Morgunblaðið - 30.09.2019, Page 10

10 FRÉTTIRInnlent
MORGUNBLAÐIÐ MÁNUDAGUR 30. SEPTEMBER 2019
Smáralind | Kringlunni | Reykjanesbæ | Akranesi | Sími 511 2022 | dyrabaer.is
ULTRA
KATTASANDUR
– fyrir dýrin þín
■■■ Sporast lítið
■■■ Lyktarlaus
■■■ Frábær lyktareyðing
■■■ Náttúrulegt hráefni
■■■ 99.9% rykfrír
■■■ Klumpast vel
Áætlað er að um 2.000 manns hafi
verið í Laufskálarétt í Hjaltadal í
Skagafirði á laugardaginn. Mikil
stemning fylgir jafnan réttunum og
öllum sem þeim fylgir; þegar stóðið
er rekið fram Kolbeinsdal og í rétt-
irnar þar sem hrossin eru svo færð í
dilka. Veður var hið besta og mynd-
aðist því einstök stemning. Allt
voru um 400 hross í réttunum að
þessu sinni, að folöldum frátöldum.
„Nei, ég varð ekki var við neina
áberandi ölvun. Hins vegar var glóð
í einhverjum réttargesta,“ segir
Haraldur Þór Jóhannsson í Enni í
Viðvíkursveit sem til fjölda ára var
potturinn og pannan við réttar-
störfin. Sjálfur átti hann um 70
hross í Laufskálarétt, en réttardag-
urinn er jafnan mikil hátíð í Skaga-
firði. Margir komu einmitt langt að
til að fylgjast með réttarstörfunum,
en eftir þau voru gleðifundir víða í
sveitum Skagafjarðar.
Morgunblaðið/Björn Jóhann
Skagfirðingar Þórólfur Pétursson á Hjaltastöðum í Blönduhlíð, til vinstri,
og Halldór Steingrímsson í Brimnesi sem var rekstrarstjóri í réttunum.
Glóð í gestunum
 Líf og fjör í Laufskálarétt á laugardag
Sigurður Bogi Sævarsson
sbs@mbl.is
„Verkefnin ræðismanna eru fjöl-
breytt og þjónustan mikilvæg,“
segir Yannis Lyberopoulos, að-
alræðismaður Íslands í Grikklandi.
Í síðustu viku var hér á landi hald-
in ráðstefna utanríkisráðuneytisins
fyrir kjörræðismenn Íslands í út-
löndum. Þetta er í áttunda sinn
sem slík ráðstefna er haldin en
þær eru að jafnaði haldnar fimmta
hvert ár. Nú um stundir hafa 213
manns í 90 ríkjum um veröld víða
með höndum starf kjörræðis-
manna Íslands. Þeir eru ólaunaðir
og starfa náið með utanríkisráðu-
neytinu og sendiskrifstofum Ís-
lands að hagsmunagæslu fyrir Ís-
lands hönd á ólíkum sviðum.
Landkynning og orkumál
Kjörræðismenn og þjónusta
þeirra er afar mikilvæg í þeim rík-
um þar sem Ísland er ekki með
sendiráð eða -skrifstofur. Við and-
lát, slys eða ef fólk frá Íslandi
kemst í kast við lögin er oft leitað
atbeina utanríkisþjónustunnar og
getur sú þjónusta skipt sköpun.
Einnig sjá ræðismennirnir um út-
gáfu neyðarvegabréfa og aðstoða
íslensk fyrirtæki við markaðsmál.
Eru með öðrum orðum sagt að lið-
sinna og ryðja brautina fyrir allt
sem íslenskt er.
Margt var til umfjöllunar á ráð-
stefnunni í síðustu viku. Þar má
nefna erindi fulltrúa Íslandsstofu
um landkynningarmál, fulltrúar
Icelandair sögðu frá starfsemi og
áherslum fyrirtækisins og tals-
maður Landsvirkjunar ræddi um
framleiðslu endurnýjanlegrar
orku. Allt þetta helst í hendur við
að á ráðstefnunni nú voru nýsköp-
un og sprotafyrirtæki – svo og
borgaraþjónustan – sérstök
áherslumál.
