Árbók Nemendasambands Samvinnuskólans - 01.06.1991, Side 183

staðið til að skólinn borgaði annað en ferðakostnað.
Hvatti hann alla til að tjá sig um málið.
Árni Magnússon spurði fyrir sig og Hreggvið hvort þeir
sem væru í bænum ættu að borga fyrir þá sem væru í
helgarleyfi á Akureyri.
Þórir svaraði að svo yrði ef tekið væri út af mötuneytis-
reikningnum.
Óskar Óskars bar fram fyrirspurn um hvort skólinn sæi
um að panta það svefnpláss sem þyrfti í þessari ferð.
Fljótt svarað, sagði Þórir: Það verður pantað svefnpláss.
Það er ekki hægt annað en að ganga að þessum góðu til-
boðum sem koma, út af því að við erum svo stór hópur.
Við pöntum það hótel sem við greiðum atkvæði með og
leggjum það svo undir okkur.
Síðan var tillagan borin undir atkvæði og var hún sam-
þykkt.
Að þessu loknu skýrði Þórir frá tilboðunum. Hann skor-
aði á fundarstjóra að ákveða hvort fundarmenn sem yrðu í
heimahúsum ættu að sitja hjá eða ekki, því það kæmi
heimahúsfólki ekkert við hvort þeir sem gistu á hóteli
veldu Hótel Akureyri eða Hótel Varðborg.
Opnaði fundarstjóri mælendaskrá um tilboðin. Jónas
Yngvi kom með tvær fyrirspurnir til Þóris. 1. Fer skólinn
yfirleitt eftir tillögunni? 2. Hver er þjónustan?
Þórir sagði að það væri nú annaðhvort að skólinn færi
ekkert að stjórna með peninga nemenda. Ef það yrði gert
þá færum við bara ekkert. Ef ekki er nóg pláss þá tökum
við tíu sængur með okkur og gistum á dýnum. Hann skor-
aði á Akureyringa að koma upp og fræða okkur á því,
hvernig þjónustan væri á hótelunum.
Þórlaug Inga sagði að okkur munaði ekki um nokkrar
krónur. Betra væri að borga meira og fá mannsæmandi
húsnæði.
En Halldór Bachmann var ekki alveg á sama máli.
Hann sagði að enginn þjónustu munur væri á hótel-
unum. Hótel Akureyri væri ekkert slabbý hótel sem rónar
•12 Árbók
179