Breiðholtsblaðið - jan. 2017, Blaðsíða 14

14 Breiðholtsblaðið JANÚAR 2017
www.leiknir.com
Hannes í heimsókn hjá Leikni
Landsl iðsmarkvörður inn
Hann es Þór Hal l dórs son
heim sótti sitt gamla fé lag Leikni,
þann 3. janúar síðastliðinn.
Snemma var ljóst að húsið
myndi fyllast af iðkendum og
Leiknisfólki. Hannesi var vel
fagnað og ljóst er að félagið
er stolt af því að hafa tekið
þátt í að ala þennan frábæra
íþróttamann upp.
Hannes fræddi iðkendur um
uppvaxtarár sín hjá félaginu og
sagði frá því hvernig hann komst
alla leið á toppinn. Hann hvatti
alla iðkendur til dáða og bað þá
að setja sér markmið og gefast
aldrei upp. Hannes spjallaði
góða stund við iðkendur um
leið og hann gaf þeim eiginhan-
daráritanir og landsliðsmynd
af landsliðinu sem keppti á EM
síðastliðið sumar. Einnig afhenti
hann félaginu keppn istreyju og
markmannshanska sem hann lék í
á Evr ópu mót inu í Frakklandi.
Ful l t rú i Ungl ingaráðsins
kynnti síðan Hannesarbikarinn
sem verður afhentur á næstu
uppskeruhátíð félagsins. Bikarinn
verður afhentur iðkanda í yngri
flokkum Leiknis sem býr yfir
eftirfarandi:

• Er góður liðsmaður
• Er hugrakkur
• Hugsar um félaga sína
• Sigrast á mótlæti
• Er stoltur félagsmaður
• Sýnir metnað í verki
• Er góð fyrirmynd

Hann es hóf sinn fer il með
Leikn ismönn um og lék með
meist ara flokki fé lags ins frá
2002 til 2004. Allt Leiknisfólk
þakkar Hannesi kærlega fyrir
heimsóknina og þann heiður að
fá að kenna bikarinn við nafn
Hannesar Halldórssonar.
Hannes spjallar við unga Leiknismenn.
- Hannesarbikar afhentur á næstu uppskeruhátíð
Hann es Þór Hall dórs son með Hannesarbikarinn sem verður afhentur
iðkanda í yngri flokkum Leiknis í lok leiktíðar.
Ósvald Jarl Traustason er gengin í raðir íþróttafélagsins
Leiknis frá uppeldisfélagi sínu Breiðablik. Ósvald hefur áður
leikið í búningi félagsins og þekkir því vel til.
Ósvald verður 22 ára á þessu ári og er vinstri bakvörður.
Hann hefur leikið 53 leiki í meistaraflokki þar af 15 í
Pepsídeildinni. Pilturinn á einnig 13 landsleiki með U19 og U17
ára liði Íslands.
Fyrstu meistaraflokksleikir Ósvalds komu í Leiknisbúningnum
árið 2013 þegar hann spilaði 8 leiki í 1. deild með okkur. Hann
hefur síðan leikið með Fram og Gróttu.
Ósvald er boðin hjartanlega velkomin í Leikni !
Ósvald Jarl til Leiknis
Verkefnið Heilsueflandi
Breiðholt er heildræn
nálgun þar sem markvisst
er unnið með áhrifaþætti
heilbrigðis. Lykilþættir
eru næring, hreyfing,
líðan og lífsstíll.
Í Breiðholtinu er verið
að byggja upp samfélag
þar sem heilsa og líðan er
í fyrirrúmi. Stefnt er að
því að gera holla valið eins
aðgengilegt og auðvelt og
mögulegt er óháð aldri, kyni eða félagslegri
stöðu. Stofnanir Reykjavíkurborgar í
hverfinu ásamt félagasamtökum hafa
sameinast í Heilsueflandi Breiðholti.
Nálgunin í Heilsueflandi Breiðholti er einmitt
að allar stofnanir og félög hafi hlutverk
þegar kemur að því að skapa aðstæður sem
stuðla að heilsu og vellíðan íbúa. Stefnt er að
því að skapa jöfnuð í heilsu með almennum
og sértækum aðgerðum. Unnið er með
lykilþættina á öllum aldurs og skólastigum
í Breiðholti.
Meðal almennra heilsueflandi
aðgerða í Breiðholti
• Frístundastyrkurinn hækkar úr 35.000 í 50.000 krónur á ári.
Frístundastyrk er hægt að nota til að greiða fyrir íþróttir og
frístundastarf barna 6-18 ára.
• Leikskólarnir taka þátt þátt í íþróttaverkefni.
• Leikskólarnir taka þátt í tannverndarverkefni.
• Grunnskólar tóku þátt í Evrópuverkefni um hreyfingu á
haustmánuðum.
• Grunnskólar leita stöðugt leiða til að bæta fæðuval í skólunum. Í
Seljaskóla er t.d. boðið upp á ávexti á hverjum morgni og salatbar
með hádegismat.
• Í frístundaheimilum er boðið upp á grænmeti og ávexti í
síðdegishressingu og unnið að bættri líðan barnanna.
• Fjölbrautarskólinn í Breiðholti er með samning við nýju World
Class stöðina í Breiðholti um aukna hreyfingu nemenda og kennara.
• Á sambýlum er unnið með hreyfingu og holla fæðu.
• Í félagsmiðstöðvum barna og unglinga bjóða upp á starfsemi til
að bæta félagsfærni til að bæta líðan og lífsstíl.
• Í félagsmiðstöðvum Gerðubergi og Árskólum er boðið upp
á hreyfingu og félagsstarf sem tekur á tekur á lykilþáttunum í
Heilsueflandi Breiðholti.
• Íþróttafélögin í hverfinu bjóða upp á fjölbreytta möguleika
íþróttastarfsemi sem þjálfa lykilþættina hreyfingu, næringu, líðan
og lífsstíl.
Samvinna og samstaða allra megin stofnanna, félagasamtaka og
almennings er lykilinn að árangri í verkefninu. Það sem stöðugt er
hlúð að vex og dafnar.
Heildræn nálgun er
lykilinn að árangri
Þórdís
Gísladóttir.