Morgunblaðið - 19.11.2019, Síða 10

10 | MORGUNBLAÐIÐ
Arctic Trucks Ísland ehf.
Kletthálsi 3
110 Reykjavík
Sími 540 4900
Netfang info@arctictrucks.is
Vefur www.arctictrucks.is
JEPPADEKK.IS
Vönduð amerísk jeppadekk sem henta
frábærlega fyrir íslenskar aðstæður.
Stærðir 29”-44”.
38” radíaldekk
sem hefur
margsannað
sig á hálendi
Íslands.
44” radíal.
Hannað í
samstarfi
Arctic Trucks
og Nokian.
35” radíal.
Frábært
neglt
vetrardekk!
kr. 39.900,- kr. 39.900,- kr. 49.900,- kr. 49.900,- kr. 49.900,-
FELGUR
Gott úrval
Margar stærðir
DEKKJAÞJÓNUSTA
TÍMAPANTANIR
Í SÍMA 540 4900
Það virðist óhjákvæmilegur fylgi-
fiskur þess að eiga bíl að þurfa, endr-
um og sinnum, að lagfæra dældir. Jó-
hannes Norðfjörð er sérfræðingur í
svokölluðum „fínréttingum“ hjá
Gæðasprautun og segir hann lag-
henta geta lagað sumar dældir á eigin
spýtur en aðrar dældir kalli á um-
fangsmeiri viðgerðir með sérhæfðum
tækjum.
„Það fer allt eftir skemmdinni hvað
dugar, og ekkert sem mælir á móti
því að reyna t.d. að laga dæld með
sogskál, eða með því að ýta dældinni
varlega út innan frá. En oft getur
dældin hafa valdið því að komin er
teygja í stálið, svo að þegar búið er að
rétta skemmdina skýst hún aftur inn
við minnsta álag,“ segir Jóhannes og
bætir við að alls kyns tilraunir með
t.d. hárblásurum og sogskálum geti
seint skaðað skelina á bílnum eða
lakkið. „Það er hins vegar auðvelt að
valda meira tjóni ef reynt er að ýta
dældum út með einhverju oddhvössu
og getur áhaldið þá skilið eftir sig
skemmd.“
Oftast þarf ekki
að eiga við lakkið
Hjá Gæðasprautun eru notaðar
sérstakar aðferðir til að laga dældir
hratt og vel. Aðferðin sem fyrirtækið
notar hefur fengið nafnið „fínrétting“
og segir Jóhannes að þessi lausn
henti vel fyrir mýkri dældir. „Ef t.d.
innkaupakerra rekst utan í bílinn
þrykkir hún dæld inn í efnið og er það
skemmd sem við getum ekki lagað
nema með hefðbundnum leiðum.
Sama gildir með dældir þar sem
komið hefur brot í lakkið og það er
jafnvel farið að flagna af; við getum
ekki lagað þess háttar skemmdir án
þess að mála. Í flestum öðrum til-
vikum henta fínréttingar vel og getur
viðskiptavinurinn oftast nær sótt bíl-
inn til okkar eftir hálfan dag.“
Það sem aðskilur fínréttingar frá
hefðbundnum bílaréttingum er að
notuð eru sérhæfð tæki sem rétta
dældir á augabragði. Starfsmenn
Gæðasprautunar þurfa yfirleitt að
komast að dældinni aftan frá, og
stundum verður að koma fyrir styrk-
ingu á bak við dældina þegar hún hef-
ur verið rétt. „Ef t.d. þakið á bílnum
hefur dældast verðum við að fella
toppinn niður til að komast að með
tækjum okkar og þrýsta þakinu aftur
upp, auk þess að endurfesta styrking-
arslár og kítta á sinn stað svo að þak-
ið verði stíft og slétt og sé ekki á
hreyfingu eftir viðgerðina,“ útskýrir
Jóhannes. „Í öðrum tilvikum kom-
umst við að dældum t.d. niður með
rúðunni, eða í gegnum læsingargötin,
og með þar til gerðum ljóslömpum
sjáum við af mikilli nákvæmni hvort
réttingin hefur tekist fullkomlega.“
Jóhannes bendir á að fínréttingar
spari bæði vinnu og efni. „Gamla leiðin
var sú að hita skelina með gasloga og
svo þrykkja eða hamra burtu dældir.
Þurfti þá að sparsla, grunna og mála
aftur þann hluta bílsins sem verið var
að lagfæra, sem þýddi að viðgerðin
tók miklu lengri tíma,“ segir hann og
upplýsir að fínréttingar geti kostað frá
15.000 til u.þ.b. 170.000 kr. án vsk., eft-
ir því hve stór skemmdin er. „Með
betri tækjum og bættum aðferðum er
hægt að stytta viðgerðartímann til
muna, draga úr kostnaði og komast
hjá því að sprauta hluta bílsins upp á
nýtt. Munar ekki síst um að sleppa við
sprautunina ef fólk ekur um á bíl með
fallegu þriggja laga lakki sem vanda-
samt er að lagfæra.“
ai@mbl.is
Ekki sama
hvernig farið er
með dældirnar
Morgunblaðið/Eggert
Jóhannes segir að með nýjum aðferðum sé hægt að laga dældir samdægurs, án þess að eiga við lakkið.
Ef fólk reynir sjálft að laga dældir á bílnum þarf
að gæta þess að gera ekki óvart illt verra.
Auk þess að reka fínréttingaverk-
stæði starfrækir Gæðasprautun
hefðbundna réttinga- og bíla-
sprautunarþjónustu. Þar er m.a.
hægt að láta bletta í sár eftir
steinkast, og segir Jóhannes að
fólk þurfi að hafa nánar gætur á
þessum agnarsmáu skemmdum.
„Stundum þarf að skoða lakkið
mjög vandlega til að sjá þessar
skemmdir, sem eru jafnvel bara á
stærð við nálarauga. Á það við um
þessi smáu göt, og allar skemmdir
þar sem sprunga myndast í lakk-
inu, að það þarf að bletta í sárið
fyrr en seinna. Annars finnur
vatn og salt sér leið þar í gegn og
byrjar þá skelin á bílnum að
ryðga. Þegar ryð er tekið að
myndast verða allar viðgerðir
mun flóknari.“
Litlu blettina sem grjótkastið
veldur ætti fólk ekki að reyna að
laga sjálft. „Það sem margir gera,
til að redda sér sjálfir, er að ná í
sandpappír og slípa upp staðinn
þar sem steinninn gataði lakkið,
en sitja þá uppi með miklu stærra
sár en ef skemmdin væri löguð af
fagmanni með réttu tækjunum.“
Ekki hundsa litlu sprungurnar