Feykir - 04.10.2017, Side 3

Hnjúkabyggð 33 I 540 Blönduósi I Sími 455 4700
Blönduósbær
w w w.blonduos. is
Íbúafundur um verndarsvæði í byggð
- Gamli bærinn á Blönduósi
Gamli bæjarhlutinn á Blönduósi (innan ár) á sér langa sögu, sem varðveitt er í
gömlum húsakosti og heildstæðu svipmóti byggðarinnar. Fæstir þéttbýlisstaðir á
Íslandi geta státað af slíkum bæjarkjarna og því er mikilvægt að varðveisla hans
og uppbygging takist vel til. Slíkt gæti falið í sér fjölbreytt tækifæri fyrir íbúa á
Blönduósi og styrkt bæjarfélagið í heild sinni.
Árið 2015 tóku gildi sérstök lög um verndarsvæði í byggð, en markmið laganna
er að stuðla að verndun svæða sem talin eru hafa menningarsögulegt gildi.
Samkvæmt lögunum ber sveitarstjórnum landsins að meta „hvort innan
sveitarfélagsins sé byggð, sem hafi slíkt gildi“ og hvort ástæða sé til að útbúa
tillögu til ráðherra um að hún verði gerð að verndarsvæði í byggð. Í samræmi
við þetta fól sveitarstjórn Blönduósbæjar TGJ - Teiknistofu Guðrúnar Jónsdóttur
að taka saman tillögu og greinargerð til ráðherra um að gamli bæjarkjarninn á
Blönduósi verði gerður að verndarsvæði í byggð.
Miðvikudaginn 11. október kl. 17:00 er því boðað til almenns íbúafundar í
Félagsheimilinu á Blönduósi þar sem fulltrúar TGJ munu kynna verkefnið og
ræða málin við íbúa og aðra hlutaðeigandi aðila.
Allir sem áhuga hafa á verkefninu eru hvattir til að mæta.
Skipulags, umhverfis- og umferðarnefnd
Blönduósbæjar og TGJ ehf.
Atkvæðagreiðsla utan kjörfundar vegna Alþingiskosninga
laugardaginn 28. október 2017
Umdæmi sýslumannsins á Norðurlandi vestra
Greiða má atkvæði utan kjörfundar í skrifstofum embættisins
frá og með 20. sept. 2017, sem hér segir:
• Blönduósi, aðalskrifstofu, Hnjúkabyggð 33, Blönduósi, virka daga, kl. 10:00 til kl. 15:00
• Sauðárkróki, sýsluskrifstofu, Suðurgötu 1, Sauðárkróki, virka daga, kl. 10:00 til kl. 15:00
Á öðrum stöðum fer utankjörfundaratkvæðagreiðsla fram sem hér segir
í samráði við viðkomandi hreppsstjóra:
• Hvammstanga, hjá Helenu Halldórsdóttur, skipuðum hreppsstjóra, s-893-9328,
Skrifstofu sveitarfélagsins Húnaþing vestra, Hvammstangabraut 5, 530 Hvammstanga.
• Sveitarfélaginu Skagaströnd, hjá Lárusi Ægi Guðmundssyni, skipuðum hreppsstjóra, s-864-7444:
a. Einbúastíg 2, 545 Skagaströnd
b. Hólabraut 24, 545 Skagaströnd
• Sveitarfélaginu Skagafirði, hjá Ásdísi Garðarsdóttur, skipuðum hreppsstjóra, s- 848-8328,
Kirkjugötu 19, 565 Hofsósi.
Fimmtudagana 19. og 26. október nk. verður opið til kl. 19:00 í aðalskrifstofunni á Blönduósi
og sýsluskrifstofunni á Sauðárkróki.
Á kjördag verða aðalskrifstofan á Blönduósi og sýsluskrifstofan á Sauðárkróki opnar
frá kl. 16:00 til 18:00.
Ósk um atkvæðagreiðslu í heimahúsi vegna sjúkdóms, fötlunar eða barnsburðar
skal hafa borist sýslumanni á sérstöku eyðublaði eigi síðar en kl. 16:00, þriðjudaginn
24. október 2017.
Kosið verður á sjúkrahúsum og dvalarheimilum aldraða samkvæmt nánari ákvörðun sýslumanns
á hverjum stað í samráði við viðkomandi forstöðumenn.
Það skal tekið sérstaklega fram að hægt er að kjósa utan kjörfundar hjá öllum
sýslumannsembættum landsins.
Blönduósi, 2. október 2017
____________________________
Bjarni Stefánsson, sýslumaður
Í nokkra mánuði hefur mikil
tímabundin verðlækkun
sauðfjárafurða legið fyrir.
