Bændablaðið - 14.01.2016, Qupperneq 12
12 Bændablaðið | Fimmtudagur 14. janúar 2016
Nýjasta nýtt í íslenskri ferða-
þjónustu er glær kúla úti í skógi
þar sem ferðamenn geta legið
í hita og fylgst með stjörnum
og norðurljósum á kvöldin og
nóttunni.
Fyrstu kúlunni hefur verið
komið fyrir í skóginum í Hrosshaga
í Biskupstungum. Kúlan, sem
mætti kalla jólakúlu, er um 20
til 25 fermetrar og þar geta 2–4
komið sér inn, lagst á dýnurnar
og horft upp í loftið í þeirri von
að sjá falleg norðurljós og stjörn-
ur þegar dimmt er. Hugmyndina
að ferðamannakúlunni á Róbert
Sveinn Róbertsson, frumkvöðull
úr Biskupstungum.
„Verkefnið hefur gengið mjög
vel, kúlan er að slá í gegn og segja
allir mikla upplifun að vera í henni.
Japanir hafa spurt mikið út í svona
kúlu enda sérstakir áhugamenn um
norðurljós og stjörnuljós,“ segir
Róbert sem heldur úti norður-
ljósa- og vetrarferðaþjónustusíðu
þar sem hann er í miklu sambandi
við erlenda ferðamenn. /MHH
Fréttir
Ferðamannakúla slær
í gegn í Hrosshaga
Svona lítur kúlan út í skóginum í Hrosshaga, upphituð og fín. Myndir / Magnús Hlynur Hreiðarsson.
Róbert lengst til hægri, ásamt hjónunum í Hrosshaga, Gunnari Sverrissyni
Samkvæmt skýrslu Landgræðslu
ríkisins þekur lúpína 5,8% af
landi Mosfellsbæjar. Skýrslan var
unnin að beiðni umhverfisstjóra
bæjarins. Heildarþekja
alaskalúpínu er 1.070 ha og
skógarkerfils um 3,5 ha í landi
Mosfellsbæjar.
Í skýrslunni segja höfundar
hennar, Arna Björk Þorsteinsdóttir
og Magnús H. Jóhannsson, að
lúpínan sé komin til að vera í landi
Mosfellsbæjar en að dreifing skógar-
kerfilsins sé enn staðbundin. „Ef
ekkert er að gert mun skógarkerf-
illinn dreifa sér enn frekar ef tekið
er mið af því hvernig hann hefur
dreifst um borgarlandið undanfarin
ár. Hann sækir í frjósamt land og á
sérstaklega auðvelt með að nema
land í lúpínubreiðum. Það er óþekkt
hvernig þessum kerfilssvæðum muni
reiða af til framtíðar, hvort kerfill-
inn muni hopa fyrir öðrum gróðri
eða verði ríkjandi í gróðurfari um
ókomna tíð.“ /VH
Lúpína þekur um 5,8% af landi Mosfellsbæjar:
Heildarþekja alaskalúpínu
er 1.070 hektarar
– og skógarkerfils um 3,5 hektarar
Breyting á lögum um innflutning
dýra, sem gerir ráð fyrir heimild
til innflutnings á sæði og fóður-
vísum holdanautgripa í einangr-
unarstöð á Íslandi, var samþykkt
á Alþingi 1. júlí síðastliðinn.
Sigurður Loftsson, formaður
Landssambands kúabænda (LK),
segir ólíklegt að kjöt af nýjum
holdanautastofni verði í boði fyrr
en í fyrsta lagi á árinu 2020.
Sigurður segir að LK hafi
pantað 40 fósturvísa frá Noregi
og er vonast til að hægt verði að
flytja þá inn í apríl næstkomandi.
Heilbrigðisreglur leyfa uppsetn-
ingu í fósturmæður í fyrsta lagi 60
dögum eftir töku fósturvísanna,
þannig að það gæti því orðið í júní.
Að sögn Sigurðar hefur verið
ákveðið að koma upp alveg nýju
húsnæði undir einangrunarstöðina
á Stóra-Ármóti í Flóa. „Upphaflega
var gert ráð fyrir að farið yrði með
fyrirhugaða einangrunarstöð inn í
núverandi fjós tilraunastöðvarinnar
á Stóra-Ármóti. Það kom svo í ljós
að það yrði mun dýrara til langs
tíma að gera það með þeim hætti.
Þess í stað verður reist alveg ný stöð
til hliðar við núverandi starfsemi,
sem heldur óbreytt áfram,“ segir
Sigðurður.
Verkefnið er unnið í samstarfi
LK, Bændasamtaka Íslands og
Búnaðarsambands Suðurlands –
sem á jörðina Stóra-Ármót og hefur
umsjón með starfseminni þar.
