Feykir - 22.03.2017, Blaðsíða 3
Fréttir af Prjónagleði 2017
Deila, miðla, læra og fleira
Textílsetur Íslands og sam-
starfsaðilar munu í sumar
standa fyrir hátíðinni
Prjónagleði en sú hátíð var
fyrst haldin á Blönduósi á
seinasta ári. Prjónagleði mun
fara fram helgina 9. – 11. júní
í sumar en hún hefur það að
markmiði að sameina reynda
kennara og áhugasamt
prjónafólk frá Íslandi sem
og erlendis frá til þess að
deila og miðla reynslu, læra
eitthvað nýtt og hafa gaman.
Um 15 námskeið verða í boði
en frekari upplýsingar um
námskeiðin má finna á
heimasíðu hátíðarinnar www.
prjonagledi.is. Á meðan á
hátíðinni stendur verður sett
upp sölusýning í íþróttahúsinu á
Blönduósi, en þar verður einnig
veitingasala og ýmsar uppá-
komur. Hannah Kent, ástralski
rithöfundurinn, sem skrifaði
metsölubókina Náðarstund,
verður með fyrirlestur um
Agnesi Magnúsdóttur og örlög
hennar. Hannah mun koma
fram á opnunarhátíð Prjónagleði
sem fram fer föstudagskvöldið 9.
júní kl. 20:00 í Félagsheimilinu á
Blönduósi.
Prjónagjörningurinn OWN
YOUR OWN TIME VI mun fara
fram á hátíðinni en í gjörn-
ingnum sem tekur eina
klukkustund mun stór hópur
prjónafólks hittast og eiga
einstaka stund saman. Lykilinn
að prjónagjörningnum er að
þvinga tímann til að aðlaga sig
að líkamstaktinum. Skráning er
efst á heimasíðu Prjónagleðinnar.
Á laugardagskvöldinu verður
hátíðarkvöldverður í Félags-
heimilinu á Blönduósi, þriggja
rétta kvöldverður með áherslu á
hráefni úr heimabyggð. Björk
Jakobsdóttir, leikkona og
skemmtikraftur verður veislu-
stjóri.
Frekari upplýsingar og
skráning á hátíðina má nálgast
á www.prjonagledi.is eða á
www.knittingfestival.is. Einnig
eru veittar upplýsingar á
netfanginu skrifstofa@tsb.is
eða í síma 452-4030 á skrif-
stofutíma. /Fréttatilkynning
AÐSENT
Ásdís Guðmundsdóttir skrifar
Ert þú frumkvöðlakona?
Ertu með hugmynd sem þig
langar að framkvæma?
Vinnumálastofnun stýrir
Evrópuverkefninu FREE en
markmið þess er að efla
frumkvöðlakonur á
landsbyggðinni og
hvetja þær til dáða í
sínum verkefnum.
Segja má að
verkefnið sé
áframhald Female
verkefnisins sem
Vinnumálastofnun
stýrði, en það var
einnig fræðsluverk-
efni fyrir konur með
staðbundnum námskeiðum.
Í því verkefni kom í ljós að
konur á landsbyggðinni hafa
oft ekki tök á því að ferðast um
langan veg til að taka þátt í
námskeiðum og kjósa að hafa
aðgang að fræðslu í gegnum
netið. Því var ákveðið að sækja
um styrk fyrir öðru verkefni
sem myndi þá einblína á þarfir
frumkvöðlakvenna á lands-
byggðinni. Rannsóknir sýna
einmitt að það sem helst skortir
á landsbyggðinni er aðgangur
að efni á netinu en einnig telja
konur mikilvægt að hittast og
mynda tengsl.
Verkefnið er sam-
starfsverkefni sex
aðila frá fimm lönd-
um, en auk Vinnu-
málastofnunar á
Íslandi tekur Byggða-
stofnun þátt ásamt
aðilum frá Bretlandi,
Búlgaríu, Króatíu og
Litháen.
Hvernig ætlum við að
efla konur til dáða?
