Bæjarbót - 05.01.1989, Page 7

Janúar 1989
Bæjarbót, óháð fréttablað 7
Ranglát mismunun:
Hugleiðingar
dagmóður
Ætlar bæjarstjórnin ekki að
koma upp öðrum leikskóla?
Eða dagheimili? Skildu þeir
ætla að leggja alveg niður rólu-
völlinn? Var rétt af þeim að láta
aðstöðuna í gömlu kirkjunni af
hendi, fyrst engin með næga
menntun sótti um? Þessar og
margar fleiri spurningar sækja á
hugann þessa dagana.
Er þessi kona sem tók dag-
heimilið að sér dagmamma? Er
hún í dagmæðrasamtökunum?
Það hlýtur að vera fyrst hún fer
eftir okkar töxtum, því annars
hefði hún ekkert leyfi til þess. Af
hverju hef ég aldrei heyrt á þessa
dagmömmu minnst, áður en
þetta kom til, hvar hefur hún
starfað og hve lengi? Hvernig
menntun hefur hún? Eða hvern-
ig sannaði hún hæfni sína, bæði
til starfsins og þess að hafa
mannaforráð?
Nefnd frá menntamálaráðu-
neyti, dagvist barna og dag-
mæðrum, er að vinna að mjög
viðtækum reglum fyrir allt land-
ið og vinna samtök dagmæðra
t.d. mjög ákveðið að því að
menntun dagmæðra verði að
öllu leyti sambærileg, við þau
námskeið sem Sóknarkonur sem
vinna á dagheimilum hafa
fengið.
Nú vantar aðeins 100 tíma til
viðbótar fyrri námskeiðum, upp
á að svo verði. Öðlumst við þá
réttindi til að taka að okkur yfir-
umsjón yfir dagheimilis eða
leikskóladeildum, þar sem
fóstra er þó yfir skólanum.
Allir vita hver menntun
sjúkraliða er miðað við
hjúkrunarkonu, þannig verður
okkar menntun með tímanum
miðað við fóstru. En slík rétt-
indi hefur engin dagmamma
ennþá, hvað sem allri hæfni og
reynslu líður.
Fyrir þremur árum byrjuðum
við hérna tvær, og lögðum
hvern eyri sem við fengum fyrir
gæsluna mánuðum saman í að
borga kostnað við standsetningu
á húsnæði, girðingu, leiktækj-
um og öðru því sem til þurfti, og
það tók á annað ár að klára
þann kostnað. Það varð líka að
bæta við einum sekúndulítra af
heitu vatni til að húsnæðið væri
nú hlýtt og gottJá það var mikið
á sig lagt, til að láta drauminn
rætast og skapa þessa góðu
aðstöðu.
Og nú les ég hér í Bæjarbót,
ekki nóg með að dagmanna fái
frítt húsnæði, girðingu, útileik-
tæki og guð má vita hvað, held-
ur les ég út úr þessu, að bærinn
muni borga fyrir hana hita og
rafmagn. Ég get ekki skilið það
öðru vísi, fyrst það eina sem hún
þarf að borga af rekstrarkostn-
aði, er laun, ræsting og innileik-
föng.
Er furða þó mér sárni!
Hvað hefur þessi kona fram
yfir mig og aðrar dagmæður?
Ég stórefast um, að hún hafi
nokkur réttindi til að vera for-
stöðukona fyrir dagheimili,
heldur sé hún dagmóðir og varla
með meiri réttindi en aðrar.
Er rétt að mismuna fólki
svona? Mér finnst að sé konan
dagmóðir, eigi hún að starfa
sem slík. En þarna kemur til
skjalanna hróplegt óréttlæti.
Hversu mikið er ekki hægt að
gera ef allt er lagt upp í hendurn-
ar á manni?
Manni finnst eðlilegt að það
sem við í bæjarfélaginu rekum
sameiginlega, eins og leikskóla,
sé fullkomnara en hjá einstakl-
ingum, dagmæðrum úti í bæ.
