Skessuhorn - 25.03.2020, Blaðsíða 5
MIÐVIKUDAGUR 25. MARS 2020 5
SK
ES
SU
H
O
R
N
2
02
0
Samstarf við veitingarhús bæjarins
um heimsendingu matar
Velferðar- og mannréttindasvið Akraneskaupstaðar í samvinnu við veitingahús bæjarins hafa komið
á samstarfi vegna heimsendingu á heitum mat og öðrum veitingum. Veitingahús bæjarfélagsins
bjóða upp á heimsendingu á mat fyrir alla íbúa sem þess óska.
Akraneskaupstaður hefur milligöngu til þeirra sem ekki geta séð sjálfir um matseld í skemmri eða lengri
tíma, t.d. vegna aldurs og fötlunar samkvæmt reglum um félagslega heimaþjónustu. Þeir sem telja sig eiga
rétt á heimsendum mat í gegnum bæjarfélagið sæki um í síma 433-1000.
Eftirfarandi veitingarhús bjóða upp á fría heimsendingu:
Galito býður upp á fría heimsendingu á réttum á matseðli ásamt rétti dagsins alla virka daga. Einnig er •
hægt að panta samkvæmt matseðli um helgar. Pöntunarsími er 430-6767. Nánari upplýsingar má finna
á facebooksíðu Galito.
Gamla Kaupfélagið býður upp á fría heimsendingu á rétti dagsins alla daga nema sunnudaga. Frá •
mánudegi til fimmtudags er hægt að panta hádegismat. Frá fimmtudegi til laugardags er einnig hægt
að panta á kvöldin. Pöntunarsíminn er 431-4343. Nánari upplýsingar má finna á facebooksíðu Gamla
Kaupfélagsins.
Kallabakarí býður upp á fría heimsendingu á nýbökuðu brauði, kökum og salati. Opið alla daga vikunnar. •
Pöntunarsími er 431-1644. Nánari upplýsingar er að finna á facebooksíðu Kallabakarí.
Matarbúr Kaju / Café Kaja býður upp á fría heimsendingu á rétti dagsins samkvæmt matseðli frá •
mánudegi til laugardags. Boðið er upp á tvennskonar súpu og brauð og einnig er hægt að útbúa sér-
stakan mat fyrir þá sem eru sykursjúkir. Pöntunarsími er 840-1665. Nánari upplýsingar má finna á
facebooksíðu Matarbúrs Kaju.
Mönsvagninn býður upp á heimsendan mat samkvæmt matseðli. Opið á þriðjudögum, fimmtudögum •
og föstudögum. Pöntunarsíminn er: 867-3163. Nánari upplýsingar má finna á facebooksíðu
Mönsvagnsins.
SK
ES
SU
H
O
R
N
2
02
0
Viðbrögð hjá Akraneskaupstað
í tengslum við strangari reglum
um samkomuhald
Eftirfarandi ráðstafanir hafa verið gerðar í tengslum við
strangari reglum um samkomuhald:
Íþróttamannvirkjum (sundlaug, Akraneshöll o.s.frv.) •
hefur verið lokað.
Þjónustuveri Akraneskaupstaðar hefur verið lokað.•
Akranesvita hefur verið lokað.•
Lokunin gildir frá og með 24. mars og þar til samkomubann
verður rýmkað eða aflétt.
Akraneskaupstaður heldur úti upplýsingasíðu um viðbrögð
stofnanna bæjarins hvað varðar COVID-19 og samkomubann.
Upplýsingar er að finna hér www.akranes.is/covid-19
Sú spurning hefur vaknað hjá íbú-
um í dreifbýli landsins hvort ein-
hverjar reglur séu í gildi hér um
hvort heimilt sé að dvelja í sumar-
húsum meðan fólki er gert að vera
í sóttkví vegna Covid-19 veirunn-
ar. Í almennum reglum um sóttkví,
og lesa má um á covid.is, segir m.a.:
„Einstaklingur í sóttkví á að halda
sig heima við og hafa bein sam-
skipti við sem fæsta einstaklinga.“
Þá ber fólki að láta heilsugæslustöð
vita um dvalarstað sinn. Í reglum
um sóttkví er hins vegar ekki tek-
ið fyrir að fólk megi dvelja í sum-
arhúsum meðan sóttkví varir, fylgi
það að öðru leyti þeim reglum sem
gilda. Þar á meðal er bannað að fara
í verslanir.
Á undanförnum dögum hefur
fjölgað gríðarlega í sumarhúsum
t.d. í Borgarfirði og á Suðurlandi.
Í þeim hópi er fólk sem ýmist er
í sjálfskipaðri sóttkví eða gert að
sæta henni. Í Noregi hafa þarlend
stjórnvöld gengið skrefinu lengra
en Íslendingar og sett strangar
reglur. Er nú öllum þeim sem eru
með bústað utan þess fylkis sem
þeir eru með lögheimili sitt í, gert
að fara heim til sín og taka út sína
sóttkví þar. Svo rammt hefur kveðið
að þessu að t.d. í Hallingdal í Nor-
egi að óskað hefur verið aðstoðar
heimavarnarliðsins til að vísa fólki
úr bústöðum sem ekki vildi fara úr
þeim sjálfviljugt. Þetta er meðal
annars gert til að heilbrigðisstofn-
anir á hverjum stað séu mannaðar
í samræmi við þann íbúafjölda sem
þar hefur fasta búsetu, en ekki jafn-
vel mörg þúsund manna dulda bú-
setu og læknisþjónustu í hlutfalli
við það. mm
Sigurður Ingi Jóhannsson sam-
gönguráðherra hefur lagt fram á
Alþingi frumvarp til laga um sam-
vinnuverkefni um vegaframkvæmd-
ir. Ef lögin verða samþykkt verður
Vegagerðinni gert heimilt, að und-
angengnu útboði, að eiga samvinnu
við einkaaðila um fjármögnun, hönn-
un, undirbúning og framkvæmdir við
sex afmörkuð verkefni ásamt viðhaldi
og rekstri í tiltekinn tíma. Þá verð-
ur heimilt að fjármagna samvinnu-
verkefni að hluta eða öllu leyti með
gjaldtöku af umferð. Gjaldtaka skal
þó ekki hefjast fyrr en framkvæmd-
um lýkur og stendur að hámarki í 30
ár. Í öllum framkvæmdunum munu
vegfarendur hafa val um aðra leið og
greiða ekki gjald á þeirri leið. Þær
stuðla ennfremur allar að auknu um-
ferðaröryggi. Í lok samningstíma telj-
ast mannvirki eign ríkisins án sérstaks
endurgjalds.
