Austri - 06.01.1994, Síða 8

8
AUSTRI
Egilsstöðum, 6. janúar 1994.
Óskir um gleðilegt nýtt ár og pakkir fyrir
pað liðna.
Þökkum samstarfið á liðnu ári.
Sveitarstjórn
BREIÐDALSHREPPS
y ~ v,
Buðahreppur
óskar Fáskrúðsfirðingum
friðar og farsœldar
á nýju ári.
Þakkar samstarf á liðnum árum.
X__________________________4
s
Oskum öllum Austfirðingum árs og
friðar á nýju ári.
Oskum öftum Candsmönnum árs ogfriðar
og þök/ýum viðskvptin á Ciðnu ári.
Verslunarfélag Austurlands

Óskum Cbúum Djúpavogshrepps og
öðrum Austfirðingum árs og friðar.
Sveitarstjóm
^ Djúpavogshrepps ^
’ 'N
Stjórn og starfsfólk óska félagsmönnum og
fjölskyldum þeirra farsæls nýs árs, með þökk
fyrir öll góð samskipti á liðnu ári.
Vélstjórafélag íslands
J

Óskum Austfirðingum
gleðilegra jóla
og farsældar á komandi ári.
LANDSVIRKJUN
Háaleitisbraut 68
103 Reykjavík
Ferðalag eldri borgara
á Héraði um Vestfírði
dagana 18.-25. júní 1993
framhald úr jólablaði 1993
Fimmtudagur 24. júní
Alskýjað að morgni en létti til og
besta ferðaveður.
Um nóttina vakna ég hríðskjálf-
andi og kominn með tak og sjálf-
sagt hita. Alfreð herbergisfélagi
minn fór að finna Þórlaugu heil-
brigðisfulltrúa okkar. Kom hún
fljótlega, leit á mig og lagði fyrir
nokkrar spurningar, sagðist verða
að ná í hitamælir, sem sannaði að
ekki var um uppgerð að ræða, lét
mig taka einhverjar töflur, sem hún
hafði meðferðis. Ég klæddi mig
vel og kom nú hálsklúturinn hennar
Aðalbjargar í Bessastaðagerði sér
vel, sem hún lánaði mér daginn
áður. Síðan var búið um mig í aft-
ursæti í bflnum, og fór flest framhjá
mér fyrri hluta dags.
Styðst ég nú við frásögn annarra.
Breyta varð smávegis ferðaáætlun
til að komast sem fyrst að Búðardal
og hafa samband við lækni.
Ætlunin hafði verið að aka um
Skarðsströnd og Klofning. Þó var
farið út að Hvammi þar bjó Auður
Djúpúðga Ketilsdóttir, og þar var
Snorri Sturluson fæddur. Kross-
hólaborg (Klettaborg) er rétt við
veginn. Þangað fór Austurð til
bænahalds og að sögn Landnámu
lét Auður reisa kross þar uppi. Þar
hefur nú verið reistur stór stein-
kross upp á borginni. Olafur Þ.
Stefánsson klifraði upp á Kross-
hólaborgina og mun hafa verið
myndaður þar.
Sveinn Ingimar Bjömsson frá
Heykollsstöðum í Tunguhreppi á
Héraði tók á móti ferðafólkinu og
sýndi því kirkjuna og rakti í stórum
dráttum sögu hennar. Kirkjan var
byggð úr timbri og vígð 1884. Síð-
an hafa farið fram á henni miklar
umbætur á seinni árum.
í kirkjunni er minningartafla með
nöfnum 17 presta: 1. séra Pétur
Árnason 1560-1582 og sá 17 séra
Ásgeir Ingibergsson 1958-1986.
Minnismerki um Snorra Sturluson
er stutt frá kirkjunni og stór tré í
kirkjugarði.
í Hvammi er skógræktargirðing
gerð af skógræktarfélagi Dala-
manna, það er fallegt skógarsvæði.
Stórt og ókalið tún er í Hvammi þar
mun vera skjólsælt og veðurblíða.
Hvammur er í Skeggjadal ásamt
Skerðingsstöðum að austan, en
Hafakur að vestan. Heldur var ferð-
inni hraðað til Búðardals, þar haft
samband við lækni og tekin meðul
handa mér og ákveðið í samráði
við lækni að ég yrði með í bflnum.
Þarna fóru allir í sjoppu og fengu
sér hressingu. Ekið var frá Búðar-
dal og norður Laxárdal, þar blóm-
leg byggð.
Minnismerki um Jón frá Ljár-
skógum er við veginn. Á það er
skráð: “Minning þín lifi”. Úr Lax-
árdal liggur vegurinn upp á Laxár-
dalsheiði, sem er all vel gróin og
þaðan fögur fjallasýn í sólskini og
blíðu. Komið við í Staðarskála.
Næst var komið við á Reykjum, þar
sem byggt hefur verið hús fyrir
byggðasafn sem báðar Húnavatns-
sýslur og Strandasýsla standa að.
Þar er geymt hið fræga hákarlaskip
Ofeigur, frá Ofeigsfirði á Strönd-