Ástæða lækkunarinnar er
einkum vegna gengisþróunar
og tímabund-
innar lokunar á
mörkuðum
erlendis. Samtök
bænda hafa átt í
viðræðum við
stjórnvöld um
lausnir og í því
sambandi lagt
fram margvís-
legar hugmyndir.
Ríkisstjórn Bjarna
Benediktssonar
með landbúnaðarráðherra í
fararbroddi hefur því miður
dregið lappirnar og ítrekað
kemur í ljós skilningsleysi
gagnvart stöðu landsbyggðar-
innar. Tillögurnar sem stjórn-
völd kynntu virtust einungis
snúast um að fækka bændum
og koma til móts við þá sem
ætla að bregða búi en lítill vilji
virtist vera til að styrkja stöðu
þeirra sem ætla að halda
áfram. Þetta er röng hugsun og
er til þess fallin að veikja
landsbyggðina til lengri tíma
litið.
Það hefur komið vel fram
hversu mikilvægt er að ráð-
herra landbúnaðarmála hafi
skilning á byggðamálum.
Hvernig stóð á því að Viðreisn
fékk ráðuneyti landbúnaðar-
mála? Var það vegna mikils
skilnings á byggðamálum eða
var það vegna pólitísks sam-
komulags um að landbúnað-
inum skyldi fórnað fyrir ráð-
herrastóla? Ef sú er raunin þá
er það mikið ábyrgðarleysi
gangvart bændum, fjölskyld-
um þeirra og einstökum
byggðalögum sem byggja á
sauðfjárrækt. Þeirri óvissu sem
þessi ríkisstjórn hefur boðað
er sem betur fer að ljúka og
mikilvægt að við taki stöðug-
leiki og festa fyrir þau byggða-
lög sem byggja afkomu sína á
landbúnaði.
Framsókn leggur áherslu á
að ráðist verði strax í aðgerðir
fyrir sauðfjárbændur að af-
loknum kosningum. Þar verði
lögð sérstök áhersla á að horfa
til framtíðar í stað þess að
brjóta niður greinina. Helstu
áherslur eiga að vera eftir-
farandi:
- Framsókn vill hætta við að
greiða bændum sérstaklega
fyrir að bregða búi eða slátra
fullorðnu fé. Það á ekki að vera
meginmarkmið stjórnvalda að
fækka bændum um 20%.
- Framsókn vill að samþykkt
verði aukafjár-
veiting til að vega
upp tímabundna
tekjuskerðingu
bænda vegna
sláturstíðar í
haust.
- Framsókn vill
styðja með bein-
um hætti við
áætlanir bænda
um sameiginlega
markaðssetningu
dilkakjöts á er-
lendum mörkuðum undir
merkinu „Icelandic lamb“.
- Framsókn vill að unnið verði
að lagabreytingum til að ná
fram sveiflujöfnun birgða á
innanlandsmarkaði.
- Framsókn vill að Byggða-
stofnun verði falið að fara yfir
lánamál sauðfjárbænda til að
koma í veg fyrir brottfall vegna
tímabundinna skuldavand-
ræða.
Atriðin sem talin eru hér að
ofan eru ekki tæmandi en eru
forgangsmál til að leysa stöðu
sauðfjárbænda. Íslendingar
vilja öfluga sauðfjárrækt og
stuðningur við bændur er
mikill í íslensku samfélagi eins
og fram hefur komið síðustu
mánuði. Nærri 30 sveitarfélög
hafa sent frá sér ályktanir
vegna stöðu sauðfjárbænda og
margir aðrir hafa tjáð áhyggjur
sínar af stöðunni. Sauðfjár-
ræktin gegnir ekki einungis
því hlutverki að framleiða
matvæli heldur er hún víða
undirstaða byggðar. Öflug
sauðfjárrækt er því öflugasta
byggðaaðgerðin á mörgum
svæðum.
Það er ljóst að sauðfjárrækt
sem og önnur innlend mat-
vælaframleiðsla á mikil
sóknarfæri og það er mikilvægt
að tímabundin vandræði komi
ekki í veg fyrir að menn horfi
til framtíðar. Framsóknar-
flokkurinn mun standa með
landbúnaði og innlendri mat-
vælaframleiðslu að afloknum
næstu alþingiskosningum.
Ásmundur Einar Daðason.
Sækist eftir 1. sæti á lista
Framsóknarflokksins í
NV Kjördæmi
AÐSENT : Ásmundur Einar Daðason skrifar
Sauðfjárrækt –
Aðgerðir til eflingar
37/2017 3