,
hversu margir sem hafa setið Samvinnuskólann hafi hasl-
að sér völl í stjórnmálum, ýmist í landspólitík eða valist
til starfa við sveitastjórnarmál, ýmist sem bæjar- og sveit-
arstjórar eða sinnt öðrum trúnaðarstörfum á þessu sviði.
Hvort fullyrðingin er sönn eða ekki þá er það víst að nám-
ið í Samvinnuskólanum hefur gagnast nemendum á fleiri
sviðum en í verslun og viðskiptum.
Þegar Samvinnuskólinn var fluttur að Bifröst í Borgar-
firði árið 1955 breyttust aðstæður nemenda óhjákvæmi-
lega. Skólinn var ekki lengur heimangöngu skóli í þétt-
býli heldur gerður að heimavistarskóla í sveit, íjarri erli
borgarlífsins. Þetta gerði þá kröfu til nemenda að þeir
þurftu að vera sjálfum sér nógir um sínar félagsþarfir.
Náið sambýli og starf nemenda og kennara skólans leiddi
til samvinnu og kynna sem enst hefur fólki ævilangt.
153