Fréttabréf Öryrkjabandalags Íslands - 01.06.1988, Blaðsíða 15

því að leiðrétta augljósa ágalla, sem
beinlínis ganga í öfuga átt við þá marg-
rómuðu velferð, sem alltaf er gumað af á
hátíðastundum.
Svo er t.d. um bifreiðagjöld ýmiss konar
og er þess nú að vænta að allir hafi nú
fengið leiðréttingu, sem unnt er að veita
hana. Hin stórhækkuðu iðgjöld bifreiða-
trygginga hafa komið mjög harkalega við
marga fatlaða og þá kemur upp spurningin
um hlut ríkisins, sem kemur í ofanálag þ.e.
25% söluskattur á alla iðgjaldsupphæðina.
Oll sanngirni mælir með því að ríkið
hætti að auðgast á bifreiðaeign fatlaðra
með þessum hætti.
Að því er nú unnið að fá fram einhverja
úrbót fyrir það tekjulitla fólk, sem sumt
þarf nú að greiða hátt í tvenn mánaðarlaun
sín af bifreið sinni í iðgjaldsformi og þar af
fjórðung þess beint til ríkisins.
Nú horfir svo að frumvarp Margrétar
Frímannsdóttur þ.a.l. verði samþykkt á
Alþingi, en það gerir ráð fyrir að söluskatt-
urinn verði felldur niður.
Þá hefur hið nýja staðgreiðslukerfi kom-
ið víða og undarlega út. M.a. hafa styrkir
skv. 19. gr. laga um málefni fatlaðra verið
skattlagðir að fullu. Styrkir þessir eru
veittir vegna fjárhagsástæðna til verkfæra-
og tækjakaupa og til greiðslu námskostn-
aðar. Styrkir þessir hafa aldrei áður verið
skattlagðir — að sjálfsögðu ekki — og
svona skertir koma þeir auðvitað alls ekki
að sömu notum og annars væri fyrir utan
augljóst ranglæti skattlagningarinnar.
Á vettvangi félagsmálaráðuneytisins
hefur félagsmálafulltrúi Ö.B.Í. beitt sér
fyrir leiðréttingu þessa fáránleika. Enn má
nefna það, að þegar fólk hefur nú fengið
örorkubætur greiddar aftur í tímann, þá
hefur upphæðin verið skattlögð að fullu
þ.e. greiddur hefur verið 35% skattur af
öllu saman.
Gildir þá einu, hvort viðkomandi hefur
verði tekjulítill eða tekjulaus með öllu, því
kerfið virkar einfaldlega svona í ósveigjan-
leik sínum.
Hins vegar fá menn þau svör, að eftir
árið 1989, að aflokinni yfirferð skatt-
skýrslna fyrir árið 1988, skuli skatturinn
sem ofreiknaður var verða endurgreiddur
og þá með verðbótum. Virðingarvert að
vísu, en vissulega getur hart höldnum orð-
ið sú leið býsna erfið.
Jóhann Pétur Sveinsson héraðsdómslög-
maður leitar nú leiðréttingar á þessu máli.
Alþingi sendir Öryrkjabandalaginu ýmis
mál til umsagnar og mætti þó meira af því
gera. Leitast er við að svara þeim erindum
sem greinilegast og með hagsmuni um-
bjóðenda í huga.
Frumvarp Aðalheiðar Bjarnfreðsdóttur
o.fl. um breytingu á lögum um almanna-
tryggingar fékk að sjálfsögðu mjög já-
kvæða umsögn. Það fjallar um mjög þýð-
ingarmikla réttarbót til fólks, sem vistað er
á stofnunum og hefur engar tekjur. Frum-
varpið gerir ráð fyrir viðmiðun við
grunnlífeyri + tekjutryggingu og verði
„vasapeningarnir“ svokölluðu því 50% af
þeirri heildarupphæð. Þetta þýðir í raun
nálægt þreföldun mánaðargreiðslna og
vissulega gæti þetta skipt sköpum um alla
afkomu og aðstæður þessa illa haldna
hóps.
Annars lagði stjórnin einnig áherslu á
heildarendurskoðun allra þátta trygginga-
löggjafarinnar, en nefnd á vegum Ö.B.f.
undir forystu Ólafs Ríkharðsdóttur vinnur
nú að athugun alls þessa stóra máls í góðri
samvinnu við Þroskahjálp. Þá fékk stjórn
Öryrkjabandalagsins til umsagnar tvö
frumvörp um húsnæðismál. Annað er
frumvarp Alexanders Stefánssonar um
leiguíbúðir sveitafélaga, en hitt er stjórnar-
frumvarp, Iagt fram af félagsmálaráðherra,
svokallað kaupleiguíbúðafrumvarp. Hvoru
tveggja frumvörpin stefna mjög í rétta átt
ogfengu því jákvæða umsögn, en dregið var
í efa að þau væru nægileg. Á það var bent
sérstaklega að Öryrkjabandalagið hefur
tekið virkan þátt í stefnumótun um húsnæð-
ismál þ.e. í samstarfshópi átta samtaka,
sem öll hafa hér ríkra hagsmuna að gæta.
Þessi samtök hafa gefið út bæklinginn Þak
yfir höfuðið, sem dreift hefur verið allvíða
nt.a. til alþingismanna. í þessum bæklingi
eru drög að frumvarpi um félagsíbúðasjóð,
en þar er að finna höfuðáherslur Öryrkja-
bandalagsinsíhúsnæðismálum. Full ástæða
er fyrir félaga að kynna sér vel efni þessara
frumvarpsdraga, en þar er vissulega að
finna leiðir að lausnum, sem mjög ert ýsi-
legar fyrir fatlaða.
Snögg viðbrögö og snör handtök.
Af vinnuher Hafliða
Það reyndist svo þegar verið var að koma
út fyrsta fréttabréfinu, að ýmislegt fór ekki
sem skyldi og annað gekk óhóflega seint.
A.m.k. þótti ritstjóra það og því kveið
hann mjög því mikla verki, sem var við að
klæða fréttabréfið í viðunandi plastumbúð-
lr og líma á það útsendingarmiða, svo það
kæmist nú örugglega á áfangastað.
En þar er skemmst af að segja að þar
voru snögg viðbrögð og snör handtök, þar
sem var hið ódeiga og ötula starfslið Haf-
liða „bónda“ Hjartarsonar í Ási.
Á örskotshraða var öllu lokið og búið að
afhenda í póstinn fleiri þúsund fréttabréf
til dreifingar.
Það ber sannarlega að þakka, sem svo
vel er af hendi leyst og þar sem svo
óvenjulegur vinnuhraði og vinnuáhugi er
til staðar. Þökk sé ykkur öllum sem
þarna lögðu lið og við hér á fréttabréfinu
óskum Ásverjum alls hins besta — og að
sjálfsögðu áframhaldandi ágætrar sam-
vinnu.
H.S.
15