Feykir - 04.10.2017, Side 6

Sunna Ósk Þorvaldsdóttir
er fædd og uppalin á
Sauðárkróki en flutti
suður á bóginn eftir
grunnskólann til að læra
hönnun í Tækniskólanum.
Í vor lauk hún Umhverfis-
skipulagsbraut frá
Landbúnaðarháskóla
Íslands á Hvanneyri, en
það er BSc. nám í
landslagsarkitektúr og
skipulagsfræði, og í haust
byrjaði hún svo í MA í
iðnhönnun í Designskolen
Kolding, Danmörku.
Lokaverkefni Sunnu á
Hvanneyri var tillaga að
miðbæjargarði á
Flæðunum á Sauðárkróki
en þar hefur fólk haft
ýmsar hugmyndir um
nýtingu svæðisins í gegn
um tíðina. Í dag eru
Flæðarnar notaðar sem
tjaldsvæði en hugmyndir
hafa einnig verið uppi um
að reisa þar hótel. Feykir
fékk Sunnu til að segja frá
verkefni sínu og hug-
myndum um skemmt-
ilega hannað útivistar-
svæði.
Þegar Sunna er spurð að því
hvernig hafi staðið á því að hún
valdi að vinna með Flæðarnar á
Sauðárkróki sem lokaverkefni,
segir hún hafa viljað gera
eitthvað sem hún þekkti enda
mikil vinna sem fer í það að
gera BSc lokaverkefni. „Ég vildi
fjalla um viðfangsefni sem
stæði mér nærri og er raunsætt
til að hafa drifkraftinn í að gera
almennilegt verkefni sem
myndi vera einhvers virði. Fyrir
mér er þetta svæði fullkomið
fyrir garð og hefur alltaf verið,
enda á ég minningar af því sem
útivistarsvæði. Sú staðreynd að
það sé verið að spá í að staðsetja
þar hótel í stað garðs finnst mér
persónulega galið. Í tillögunni
er að finna rökstuðning fyrir
VIÐTAL
Páll Friðriksson
gildi samfélags með miðbæjar-
garði á Flæðunum ásamt ítar-
legum greiningum á svæðinu.“
Hún segist hafa merkt
ákveðin tímamót í samfélaginu
með umræðunni um hótel á
Flæðunum en að sú fram-
kvæmd yrði stórt skref í að
útrýma tækifæri til að upphefja
sögu og menningu fyrri tíma
og styrkingu miðbæjarmynd-
arinnar.
„Eins og heildarhugmynd
tillögunnar er byggð á ágrein-
ingi um örlög Flæðanna, þ.e.
hvort að þar eigi að vera bygg-
ingar-efnishyggja eða garður-
hughyggja, þá mun framtíð
Flæðanna annaðhvort tákna
„sigur“ eða yfirhönd efnis-
hyggjunnar eða hughyggjunnar
fyrir mér. Nú eða vera í
biðstöðu eins og er búið að vera
undanfarna áratugi.“
Endalausir
möguleikar
Sunna segist, sem brottflutt-
ur Sauðkrækingur, stundum
hugsa um það hvort hún eigi
einhvern tímann eftir að flytja
aftur í heimabæinn og þá skipti
máli hvernig innviðirnir eru.
„Ég fæ á tilfinninguna að það sé
ekki mikið verið að velta fyrir
sér innviðum og gæðum bæjar-
lífsins, heldur meira hvernig
bærinn lítur út á við. Breyttur
hugsunarháttur gæti haft mikil
áhrif um hvort að maður eigi
eftir að flytja heim,“ segir hún.
Hvaða afþreyingu skyldi
Sunna sjá fyrir sér sem fólk
gæti stundað í garðinum?
„Ég sé fyrir mér að það sé
haldið upp á helstu hátíðardaga
bæjarins og hægt sé að halda
ýmis leikjanámskeið á opna
svæðinu við sundlaugina þar
eins og var áður. Eins og kemur
fram í tillögunni hef ég áhuga á
að auka líffræðilega fjölbreytni
í gróðri og dýralífi eins og með
blágrænum yfirborðslausnum
þar sem yfirborðsvatn af
nærliggjandi bílastæðum er
leitt í tjörn á Flæðunum. Hægt
væri að koma í garðinn til að
upplifa náttúruna, hlusta á
fuglasöng, gefa fuglunum
brauð við tjörnina, skauta,
grilla, skoða tegundarík tré og
runna, fara í lautarferð eftir
heimsókn í nýuppgerðu sund-
laugina eða grípa bók af
bóksafninu og lesa hana í
garðinum. Tillagan býður íbú-
um upp á óformlega eða
formlega fundi við aðra.“
Sunna segir möguleikana
endalausa en það sem vanti sé
grundvöllurinn fyrir þá.
Vinsældir garða fari mikið eftir
Sunna Ósk Þorvaldsdóttir hefur sett fram hugmynd um miðbæjargarð á Flæðunum á Sauðárkróki
Garður sem yrði
prýði og stolt bæjarins
Lokaverkefni Sunnu heitir Flæðarnar á Sauðárkróki. Tillaga að miðbæjargarði og hægt að nálgast á slóðinni
https://skemman.is/handle/1946/28005. http://hdl.handle.net/1946/28005
Í samantekt ritgerðarinnar segir:
Markmiðið með þessu verkefni er að sýna fram á að
Flæðarnar á Sauðárkróki er tilvalin staðsetning fyrir
miðbæjargarð sem gæti styrkt gamla miðbæinn,
verið vettvangur fyrir sameiginlegar athafnir íbúa og
stuðlað að betri lýðheilsu þeirra.
Flæðarnar er grasflöt í hjarta bæjarins og það
hefur verið mikill ágreiningur í gegnum tíðina um
hvort að þar eigi að vera byggingar eða garður og
hefur hún því staðið auð áratugum saman. Til að
rökstyðja tillöguna er stuðst við ýmis gögn eins og
Life Between Buildings eftir Jan Gehl um hvað gerir
miðbæi lífvænlega, hugmyndafræði Patrik Grahn
um grunniðkanir í görðum, Image of the City eftir
Kevin Lynch fyrir svæðisgreiningu, aðalskipulag
Skagafjarðar, gildandi deiliskipulag fyrir Flæðarnar
og fleiri. Einnig voru gerðar fjölbreyttar greiningar til
að komast að eiginleikum og göllum svæðisins sem
er grunnurinn að hönnunarforsendum og byggist
hönnunartillaga á þeim.
Heildarhugmynd (e. concept) garðsins er byggð á
ágreiningnum um örlög hans, þ.e. hvort að þar eigi að
vera byggingar-efnishyggja eða garður-hughyggja og
útfært á svipaða vegu og endurreisnargarðurinn Villa
Lante, þar sem tíminn er táknaður með því að í byrjun
garðs er hann manngerður og stílfærður en verður
villtari eftir því sem lengra er komið. Á sama hátt er
garðurinn á Flæðunum manngerður-efnishyggja út
frá Bankahúsi en verður villtari-hughyggja þegar nær
kemur sundlauginni.
Gildi þess að gera miðbæjargarð á Flæðunum væri
mikið fyrir samfélagið á Sauðárkróki þar sem það
myndi ýta undir fleiri iðkanir íbúa, auka götulíf, bæta
aðgang allra að grænum svæðum, bæta lýðheilsu
íbúa og styrkja miðbæinn.
6 37/2017