„Markmið laganna er að auka veru-
lega fjármagn til vegaframkvæmda og
mæta mikilli þörf fyrir fjárfestingar í
samgöngum, bæta umferðaröryggi
og stytta og bæta vegtengingar milli
byggða. Áætlað er að samvinnuverk-
efnin geti skapað allt að 4.000 árs-
verk,“ segir í tilkynningu frá ráðu-
neytinu. Þau verkefni sem lagt er til
að verði unnin sem samvinnuverkefni
eru hringvegur norðaustan Selfoss og
brú á Ölfusá, hringvegur um Horna-
fjarðarfljót, Axarvegur, tvöföldun
Hvalfjarðarganga, hringvegur um
Mýrdal og jarðgöng í Reynisfjalli og
Sundabraut. Af þessum verkefnum er
brú yfir Hornafjarðarfljót fullhann-
að og hægt að hefja framkvæmdir á
árinu og brú yfir Ölfusá er á lokastigi
í hönnun.
„Öll verkefnin fela í sér styttingu
vega ásamt því að stuðla að bættu um-
ferðaröryggi. Vegastytting minnkar
ferðatíma fólks og dregur úr flutn-
ingskostnaði fyrir fyrirtæki. Síðast
en ekki síst felst í þessu umtalsverður
umhverfisávinningur með minni los-
un gróðurhúsalofttegunda og ann-
arrar umferðartengdrar mengunar,“
segir ráðherra. Hugmyndin er sú að
samvinnuverkefnin bætist við allar
vegaframkvæmdir sem fjármagnaðar
eru með hefðbundnum hætti á fjár-
lögum en í nýjustu samgönguáætlun
voru framlög aukin um fjóra millj-
arða á ári næstu fimm árin miðað við
fyrri áætlanir,“ segir ráðherra.
Margvíslegur
ávinningur
Þá segir í tilkynningu ráherra að
ýmsar ástæður séu fyrir því að leit-
að hefur verið til einkafyrirtækja um
að koma í auknum mæli að uppbygg-
ingu samgöngukerfa. „Í fyrsta lagi
geti samvinnuverkefni verið leið til
þess að viðhalda fjárfestingu í erfiðu
árferði. Í öðru lagi væru þau leið til
að virkja kosti einkaframtaks í sam-
göngum, nánar tiltekið nýsköpun og
sveigjanleika í uppbyggingu og við-
haldi vegakerfisins. Í þriðja lagi geti
þau stuðlað að því að skattgreiðendur
fái meira fyrir peningana sína, þjón-
ustan verði betri og að áhættuskipt-
ing milli hins opinbera og einkaaðila
verði hagfelld. Að lokum hafi reynsla
erlendis frá sýnt að einkaaðilar ná að
jafnaði að ljúka við framkvæmdir á
styttri tíma en opinberir aðilar, ekki
síst þar sem opinberri fjármögnun er
oft dreift á mun lengri tíma en þörf er
á framkvæmdarinnar vegna.“
Langur undirbúningur
Frumvarpið hefur verið í undirbún-
ingi um langt skeið. Í skýrslu starfs-
hóps um fjármögnun samgangna frá
apríl 2019 sagði að samvinnuverk-
efni (PPP) væru fýsileg í þeim tilvik-
um þar sem þau væri raunhæfur kost-
ur, þ.e. í stórum og vel skilgreind-
um nýframkvæmdum. Áform um
frumvarpið voru kynnt í júlí 2019 og
drög að frumvarpi kynnt í samráðs-
gátt í nóvember sama ár. Áformin eru
einnig í tillögu að samgönguáætlun
fyrir tímabilið 2020-2034.
Hugtakið
samvinnuverkefni
Hugtakinu samvinnuverkefni er svo
lýst í frumvarpinu: „Verkefni þar sem
einkaaðili annast fjármögnun í heild
eða að hluta eða tekur með öðrum
hætti áhættu af gerð og rekstri opinbers
mannvirkis, eftir atvikum með heimild
til gjaldtöku fyrir notkun mannvirkis-
ins á rekstrartíma. Samvinnuverkefni
felur að jafnaði í sér samvinnu um eftir-
talið; fjármögnun, áætlanagerð, hönn-
un, uppbyggingu mannvirkja, viðhald,
rekstur og annað sem nauðsynlegt er
til að ljúka megi framkvæmd og reka
mannvirki í tiltekinn tíma. mm
Frumvarp um samvinnuverkefni í vegagerð
Verkefnin sex sem fyrirhugað er að fjármagna í samvinnu við einkaaðila.
Dvöl í
sumarhúsum
hefur aukist