Verkefnið skiptist í þrjá þætti: Í
fyrsta lagi verður boðið upp á
netnám í þáttum sem viðkoma
hugmyndavinnu og rekstri
fyrirtækja. Má þar nefna
stefnumótun, útflutning, vöru-
þróun, markaðssetningu,
kennslu í notkun samfélags-
miðla, netsölu og fjármál. Nú
hefur verið opnað fyrir
umsóknir um netnámið en
verið er að leggja síðustu hönd
á námsefnið. Mun það verða
aðgengilegt í gegnum Moodle
námskerfið á heimasíðu verk-
efnisins.
Hér er tengill á umsóknina:
http://ruralwomeninbusiness.
eu/is/fraedsla-a-netinu/
Í öðru lagi þá verða settir
upp hæfnihringir á netinu, þar
sem þátttakendum gefst kostur
á að hitta aðrar konur í sömu
stöðu og ræða þar málefni sem á
þeim brenna. Notast verður við
„Google hangout“ kerfið sem er
gjaldfrjálst og krefst eingöngu
þess að G-mail aðgangur sé til
staðar hjá þátttakanda. Einnig
verður hægt að nálgast gagn-
virkar æfingar í persónulegri
hæfni á heimasíðu verkefnisins.
Í þriðja lagi hafa verið sett
upp tengslanet kvenna á þeim
þremur stöðum sem einblínt er
á en það eru Vestfirðir, Norður-
land vestra og Austurland.
Íbúaþróun hefur verið neikvæð
á þessum svæðum og enn-
fremur sýna rannsóknir að
konum fækkar meira á þessum
svæðum en körlum.
Tengslanetið byggir á hug-
myndafræði frá Bretlandi, en
þar hafa tengslanet kvenna í
dreifbýli verið starfrækt í
nokkurn tíma í gegnum WIRE
verkefnið. Hugmyndafræðin
byggir á þátttöku og að deila
upplýsingum og þekkingu
þeirra sem taka þátt og þannig
efla færni og hæfni. Hluti af
verkefninu var fræðsla um
hugmyndafræðina fyrir þá
tengslanetsleiðtoga sem stýra
tengslanetinu á hverjum stað.
Taktu þátt!
Hér á Norðurlandi vestra hefur
tengslanetið verið stofnað og
var fyrsti fundur þess haldinn á
Sauðárkróki í nóvember. Lilja
Gunnlaugsdóttir og Kristín
Sigurrós Einarsdóttir leiða
tengslanetið á svæðinu og
munu þær skipuleggja þá fundi
sem fyrirhugaðir eru.
Sett hefur verið upp síða á
Facebook þar sem konur á
Norðurlandi vestra geta tekið
þátt í tengslanetinu og haft
áhrif á hvað á að fjalla um þar
og má nálgast hópinn hér
https://www.facebook.com/
groups/535681759960177/
Einnig bendum við á
heimasíðu verkefnisins en þar
má finna nánari upplýsingar
um verkefnið og aðra sam-
starfsaðila www.
ruralwomeninbusiness.eu
Annar fundur tengslanetsins
verður á Hótel Varmahlið
fimmtudaginn 23. mars kl.
17:30 en þá munum við kynna
verkefnið og starfið framundan.
Við bjóðum allar áhugasamar
konur velkomnar!
Hafðu samband!
Tengiliður verkefnisins á Norð-
urlandi vestra er Anna Lea
Gestsdóttir hjá Byggðastofnun
en verkefnastjóri er Ásdís
Guðmundsdóttir, starfsmaður
Atvinnumála kvenna og veita
þær allar nánari upplýsingar
um verkefnið.
anna.byggdastofnun.is
asdis.gudmundsdottir@vmst.is
Er styrkur í þér?
UPPBYGGINGARSJÓÐUR NV
Seinni úthlutun 2017
• Styrkir til atvinnuþróunar og nýsköpunar
ATVINNU- OG NÝSKÖPUNARSJÓÐUR NV
Seinni úthlutun 2017
• Styrkir til nýsköpunar og atvinnuþróunar fyrir 35 ára og yngri
UMSÓKNAREYÐUBLÖÐ
Umsóknareyðublöð og önnur gögn fyrir báða sjóðina
er að finna á heimasíðu SSNV > www.ssnv.is
AÐSTOÐ OG UPPLÝSINGAR
Allar nánari upplýsingar veita starfsmenn SSNV atvinnuþróunar
UMSÓKNARFRESTUR ER TIL OG MEÐ 10. APRÍL 2017
NÝTT!
12/2017 3