Morgunblaðið - 10.02.2020, Blaðsíða 1

M Á N U D A G U R 1 0. F E B R Ú A R 2 0 2 0
Stofnað 1913  34. tölublað  108. árgangur 
JAFNVÆGI
ÞARF AÐ VERA
Á MILLI MIÐLA
FJÖLBREYTTIR
VIÐBURÐIR Í
BORGINNI
SJÁLFVIRKUR
VERULEIKI OG
STAFRÆN ÞRÓUN
SAFNANÓTT 29 UTMESSAN Í HÖRPU 6SIGRÍÐUR THEODÓRA 12
Aukning á Akureyri
» Millilandaflug um Akur-
eyrarflugvöll jókst um 39% í
fyrra en dróst saman um 30%
á Keflavíkurflugvelli.
» Aukning á Akureyri var 70%
árið 2018 og 24% árið 2017.
Guðni Einarsson
gudni@mbl.is
Norðlendingar kanna nú hvernig
hægt sé að koma á reglubundnu
áætlunarflugi milli Akureyrar og
tveggja til þriggja áfangastaða í
Evrópu. Niðurstaða fýsileikakönn-
unar á að liggja fyrir í lok apríl.
Verkefnið heitir N-Ice Air. Þor-
valdur Lúðvík Sigurjónsson, fram-
kvæmdastjóri Circle Air, kveðst
vera „vinnumaður“ í því. Helstu bak-
hjarlar eru Samherji, Höldur og
Norlandair. Einnig nýtur verkefnið
stuðnings fleiri fyrirtækja og hags-
munaaðila. Í hópnum er mikil við-
skiptaþekking, flugþekking, fjár-
magn og ríkur vilji til að láta á þetta
reyna. Verkefnið fékk nýlega 3,5
milljóna króna styrk frá Sóknaráætl-
un Norðurlands eystra.
Þorvaldur segir að Norðlendingar
og Austfirðingar sem fara utan séu
orðnir langþreyttir á að keyra sex til
níu klukkutíma til og frá Keflavík,
þurfa að taka sér aukafrídaga og
kaupa gistingu. Talið er að hjá þeim
sem búa á upptökusvæði Akureyrar-
flugvallar sé talsvert meiri ferðavilji
en nú er þjónað, að hans sögn.
Nýtt flugfélag er í bígerð
 Fýsileikakönnun fyrir N-Ice Air stendur yfir  Fólk fyrir norðan og austan er
þreytt á fjarlægð og kostnaði við að fljúga um Keflavík  Sterkir bakhjarlar
MSkoða millilandaflug »2
Fyrir helgi hlýnaði verulega á suðvesturhorninu
og nýttu margir höfuðborgarbúar hlýindin til að
bregða sér út. Veðurblíðan hvarf þó jafn snögg-
lega og hún birtist og fór að kólna aftur um
helgina. Því hefur hlauparinn sem hér sést áreið-
anlega ekki séð eftir því að hafa nýtt hlýindin til
að spretta úr spori. Hitastigið helst að mestu
undir frostmarki á landinu öllu í vikunni og er
jafnvel útlit fyrir tveggja stafa kuldatölur.
Sprett úr spori í skammgóðum vermi
Morgunblaðið/Eggert
 Mikilvægt er að lýsing í miðborg-
inni verði bætt í því skyni að auka
öryggi íbúa og gesta miðborgar-
innar að mati íbúaráðs miðborgar
og Hlíða.
Börn og unglingar hafa sagst
vera smeyk við að nota ýmsar
gönguleiðir í miðbænum vegna lé-
legrar lýsingar.
Margrét M. Norðdahl, formaður
íbúaráðsins, bað um upplýsingar
frá íbúum á svæðinu um það hvar
þyrfti helst að bæta lýsingu.
Listi yfir þá staði sem þarf að
lýsa betur hefur verið sendur á um-
hverfis- og skipulagssvið Reykja-
víkurborgar.
