Feykir - 23.10.2019, Blaðsíða 9
Ég mun ná þessum
100 leikjum!
Brynhildur Ósk Ólafsdóttir á
Sauðárkróki gerði garðinn frægan
með meistaraflokki Tindastóls á
árum áður í fótboltanum. Hennar
fyrsti skráði meistaraflokksleikur
var á móti Sindra í B riðli 1.
deildar kvenna í maí 2008 en þá
var Brynhildur 15 ára gömul en
síðasti leikurinn var níu árum síðar
gegn ÍA í maí 2017. Alls lék hún
97 meistaraflokksleiki og skoraði
fimm mörk. Brynhildur svara
spurningum í Liðinu mínu þessa
vikuna.
Hvernig spáir þú gengi liðsins
á tímabilinu? -Ég held ég spái
þeim sjötta sætinu svona miðað
við hvernig þetta fer af stað hjá
þeim en ég hef trú á að þeir rífi sig
í gang þegar líður á.
Ertu sátt við stöðu liðsins í dag?
-Nei ég get því miður ekki sagt
það, þeir eru búnir að vera heldur
slappir það sem af er móti.
Hefur þú einhvern tímann lent í
deilum vegna aðdáunar þinnar á
umræddu liði? -Já oft og mörgum
sinnum, það fylgir þessu sporti.
Poolararnir eru margir hverjir
erfiðir þegar kemur að deilum milli
liðanna en annars er bróðir minn
Arsenal maður og í gegnum tíðina
hafa komið upp deilur milli okkar
eftir leiki en aldrei neitt alvarlegt.
Hver er uppáhaldsleikmaðurinn
fyrr og síðar? -Alveg klárlega
David Beckham, hann hefur verið
uppáhaldið mitt frá byrjun og er
enn þó svo að hann sé hættur.
Hefur þú farið á leik með liðinu
þínu? -Já ég fór á Old Trafford
2015 á leik Manchester United
og WBA sem endaði með 2-0 sigri
minna manna. Ég stefni á að fara
á fleiri leiki í framtíðinni.
Áttu einhvern hlut sem tengist
liðinu? -Já ég á fullt af dóti,
t.d. treyjur, bolla og Man. Utd.
boxhanska sem ég er með í
bílnum mínum svo eitthvað sé
nefnt.
Hvernig gengur að ala aðra
fjölskyldumeðlimi upp í stuðningi
við liðið? –Pabbi er grjótharður
United maður en mamma er
Arsenal og við pabbi reyndum
nú að ala bróður minn upp sem
United mann en það gekk ekki.
Þar hafði mamma betur.
Hefur þú einhvern tímann skipt
um uppáhalds félag? -Ekki beint
skipt um félag, hef alltaf haldið
með Manchester United en þegar
Beckham fór í Real Madrid þá hélt
ég líka með þeim.
Uppáhalds málsháttur? -Ég held
ég eigi nú engan uppáhalds en
málshátturinn „Aldrei er góð vísa
of oft kveðin“ er góður.
Einhver góð saga úr boltanum?
-Þær eru nú svo margar! Mér
dettur svona helst í hug mjög
eftirminnileg ferð sem við fórum
til Svíþjóðar í 3. flokki á Gothia
cup og svo ferðin sem mfl. kvenna
fór vestur á Flateyri í sannkallaða
ævintýraferð.
Einhver góður hrekkur sem þú
hefur framkvæmt eða orðið fyrir?
-Ég man ekki eftir neinu eins og er,
en þeir hafa eflaust verið nokkrir í
gegnum tíðina.
Spurning frá Snæbjörtu
Pálsdóttur: -Hvenær á að reima
aftur á sig takkaskóna og spila
þessa þrjá leiki fyrir Tindastól
sem þú átt eftir til að ná 100
leikjum fyrir félagið? -Ég mun ná
þessum 100 leikjum! Aldrei að
vita nema það verði næsta sumar.
Hvern myndir þú vilja sjá svara
þessum spurningum? Væri til í að
sjá bróður minn, Jónas Aron, svara
þessu.
Hvaða spurningu viltu lauma að
viðkomandi? -Heimskulegasta
spjald sem þú hefur fengið
fyrir félagið?
Brynhildur Ósk Ólafsdóttir. MYND: ÚR EINKASAFNI
( LIÐIÐ MITT ) palli@feykir.is
Brynhildur Ósk Ólafsdóttir - Manchester United
Eins og kemur fram á íþróttasíðu
blaðsins hefur knattspyrnudeild
Tindastóls samið við Murielle
Tiernan og Jackie Altschuld,
um að leika áfram með liði
Tindastóls í 1. deildinni næsta
sumar, sem eru sannarlega
góðar fréttir, sem og nokkrir
reynsluboltar sem endurnýjuðu
sína samninga. Feykir hafði
samband við Guðna Þór
Einarsson, þjálfara stelpnanna,
og forvitnaðist örlítið um
komandi tímabil.