En þegar bærinn er farinn að
borga alla aðstöðu fyrir eina
dagmömmu, er verið að mis-
muna okkur, nema þeir ætli þá
að styrkja okkur hinar.
Því við sem tollum í þessu
ábyrgðarmikla starfi, erum þær
sem eru hæfar, höfum yndi af
starfinu, sækjum námskeið,
höfum unnið og vinnum okkar
samborgurum og bæjarfélagi
geysimikið gagn og erum stoltar
af.
En það er ekki við konuna að
sakast, heldur bæjarstjórn og
því er rétt að ég taki fram, að ég
er ekki á móti konuni sem dag-
mömmu, enda veit ég ekki hver
hún er og þekki hana ekki í sjón.
Dagvistun:
Forstöðu-
kona ráðin
að dagvist-
uninni í
gömlu
kirkjunni
Eins og fólki mun kunnugt
var rekstur dagvistunar í
gömlu kirkjunni boðinn út.
Aðeins 1 umsókn barst. Þessi
umsækjandi hefur að lokinni
frumathugun verið ráðinn til
reynslu. Það er dagmóðirin
Guðrún Agnes Einarsdóttir
að Hellubraut 8 sem fær það
Imikla hlutskipti að koma
Idagvistuninni í gang. Hún
lleggur til innileikföng, starfs-
f fólk og ræstingu, en öðru sér
bærinn henni fyrir. Vistunin
er áætluð fyrir yngri börn og
fylgja gjöldin töxtum dag-
mæðra fyrir viðkomandi ald-
ur. Endurgreiðslur til for-
eldra verða með sama hætti
og áður. Væntir bæjarstjórn
[þess að þessi viðbót bæti úr
i brýnni þörf og stytti biðlista
l vegna dagvistunar verulega.
Foreldrar eru hvattir til að
tnota sér þessa þjónustu.
ISamkvæmt kröfu bæjar-
[stjórnar mun fagleg ráðgjöf
og eftirlit verða til staðar.
Það sem ég er á móti, er að
hún þurfi ekki að bera kostnað
af að skapa og reka sína aðstöðu
sjálf eins og aðrar dagmæður.
Reyndar finnst mér þetta útboð
vitleysa frá byrjun, því aðeins
þrjár menneskjur hér í bæ, mér
vitanlega, hafa næga menntun
og réttindi til að sjá um dag-
heimili og eru allar í vinnu hjá
bænum.
Og fyrst engin með næga
menntun sótti um, þá hefði bær-
inn átt að reka þar dagheimili á
eigin vegum, eins og upphaflega
var gert ráð fyrir, en ekki mis-
muna dagmæðrum.
Klara Gestsdóttir.
Agætu Grindvíkingar!
Járn & Skip þakkar ykkur viðskiptin á undanförnum árum. Sem
kunnugt er keypti Sigurður Sveinbjörnsson járnvöruverslun kaup-
félagsins í Grindavík í lok nýliðins árs. Hann býður áfram ýmsar
vörur frá okkur, jafnframt því sem hann rekur eigin verslun,
Málmey.
Við ítrekum þakkir okkar, með von um að núverandi skipan
mála falli viðskiptavinum okkar, í fortíð og framtíð, vel í geð.
Járn & Skip
Kaupfélag Suðurnesja
IBUÐ
ÓSKAST!
Óska eftir 2ja herbergja íbúð
í Grindavík sem fyrst - helst
strax!
Uppl í símum 68067 og 68699
Sundlaug
Grindavíkur
Sími 68561
Opið sem hér segir:
Mánudaga - Föstudaga:
Böm kl. 16.00 -19.00
Fullorðnir kl. 19.00 - 21.00
Sauna klefinn
er alltaf opinn á kvöldin
Konur:
Mánud. - Miðvikud. - Föstud
kl. 19.00 - 21.00
Karlar:
Þriðjud. og Fimmtud.
kl. 19.00 - 21.00
Heiti potturinn alltaf
í gangi, bæði loft
vatns nudd.
- Gerðu þér gott! -
- Syntu reglulega! -