um, og margir gripir fá tíma há-
karlaveiðanna. Einnig mikið af
gömlum og vel gerðum heimilis-
munum fatnaði o.fl.
Frá Reykjum var lagt af stað
klukkan hálf fjögur og farið yfir
Hrútafjarðarháls. Lykkja var lögð á
alfaraleið og ekið að vesturhópi og
áfram að Borgarvirki. Flestir gengu
upp á virkið. Þaðan er víðsýnt um
Húnavatnssýslur. Ég reis upp og
horfði út um glugga sá virkið
gnæfa hátt. Svo var ég að gá hvort
ekki sæust rústir af bænum Gall-
orp, en þar bjó fjárræktar og hesta-
maðurinn Ásgeir Jónsson, sem
skráði bókina “Horfnir góðhestar”.
Frá Borgarvirki var ekið klukkan
fimm og komið að síðasta náttstað
ferðarinnar, Húnavöllum kl. að
verða 6. Farangur tekinn úr bílnum
og borinn inn á herbergi. Allir fóru
síðan að þvo sér og snyrta. Meira
að segja var ég dubbaður upp og
tekinn með í borðsalinn, þar sem
sest var að tvíréttuðu veisluborði
og kaffi á eftir. Að máltíð lokinni
var rabbað saman, skilað á spil og
drukkið kvöldkaffi sem borið var
fyrir gesti í setustofu og gengið var
seint til náða.
Föstudagur 25. júní
Sólskin og hiti 13 stig og gott
ferðaveður.
Þórlaug birtist í fyrra lagi í her-
bergisdyrum og nú með hitamæli í
hendinni og mældi hitann í mér,
sem reyndist eitthvað meiri en
morguninn áður. En eftir að hún
hafði ráðfært sig við Þórdísi Guð-
jónsdóttur hjúkrunarfræðing, var á-
kveðið að ég yrði hafður með. Lagt
var af stað um tíuleytið meðfram
Svínavatni og óvart framhjá réttum
vegamótum og nú inn Svínadal, þar
til tekið var eftir að á bæ einum
stóð fólk á hlaði og veifaði. Ekið
var þangað heim og fengnar upp-
lýsingar um að við værum ekki á
Stefán Bjarnason
réttri leið, var snúið við og brátt
komið á rétta veg.
Á Húnavöllum kvöddu hópinn
hjónin Guðmundur Sæmundsson
og Helga Stefánsdóttir og héldu
ferðinni áfram á eigin bfl suður á
land á ættarmót.
Ásgerður Stefánsdóttir húsfreyja
á Guðlaugsstöðum kvaddi og fór úr
við Syðri-Löngumýri.
Var nú ekið í einum áfanga til
Varmahlíðar, þar hálftíma stans í
12 stiga hita. Síðan var ekið af stað
sem leið liggur um Öxnadalsheiði
og ekki numið staðar fyrr en á Ak-
ureyri, þar stansað í tvo tíma.
Þórdís fór með mig á heilsu-
gæslustöð og skoðaði mig læknir
þar og gaf mér leyfi til að halda
ferðinni áfram í bfl, en kvaðst ekki
treysta mér til að ferðar á brokk-
gengum hesti. Að læknisskoðun
lokinni fórum við Þórdís inn á
kaffistofu KEA og fengum okkur
kaffi. Á Akureyri bættust í hópinn
Kristín Gunnlaugsdóttir kona Ólafs
fararstjóra, og Kjartan Einarsson
frá Egilsstöðum. Allir voru mættir
við bflinn kl. 5 og ekið af stað þeg-
ar Ólafur var búinn að ganga úr
skugga um að engan vantaði. Ekið
var um Austurlandsveg, stansað
smá stund við Sel á Skútustöðum.
Og áfram var haldið að Möðrudal,
þar hvasst, sandfok og rigning
demba en veður fór batnandi þeg-
ar austur fyrir fjallgarð kom. Við
Skjöldólfsstaði fór Unnur Stefáns-
dóttir úr bílnum og skildi við hóp-
inn, og á Haukstöðum fór Óli Sig-
urðsson til síns heima, næst fór
Gunnhildur Bjömsdóttir úr bflnum
við Heiðarsel, en í Egilsstaði kom-
um við kl. 8:45. Fyrstur fór ég úr
bflnum við Selás 11. En flestir fóm
úr við Miðvang 22.
Þar með var lokið 8 daga vel-
heppnaðri ferð sem var í alla staði
hin ánægjulegasta. Sérstaklega má
minnast góðviðris, sem ríkti alla
dagana. Allir kvöddust léttir í
skapi, þó að þreytan væri aðeins
farin að gera vart við sig eftir 2300
km ökuferð.
Að lokum þakka ég aðstoð við
gerð þessa ferðaþáttar og síðast en
ekki síst þakka ég alla umhyggju
og hjúkmn í mínum lasleika.
Stefán Bjarnason, Flögu.
Hópmynd í Vatnsfirði.
Verbúð í Ósvör.