Feykir - 19.09.2018, Blaðsíða 10

Kæru foreldrar barna í yngri flokkum Tindastóls!
Að eiga barn í yngri flokkum er ábyrgðarhlutverk. Með
því að skrá barn í yngri flokka skuldbindur maður sig til
þess að taka þátt í barna- og unglingastarfi félagsins.
Flestir líta á þá skuldbindingu sem gleðiefni enda fátt
meira gefandi en að eyða tíma í börnin sín. Um leið vil
ég auðvitað taka fram að ég geri mér grein fyrir að við
höfum misjafnlega mikinn tíma og tækifæri til þess að
eyða með börnum okkar.
AÐSENT Jón Stefán Jónsson
framkvæmdastjóri knattspyrnudeildar Tindastóls skrifar
Þarf heilt þorp
til að ala upp barn
Matartími á Króksmóti.
Foreldrar hafa verið mjög
duglegir að benda á hvað má
betur fara í starfinu og er það
vel en nú ætla ég að fá að koma
með ábendingar til baka. Ég hef
setið á mér að segja þessa hluti
því margir hafa sagt að fólk yrði
ósátt með það. En ég tel svo ekki
vera, til hvers að vera ósáttur
með eitthvað ef við erum bara
að ræða hvernig við getum bætt
félagið okkar ? Ég lít allavega
svo á að ég sé ekki með neinn
reiðilestur, heldur ábendingar
og hugmyndir til að fá fólk
með okkur í lið. Neðangreind
skrif skyldi því ekki telja sem
neitt annað en góðfúslegar
ábendingar/hugmyndir til að
efla okkur öll.
Í sumar hafa leikir frestast
og leikir verið gefnir vegna
manneklu af ýmsum orsökum.
Þar má telja að 3. flokkur
kvenna dró sig úr Íslandsmóti
um miðjan júlí. Auk þess stefnir
allt í að nú á síðustu metrunum
muni 3. flokkur karla ekki ná
að klára Íslandsmótið, þar sem
þeir þurfa að gefa sinn annan
leik í sumar v/manneklu. Það
að gefa tvo leiki þýðir að liðið
segir sig sjálfkrafa úr mótinu.
Ef allt er talið gætu viðurlög við
því kostað félagið, og þar með
foreldra, í kringum 2.000.000
kr. fyrir 3. flokk karla og við það
bætast um 250.000 kr fyrir 3.
flokk kvenna. Hverju er um að
kenna? Fullt af atriðum en fyrst
og fremst því að þessir flokkar
eru fámennir og brothættir.
Væru þeir fjölmennari og áhugi
þeirra sem í þeim eru almennt
meiri með betra utanumhaldi
félags og foreldra í gegnum
tíðina? Svarið er já, árangur
og fjöldi helst í takt við góða
umgjörð. Alls ekki skyldi svo
skilja að hér sé verið að hnýta í
3. flokkana eða þá sem að þessu
standa umfram aðra, þessi mál
hins vegar ættu að vera okkur
víti til varnaðar.
Starfið í endurskoðun
Þeir sem að unglingastarfinu
standa vita vel að víða hefur
verið pottur brotinn í umsjón
og skipulagi yngri flokka. Allt
okkar starf er einmitt nú í
mikilli endurskoðun og mun
ég velta hverjum einasta steini
til þess að laga þá hluti sem
aflaga fóru í sumar. Ég vil hins
vegar vera grimmur og benda
á að það er ekki síður foreldra
en þjálfara að hlutir eins og
utanumhald flokka séu í lagi. Í
flokkum eiga að vera starfrækt
foreldraráð en á fundum sl.
hausts gekk lítið að manna þau.
Þjálfarinn einn getur ein-
faldlega ekki séð um að halda
utan um þá hluti sem snúa að
skipulagningu ferða, félagslega
þættinum og svo mætti telja.
Ef leikur er framundan um
helgi er fullkomlega eðlilegt
að foreldrar/foreldraráð sé á
tánum og fari að ræða skipulag
ferðarinnar a.m.k. viku fyrr. Það
er nefnilega ekkert sem segir að
það sé einvörðungu þjálfarans/
félagsins að skipuleggja hvernig
börnum sé komið í leiki og
mót. Sjálfur hef ég farið í
mjög margar keppnisferðir á
vegum Þórs, Hauka og Vals og
í undantekningatilvikum hef
ég þurft að skipuleggja þessar
ferðir einn, þessi verkefni
hafa verið á höndum foreldra/
foreldraráða/nefnda.