Guðni segir að verið sé að
leita að meðþjálfara eða
aðstoðarþjálfara fyrir tímabilið
og verður vandað vel til verka.
Stjórnin, ásamt þjálfaranum,
ætla að gefa sér góðan tíma í
valið og vonast Guðni til að sá
aðili hefji störf fljótlega.
En hvaða þýðingu skyldi það
hafa fyrir liðið að fá þær Murr og
Jakie aftur?
„Það hefur auðvitað mikla
þýðingu. Að halda Murielle þriðja
árið í röð er mjög sterkt fyrir
okkur, við vitum hversu öflugur
leikmaður hún er. Jackie er
fjölhæfur og skapandi leikmaður
sem getur leyst margar stöður á
vellinum. Báðar þessar stúlkur
hafa smellpassað í hópinn og
ekki eru þetta eingöngu frábærir
leikmenn heldur gefa þær mikið
af sér til okkar heimastúlkna.
Þrátt fyrir tilboð frá liðum í efstu
deild vildu þær koma aftur á
Krókinn. Þær hafa mikla trú á
að liðið geti náð langt og vilja
leggja sitt af mörkum til að koma
liðinu hærra upp töfluna,“ segir
Guðni sem fagnar því líka að
reynsluboltar eins og Bryndís og
Jenný hafi þegar skrifað undir
nýja samninga.
„Þeirra framlag sem leiðtogar
liðsins er ómetanlegt innan sem
utan vallar og þær eru mjög
mikilvægar fyrir liðið okkar.
Þær eru frábærar fyrirmyndir,
baráttuglaðar og miklir
liðsfélagar. Einnig hefur Hugrún
Páls framlengt sem er ekki síður
reynslumikill leikmaður með
tæpa 100 leiki fyrir Tindastól. Þá
hafa þær Bergljót, Krista Sól og
Eyvör framlengt, þær eru bráð-
efnilegar og eiga bjarta framtíð
fyrir sér.“
Guðni segir að gera megi ráð
fyrir því að penninn verði á lofti á
næstu vikum þegar fleiri stelpur
munu framlengja samninga sína
við Tindastól. Lauren Amie Allen
stóð á milli stanganna í sumar
en ljóst er að þar verður breyting
og markmannsmálin eru að sögn
Guðna í skoðun.
„Við eigum bráðefnilega stúlku,
hana Margréti Rún 15 ára,
sem fær mikla ábyrgð í leikjum
vetrarins. Hún hefur æft með
liðinu frá því í sumar og er tilbúin
í vetrarmótin. Einnig mun Bryndís
Heiða æfa með liðinu en hún
hefur verið nokkuð fjarverandi
vegna meiðsla.“
Hvernig líst þér á komandi
tímabil?
„Mér líst mjög vel á komandi
tímabil. Eftir eitt ár í Inkasso
deildinni og mikilli reynslu ríkari
þá er mjög áhugavert tímabil
framundan. Í sumar vorum
við algjörlega pressulausar og
fáir höfðu trú á að við gætum
endað ofarlega. Næsta sumar
verður öðruvísi að því leyti að
fleiri augu beinast að okkur og
gerðar verða meiri væntingar til
liðsins. Hafandi verið spútnik lið
deildarinnar í sumar og fara svo
í að vera lið sem á að berjast
um efstu tvö sætin, fylgir aukin
pressa. Við höfum í höndunum
afar spennandi lið með góðri
blöndu af reynsluboltum,
efnilegum stúlkum og erlendum
leikmönnum og við vitum að ef
allir róa í sömu átt munu
góðir hlutir gerast. Í sumar fórum
við langt á góðri liðsheild og
vinnusemi, allar voru tilbúnar að
berjast fyrir Tindastólsmerkið og
þannig verður það áfram.“
Guðni segir að æfingar hefjist
að nýju í byrjun nóvember en
hópurinn verður nokkuð dreifður
að þessu sinni. Um tólf stelpur
munu æfa á Króknum meðan
aðrar æfa hjá liðum á
höfuðborgarsvæðinu eða
erlendis. „Við munum reyna
að fá æfingaleik á okkar
heimavelli fyrir jól og svo hefst
Lengjubikarinn eftir áramót.
Við stefnum svo á að fara í
æfingaferð í apríl. Það höfum við
gert fyrir síðustu tvö tímabil og
heppnast alveg ljómandi vel.“
/PF
Næsta sumar verður öðruvísi
Guðni Þór Einarsson þjálfari meistaraflokks kvenna Tindastóls
Guðni þjálfari með reynsluboltana Guðrúnu Jenný Ágústsdóttur, Murielle Tiernan
og Bryndísi Rut Haraldsdóttur. MYND: JÓHANN SIGMARSSON
Guðni Þór Einarsson, þjálfari kvennaliðs Tindastóls, ásamt Jóni Stefáni Jónssyni sér
á vinstri hönd, meðþjálfara sínum síðasta sumar og Sunnu Björk Atladóttur, fyrrv.
leikmanni og fyrirliða liðsins. MYND: JÓHANN SIGMARSSON
40/2019 9