Árbók Nemendasambands Samvinnuskólans - 01.06.1991, Side 164

HAMRAGARÐARí 20 ÁR
Á stjórnarfundi hjá Nemendasambandi Samvinnuskól-
ans 16. apríl 1970 var á dagskrá liður sem nefndist: Hús
Jónasar frá Hriflu. Þar var þetta bókað af ritara stjórnar,
Halldóri Ásgrímssyni:
„Kom fram hugmynd um möguleg afnot NSS af hús-
inu undir starfsemi sambandsins. Var ákveðið að
skrifa stjórn SÍS og lýsa áhuga NSS á þátttöku í
varðveislu hússins sem félagsheimili og safnhús
samvinnumanna.“
Sá veldur miklu sem upphafinu veldur og þarna hófst
merkileg saga sem stóð næstu 20 ár - stofnun, uppbygg-
ing og rekstur Hamragarða - félagsheimilis samvinnu-
manna, að Hávallagötu 24 í Reykjavík.
Nítjánda júlí 1968 andaðist Jónas Jónsson á heimili
sínu að Hávallagötu en þangað fluttist hann ásamt Guð-
rúnu Stefánsdóttur, konu sinni, veturinn 1941-1942. Húsið
var byggt af Sambandinu og þeim hjónum var boðið að
búa í húsinu meðan þau lifðu. Þegar Jónas hætti stjóm
Samvinnuskólans 1955 og skólinn flutti í Borgarfjörðinn,
var Jónasi boðið húsið til eignar, en hann afþakkaði það.
Þess vegna stóð þetta hús autt og óráðstafað eftir hans
dag. Það mun þó hafa verið ósk Jónasar Jónssonar, að fé-
lagsstarfsemi í einhverju formi ætti sér stað í húsinu eftir
hans dag. Með tilkomu Hamragarða sem félagsheimilis
rættist sú ósk.
Bréfið sem stjórn NSS sendi stjórn SÍS, undirritað af
formanni, Atla Frey Guðmundssyni hlaut ótrúlega góðar
viðtökur og skjót viðbrögð hjá þeim Sambandsmönnum.
160