Fréttabréf Öryrkjabandalags Íslands - 01.06.1988, Page 7

Níundi apríl. Merkur
áfangi á ágætri leið
Fundur Proskahjálpar og Öryrkjabanda-
lagsins með fulltrúum sínum í svæðisstjórn-
um og stjórnarnefnd var haldinn 9. apríl
s.l. í Risinu Hverfisgötu 105 Reykjavík.
Fundinn sóttu rúmlega 60 fulltrúar og
fór hann hið besta fram.
Fundurinn var settur af Hrafni Sæm-
undssyni forræðara. Ávarp hans er birt hér
í fréttabréfinu.
Fundarstjóri var Ásgerður Ingimars-
dóttir og hóf hún fundinn á kynningu allra
fulltrúa. Fulltrúar voru mættir frá öllum
svæðisstjórnum á landinu svo og frá stjórn-
um og nefndum samtakanna. Efnisleg
rakning umræðna og framsöguerinda verð-
ur ekki tekin fyrir hér, en aðeins vikið að
framsöguaðilum.
Arnþór Helgason kynnti starfsemi og
skipulag Öryrkjabandalagsins og lauk
þeirri kynningu á því að segja að nú væri
vor í lofti — vor innan samtaka fatlaðra.
Ásta B. Þorsteinsdóttir og Andrés Ragn-
arsson kynntu sögu og starf Þroskahjálpar.
Ásta sagðist í lokin óska þess að hinn góði
andi, sem ríkt hefði í samskiptum þessara
samtaka, næði að umlykja þennan fund.
Öll lýstu þau ánægju með hið ágæta
samstarf, sem tekist hefði milli Þroska-
hjálpar og Öryrkjabandalagsins. Sam-
eiginlega yrði verið á verði, — saman yrði
sótt fram til nýrra sigra.
Halldóra Sigurgeirsdóttir og Helgi
Flróðmarsson kynntu starf ræðara —
„stutta vertíð en stífa“ — og sögðu frá
aflaföngum og kynntu væntanlegt vorblót.
Jón Sævar Alfonsson sagði frá hlutverki
og verkefnum stjórnarnefndar um mál-
efni fatlaðra og kvað orðið meira en tíma-
bært að stjórnarnefnd færi að sinna áætlun-
arþættinum, en eyddi ekki allri orku í
fjárúthlutun Framkvæmdasjóðs fatlaðra.
Þá var komið að höfuðerindi fundarins, en
það flutti Hólmfríður Gunnarsdóttir,
hjúkrunarfræðingur hjá Vinnueftirliti
ríkisins.
Erindið kallaði hún: Vinnugleði. Hún
fjallaði um vinnuna, gildi hennar, áherslu-
þætti hennar, andrúmsloftið, launaþáttinn,
mannlegu samskiptin. Hún sagði orðrétt:
..Vinnugleði er tvímælalaust sterkasti þátt-
ur heilsuverndar á vinnustöðum." Varast
skyldi hins vegar einfaldar uppskriftir.
Hún rakti ýmsar kannanir og skrif vísra
aðila um þetta viðfangsefni og fór á kost-
um: setti fram efnið á einfaldan og skýran
en líka skemmtilegan máta, svo unun var á
að heyra.
Þá flutti Valey Jónasdóttir framsögu um
hlutverk svæðisstjórna en rakti fyrst í ljósu
og lifandi máli lífssögu sína, þar sem niður-
staðan var : Mennt er máttur. Hún kvað
áætlunargerð of víða á eftir, eftirlitskyldu
yrði að sinna betur og ferlimál væru um of
sniðgengin.
Þá voru almennar umræður undir stjórn
þeirra Gerðar Steinþórsdóttur og Jónu
Sveinsdóttur. Til máls munu hafa tekið á
þriðja tug fulltrúa og var umræðan mál-
efnaleg og lífleg.
Annars tók Kristján Sigurmundsson öll
helstu atriðin upp í fundargerð, svo því
verður vel til haga haldið. Umræðurnar
spönnuðu vítt svið frá heimspekilegu,u
vangaveltum og hugmyndafræðilegum
þönkum um almenn lög og sérlög og yfir í
áberandi kvartanir varamanna í svæðis-
stjórnum um of litla vitneskju og samráð
um það, sem verið væri að gera.
í lokin var borin upp af forystuaðilum
samtakanna beggja svohljóðandi tillaga:
Tillaga um framhald þessa fundar.
Fundurinn verði árlegur og skipulag
eftirfarandi: Fyrsti fundur á hverju kjör-
tímabili verði helgaður almennri kynningu
og tengslamyndun. Á öðrum fundum verði
tekin fyrir sérstök málefni/málaflokkar og
fengnir til þess framsögumenn. Vel má
hugsa sér að halda þessa fundi til skiptis í
landsfj órðungunum.
Flutningsmenn: Formenn og fram-
kvæmdastjórar.
Tillagan var samþykkt samhljóða.
Um kvöldið var mikill og fjölsóttur fagn-
aður fundargesta í boði samtakanna
beggja, er þótti gleðja sálir manna sérdeilis
vel.
Á léttari nótum.
Sungnir af innlifun. Frá 9. apríl.
7