Yannis Lyberopoulos, sem er Ís-
lendingur að hálfu og með íslensk-
una fullkomlega á valdi sínu, tók
við sem aðalræðismaður Íslands á
Grikklandi árið 2009; þá eftir föð-
ur sinn Constantin Lyberopoulos
sem hafði haft starfið með höndum
frá 1973. Kona Constantin og móð-
ir Yannis var Emilía Kristín Kofo-
ed-Hansen; dóttir Agnars Koofod-
Hansen flugmálastjóra og Bjargar
konu hans. Líkt er með Yannis og
fjölmarga aðra í hans stöðu; ræð-
ismennirnir hafa flestir tengsl við
Ísland og starfið gengur í ættir.
„Já, það er oft haft samband við
mig vegna ýmissa mála sem teng-
ast Íslandi. Stundum eru þetta
Grikkir sem ætla sem ferðamenn
til Íslands og eru að athuga með
vegabréfamál og annað. Einnig
fólk sem er í atvinnuleit og er þá
að kanna atvinnumöguleika og
slíkt. Einnig er alltaf nokkuð um
að fólk þurfi aðstoð utanríkisþjón-
ustunnar vegna staðfestingar á op-
inberum skjölum og slíkt,“ segir
Yannis. Hann býr og starfar í
Aþenu og starfar þar við fram-
leiðslu og sölu íslenskra sjávaraf-
urða, meðal annars fyrir sjávar-
útvegsfyrirtækin Þorbjörn og Vísi
í Grindavík.
„Sem áfangastaður ferðamanna
á Ísland talsvert mikið inni meðal
Grikkja. Ef til vill fara þeir í rík-
ari mæli að leggja leið sína til Ís-
lands þegar efnahagur í Grikk-
landi vænkast að nýju, við erum á
góðri leið.“
Þjónustan er stór þáttur
í starfi kjörræðismanna
 Ræðismenn á ráðstefnu í Reykjavík  213 í 90 ríkjum  Inneign í Grikklandi
Morgunblaðið/Sigurður Bogi
Samtal Guðlaugur Þór Þórðarson utanríkisráðherra og Yannis Lyberopoulos, kjörræðismaður Íslands í Aþenu í
Grikklandi. Yannis er Íslendingur í móðurætt, hefur alltaf búið ytra en hefur íslenskuna 100% á valdi sínu.
Við opnun Vísindavöku Rannís sl.
laugardag fékk Vísindasmiðjan
viðurkenningu fyrir starf sitt, það er
að miðla fróðleik um vísindi til
grunnskóla og nemenda þeirra með
gagnvirkum og lifandi aðferðum. Jón
Atli Benediktsson rektor og Guðrún
Bachmann, kynningarstjóri vísinda-
miðlunar hjá Háskóla Íslands, veittu
viðurkenningunni viðtöku.
Auk almenns fræðslustarfs tekur
Vísindasmiðjan á móti gestum á öll-
um aldri í margvíslegum viðburðum
um allt land. Markmiðið með þessu
er að vekja áhuga ungs fólks og al-
mennings á vísindum og þekkingu,
styðja við kennslu á öllum skólastig-
um í náttúru- og raunvísindum og
örva gagnrýna og skapandi hugsun.
Frá því Vísindasmiðjan var opnuð
í mars 2012 hafa komið þangað um 25
þúsund skólabörn af öllu landinu, öll-
um að kostnaðarlausu. Árlega tekur
smiðjan á móti um 6.000 grunn-
skólanemum og um 250 kennurum á
ári. Starfsmenn eru kennarar og
nemendur við HÍ sem þarna fá þjálf-
un í vísindamiðlun og kynningar-
starfi. – Nýlega braut Vísinda-
smiðjan blað í sögu barnamenningar
á Íslandi þegar hún fékk veglegan
styrk úr Barnamenningarsjóði Ís-
lands vegna dagskrár í Hörpu í vet-
ur. Þar mætast listir og vísindi á
skapandi og lifandi máta, segir í til-
kynningu. sbs@mbl.is
Ljósm./Aðsend
Vísindin Heiðursveiting í höfn.
Viðurkenn-
ing til Vís-
indasmiðju
 Listir og menning
mætast á Hörpunni