45-50 manns mættu á fund íbúa-
ráðsins í lok janúar og tóku þátt í
umræðum um málið. »8
Þurfa betri lýsingu
til að auka öryggi
Kristínu Þorsteinsdóttur, einum um-
sækjenda um starf útvarpsstjóra, hef-
ur borist synjun um rökstuðning
vegna ráðningarinnar. Kristín óskaði
upplýsinga um m.a. hvað hefði ráðið
vali á útvarpsstjóra og hvað Stefán
Eiríksson, nýr útvarpsstjóri, hefði
haft fram yfir hana.
Synjunin frá RÚV er reist á þeim
rökum að vegna stöðu RÚV sem opin-
bers hlutafélags sé stjórninni ekki
lögskylt að veita einstökum umsækj-
endum sérstakan rökstuðning.
Kristín óskaði þess einnig að fá
gögn sem varða umsóknarferlið, en
fékk neitun við þeirri ósk líka. Vísaði
RÚV í úrskurði úrskurðarnefndar
upplýsingamála og sagði að upplýs-
ingalög veittu ekki rétt til gagnanna.
„Við bætist jafnframt að aðgangur að
vinnugögnum er jafnan undanskilinn
upplýsingarétti ásamt því að einka-
hagsmunir annarra, þ.m.t. annarra
umsækjenda, geta staðið afhendingu í
vegi,“ sagði í svari RÚV.
Auk Kristínar óskaði Kolbrún Hall-
dórsdóttir, fyrrverandi umhverfisráð-
herra og umsækjandi um starf út-
varpsstjóra, eftir rökstuðningi en
hafði ekki fengið svar í gær. »6
Rökstyðja ekki ráðn-
ingu útvarpsstjóra
 Lendingarbúnaður þotu Ice-
landair sem hlekktist á í lendingu á
Keflavíkurflugvelli var settur nýr
undir flugvélina í janúar síðast-
liðnum. Flugfréttavefurinn The Av-
iation Herald greindi frá þessu. Þar
var sagt að vantað hefði bolta sem
haldið hefði lendingarbúnaðinum
saman.
Ragnar Guðmundsson, stjórn-
andi rannsóknar á flugvélinni,
sagði að ekki hefði vantað mikil-
vægan bolta. Hann var ekki tilbú-
inn að tjá sig nánar um einstök at-
riði rannsóknarinnar þegar
Morgunblaðið ræddi við hann í
gær. »4
Óhapp Lendingarbúnaður flugvélar Ice-
landair bilaði eftir lendingu á föstudag.
Lendingarbún-
aðurinn var nýr
„Þetta er mjög spennandi vinna og
gengur vel,“ segir Anton Kári Hall-
dórsson, sveitarstjóri í Rangárþingi
eystra.
Fimm sveitarfélög í Vestur-
Skaftafellssýslu og Rangárvalla-
sýslu hafa ráðið verkefnastjóra til að
stýra undirbúningsvinnu fyrir
mögulega sameiningu sveitarfélag-
anna. Fyrsti fundur undir hans
stjórn er á morgun og samkvæmt
verkáætlun á að liggja fyrir skýrsla
um kosti og galla sameiningar fyrir
sumarfrí. Sveitarfélögin geti í kjöl-
farið ákveðið hvort sameiningar-
áformin fari í lögformlegt ferli.
Sveitarfélögin sem um ræðir eru
Skaftárhreppur með Kirkjubæjar-
klaustur sem þéttbýlisstað, Mýr-
dalshreppur með Vík, Rangárþing
eystra með Hvolsvöll, Rangárþing
ytra með Hellu og Ásahreppur. Alls
myndu vera um 5.100 íbúar í samein-
uðu sveitarfélagi.
Sveitarfélögin fjögur í Austur-
Húnavatnssýslu, sem átt hafa í við-
ræðum undanfarin tvö ár, hafa
sömuleiðis ráðið verkefnastjóra til
að stýra undirbúningsvinnu.
hdm@mbl.is »14
Vænta niðurstöðu í vor
 Fimm sveitarfélög á Suðurlandi funda um sameiningu
Fjöldi sveitarfélaga
á Íslandi 1992-2022
197
124
75
61
1992 2002 2012 2022
Mögulegur fjöldi ef
sameiningartillögur
verða samþykktar