Sem dæmi mætti hér
nefna að ef einhver yngri
flokkur á að fara austur og
spila tvo leiki á Egilsstöðum
þá myndi foreldraráð þess
flokks hittast og skipuleggja
ferðina. Svo hafa samband við
framkvæmdastjóra sem myndi
sjá um að panta hluti eins og rútu
og gistingu skv. ábendingum
foreldraráðs. Enginn er að fara
fram á að foreldraráðin sjái
um praktísku hliðina, heldur
leggi hlutina einfaldlega upp
svo skipulagshlutinn sé í lagi.
Nestismál eru svo t.d. annar
hluti sem foreldrar/foreldraráð
gætu skipulagt sameiginlega og
með því sparað stórar fjárhæðir.
Félagið okkar verður aldrei
öflugt án góðs barnastarfs
og foreldrar eru ekki bara
mikilvægur, heldur nauðsyn-
legur hluti af því.
Sjálfdautt innan fimm
ára án foreldrastarfs
Án foreldrastarfs ætla ég að
spá því að þetta verði sjálfdautt
innan fárra ára. Þetta er (og
kannski því miður) ekki bara
eins og hver önnur þjónusta
sem maður kaupir. Þetta er ódýr
þjónusta sem þarf að borga
fyrir og leggja svo töluvert
af mörkum líka, sannkallað
samfélagsverkefni.
Mig langar að benda á að í
sumar náði meistaraflokkur
kvenna og 2. flokkur kvenna
mjög góðum árangri í sínum
mótum eftir fremur magurt
gengi árið á undan. Hvað
breyttist? Fyrst og fremst
utanumhaldið. Stelpurnar
höfðu í kringum sig feykilega
öflugt kvennaráð sem munaði
ekki bara miklu, heldur
hreinlega öllu fyrir þær. Það
skilaði sér inn á völlinn. Þær
yndislegu manneskjur sem að
kvennaráðinu standa hreinlega
eiga í það minnsta helminginn
af þeim árangri sem náðst
hefur.
Einnig vil ég tiltaka það
frábæra fólk sem kom og
hjálpaði okkur við mót sumars-
ins, það hefðu alveg mátt vera
fleiri en þeir sem komu unnu
hreinlega ómetanlegt starf
og verður seint full þakkað.
Loks má nefna að karlaráð
sem stofnað var í kringum
meistaraflokk karla hefur
staðið sig frábærlega.
Snúum bökum saman
Að lokum, kæru Tindastóls-
menn, langar mig að tala beint
út og segja frá hjartanu að
foreldrastarfi félagsins hefur
að mínu mati verið verulega
ábótavant. Er foreldrum
einvörðungu að kenna? Nei
alls ekki! Foreldrar finna ekki á
sér hvenær þeirra er þörf. Við,
sem að innra starfi deildarinnar
störfum, verðum að gera betur
í því að virkja fólk. En... hins
vegar er líka mikilvægt að
fólk hugsi nú jákvætt til okkar
og starfsins. Til að mynda
er ekkert leyndarmál að við
eigum eftir að manna nokkrar
þjálfarastöður, en það er
mannekla eða kannski frekar
sagt þjálfaraekla í bænum.
Þjálfararnir okkar eru sumir
hverjir hreinlega útbrunnir af
vinnu. Við höfum sl. ár og vikur
og daga tapað góðu fólki. En nú
skulum við spyrna við fótum og
gera þetta spennandi!
Vilt þú þjálfa og fá smá
borgað fyrir? Vilt þú dæma og
fá smá borgað fyrir? Vilt þú
læra þetta og fara á námskeið
sem félagið greiðir? Endilega
hafðu samband við okkur!. Vilt
þú vera í foreldraráði nýs flokks
fyrir næsta vetur? Viltu hjálpa
til í sjálfboðavinnu á leikjum
meistara og/eða yngri flokka?
HÉR ER ÁKALLIÐ!!! Hafðu
samband!!
Nú skulum við snúa bökum
saman og leyfa þessu yndislega
félagi að verða það sem það
getur orðið, sem er að verða
fyrirmynd annarra félaga með
gríðarlega öflugu barna- og
unglingastarfi sem svo skilar
sér í meistaraflokka og öflugri
félagsmönnum.
Það þarf heilt þorp
til að ala upp barn!
ÁFRAM TINDASTÓLL!
Með bestu kveðju, Jónsi
framkvæmdastjóri Tindastóls.
Frá Landsbankamótinu fyrr í sumar. MYNDIR: ÓAB
10 35/2018