Eingöngu fluttir inn fósturvísar
í byrjun
„Við munum eingöngu flytja inn
fósturvísa til að byrja með. Við
gerum það af því að okkur liggur á
að koma okkur upp arfhreinum grip-
um – hjörð af hreinum Angus-kúm. Í
framhaldinu verða þær svo sæddar
með innfluttu sæði. Þannig verða
til kynbótargripirnir sem fara svo í
gegnum einangrunarferlið sem þarf
að eiga sér stað áður en þeim er
leyft að fara út í umhverfið.
Ég reikna með að af þessum 40
fósturvísum þá verði ekki settir upp
nema kannski 14 til 16 af þeim þar
sem fanghlutfall út úr svona flutn-
ingum verður ekki nema kannski
um helmingur. Vonir standa svo til
þess að við fáum út úr því svona
12 til 14 kálfa. Fósurvísarnir eru
ekki kyngreindir þannig að við
munum fá bæði naut og kvígur.
Nautkálfarnir fara strax inn í þetta
einangrunarferli, í ákveðin hólf á
stöðinni, sem tekur níu mánuði.
Að svo búnu verður hægt að selja
þau til bænda. En áður en það er
gert verður tekið úr þeim sæði,
sem fer svo í dreifingu. Kvígurnar
hins vegar verða fyrsti vísirinn að
þessari holdakúahjörð sem verða
sæddar með innflutta sæðinu, þegar
þær verða kynþroska.
Ég geri ráð fyrir að við þurfum
að flytja inn þrjá til fjóra fóstur-
vísaskammta áður en við verðum
búin að ná hjörðinni upp í æski-
legan fjölda gripa, sem verða alls
15 til 20.
Þetta verður mjög seinlegt og ég
á ekki von á því að það verði farið
að borða kjöt af þessum dýrum fyrr
en í kringum 2020 til 2021,“ segir
Sigurður.
Að sögn Sigurðar gera ætlanir
um kostnað við uppsetningu og
rekstur stöðvarinnar ráð fyrir að
hann muni nema hátt í tvö hundruð
milljónum króna á fyrstu fjórum
rekstrarárunum. /smh
Umtalsverður halli varð af
rekstri Skútustaðahrepps árið
2014, en jákvæður viðsnúningur
varð í rekstrinum á nýliðnu ári.
Þrátt fyrir hann hefur eftirlits-
nefnd með fjármálum sveitar-
félaga gert athugasemdir við
rekstrarstöðu sveitarfélagsins.
Í greinargerð sem fylgir fjár-
hagsáætlun Skútustaðahrepps og
samþykkt var skömmu fyrir jól
kemur fram að það sé mat sveitar-
stjórnar að grípa verði til aðgerða
til að snúa þróuninni við og verði
það gert strax á árinu 2016.
Ýmsar aðgerðir eru fyrirhugað-
ar í því skyni að laga reksturinn
og er ein þeirra sú að loka sund-
lauginni um óákveðinn tíma. Fram
kemur í fundargerð að fyrir liggi
að mikill leki er úr sundlaugar-
karinu og streymi því klórmeng-
að vatn út í nærliggjandi jarðveg.
Ekki hafi tekist að gera við lekann
þrátt fyrir tilraunir til þess. Því
þurfi að skipta sundlaugarkarinu
út eigi að halda áfram að reka
sundlaug í sveitarfélaginu.
Þá sé stjórnbúnaður sundlaugar-
innar einnig úr sér genginn og ljóst
að við það verði ekki búið lengur.
Áætlað er að kostnaður við endur-
bætur nemi um 150 milljónum
króna. Sú ákvörðun var því tekin
að tæma sundlaugina nú í byrj-
un janúar og loka þessum hluta
starfseminnar sveitarfélagsins
um óákveðinn tíma. Sundkennsla
grunnskólabarna mun fara fram á
Laugum í Reykjadal. Gert er ráð
fyrir að við lokunina muni afkoma
sveitarsjóðs batna um 10–15 millj-
ónir á ári.
Öllum stærri viðhaldsverk-
efnum á eignum sveitarfélagsins
verður frestað þó svo að viðhalds-
þörf sé vissulega fyrir hendi. Þá
verða möguleikar á að selja eignir
skoðaðir.
Á þessu ári verður starfsemi
leik- og grunnskóla sameinaðir
undir einu þaki í Reykjahlíðaskóla.
Reksturinn verður áfram aðskildur
en nokkur samlegðaráhrif verða
samfara þessari ráðstöfun.
/MÞÞ
Skútustaðahreppur:
Sundlaug lokað um óákveðinn tíma
Skútustaðahreppur spari 10 til 15 milljónir árlega með þeirri ráðstöfun. Börn
Mynd / Dagskrain.is – Birkir Fanndal
Einangrunarstöð fyrir holdanaut á Stóra-Ármóti:
Kjötið á markað í fyrsta lagi 2020
– heildarkostnaður um 200 milljónir króna á fyrstu fjórum starfsárunum