Bæjarins besta - 02.12.1987, Blaðsíða 22

22
BÆJARINS BESTA
Betri tæki - betra blað
EINS og kannski einhverjir
glöggir lesendur hafa tekið
eftir er nýtt letur í BB að þessu
sinni. Fallegra letur að okkar
mati og væntanlega ykkar líka.
Það er nýrri setningartölvu
fyrir að þakka að við skiptum
nú um letur. Setningartölvuna
fengum við nú fyrir stuttu
ásamt svokölluðum umbrots-
skjá. Umbrotsskjárinn gerir það
að verkum að útlitshönnun
blaðsins flyst nú að miklu
leiti af teikniborðinu á tölvu-
skjáinn sem opnar okkur mikla
möguleika og styttir um leið
vinnslutíma blaðsins. En auð-
vitað tekur sinn tíma að læra á
alla hluti þannig að þið,
lesendur góðir, fyrirgefið
okkur kannski svona fyrst um
sinn þó eitthvað verði um það
að orðum sé vitlaust skipt á
milli lína o.þ.h.
Með tilkomu nýju setningar-
tölvunnar getum við síðan
fljótlega eftir áramótin boðið
viðskiptavinum okkar uppá
nýjung. Þeir sem hafa aðgang
að PC tölvum geta skrifað efni,
sem þeir ætla að láta vinna í
prentsmiðjunni, heima hjá sér.
Síðan komið með gagnadisk-
inn til okkur í prentsmiðjuna.
skellt honum í tölvuna sem þá
getur strax skilað textanum
fullunnum frá sér. Ekki þarf
sem sagt að setja textann að
nýju. Af þessu verður hin
mesta hagræðing og sparast
mikill tími sem aldrei er of
mikið af í nútíma þjóðfélagi.
Stenst
tillaga
þjóðminja-
varðar
reglugerðir?
Framhald af hls. 2
undir stigum fyrir salerni og
fatahengi. Ég reikna með því að
fólki sé það ljóst að ekki er verið
að leggja til endurbyggingu til
nokkurra ára.
Þessi lenging er ca. 3 út-
veggjaþykkir eða í hæsta lagi 75
cm og ég vil benda ráðgjafa
þjóðminjavarðar á að lesa gr. 8.2
í byggingarreglugerð og gr.
62.2.3 í heilbrigðisreglugerð.
Þessi lenging forkirkjunnar bætir
stórhættulega stigana í kirkjunni
ekkert og það er mín skoðun að
þó að um endurbyggingu gamals
húss sé að ræða verði að bæta
þessa ágalla hússins til fulls,
ekkert „viðunandi“ dugir ef það
er ekki jafnframt löglegt. Það má
benda á það að stigar eru rým-
ingarleiðir skv. brunamálareglu-
gerð og skv. gr. 8.2.1.24 í bygg-
ingarreglugerð skulu rýmingar-
leiðir vera einfaldar, auðrataðar
og greiðfærar.
Hvað salerni varðar er hægt að
benda á gr. 6.10.2.7 í byggingar-
reglugerð, en þar segir svo ma: „í
samkomuhúsum skal jafnan gera
ráð fyrir amk. einu salerni, hand-
laug og þvagstæði fyrir karla og
einu salerni og handlaug fyrir
konur, miðað við 50 gesti...
Jafnan skal vera amk. eitt salerni
er henti hreyfihömluðu fólki í
hjólastól.
Við höfum 1 m2 salerni í
gömlu kirkjunni og það er svo að
skilja á tillögu þjóðminjavarðar
að það sé viðunandi því ekki er
ætlað mikið pláss í það í endur-
byggðri kirkju.
Fatahengi undir stiga er um 2
m2. Ríflegt fatahengi í meðal-
stóru einbýlishúsi en við erum að
tala um kirkju.
í ágúst 1978 skoðaði Hjör-
leifur Stefánsson kirkjuna og
skilaði lauslegri lýsingu á ástandi
hennar. Þar lýsti hann helstu
hlutum byggingarinnar en sleppti
öðrum veigaminni. Helstu niður-
stöður hans eru þær að ástand
kirkjunnar sé allsæmilegt. Þessari
skýrslu fylgja einnig drög að
áætlun um endurbætur. Þar
kemur ma. eftirfarandi fram:
A) Mæla þarf kirkjuna upp og
teikna. Um þetta segir hann ma:
„Á grundvelli teikninga, gamalla
ljósmynda, lýsinga og annarra
upplýsinga um fyrri gerð hússins
verði svo gerðar teikningar af því
hvernig húsið skuli líta út eftir að
viðgerð Iýkur.“
Athugið næstsíðustu málsgrein
í greinagerð þjóðminjavarðar í
samhengi við þessa lýsingu.
„Mætt ráðast í framkvæmdir án
langs undirbúningstíma..."
B) Lagfæra undirstöður. Þar
segir Hjörleifur ma: „Undir-
stöður útveggja eru úr hlöðnu
grjóti sem seinna hefur verið
steypt utaná. Undirstöður kórsins
hafa skekkst nokkuð. Undir-
stöður undir stoðum inni virðast
mjög veigalitlar.“
Er það ekkert mál að byggja
framtíðarkirkjuna okkar á
þessum undirstöðum?
C) Lagfæra og einangra burð-
argrind. Um burðargrind segir
ma: „Steypan utan á grjót-
sökklinum nær töluvert upp á
fótstykkin og veldur að þeim
raka. Á þeim stöðum sem vegg-
irnir voru rofnir var ekki vart við
fúa í grindinni en að sögn Snorra
Hermannssonar er fótstykkið þó
verulega fúið við suðvestur horn
kirkjunnar og í forkirkju. Gólf-
bitar liggja ofan á malarfyllingu
og eru veigaminni en aðrir
burðarhlutar kirkjunnar. Efri
hluti veggjagrindar virðist heill og
óbjagaður og sperrur allar heilar
og góðar. Að utan má sjá að
turninn hefur sigið til austurs og
að innan sést að stoðirnar hafa
sigið niður úr gólfinu og pallurinn
og kirkjuloftið skekkst.“
Hann virðist einnig vera
undrandi á því að veggjastoðirnar
standa ekki á fótstykkjunum
heldur á láréttum viðarbútum
ofan á fótstykkjunum en telur þó
burðargrind heila. Hann segir
einnig, og styður sig við álit
Snorra Hermannssonar, sem
mikið vann að viðgerðum á
kirkjunni, að fúi kunni að vera
undir gluggum.
Síðan þetta var sagt eru liðin
nær 10 ár og strax á árinu 1979
kom í ljós að ástand kirkjunnar
var mun verra en þessi lýsing ber
með sér.
D) Þakklæðningu þarf að taka
niður, bæta borðaklæðningu,
klæða með þakpappa og leggja
helluþakið uppá nýtt.
Síðan þessi skoðun var gerð
hefur komið í ljós að fúi er víðar
en í borðaklæðningu þaks.
Ástæða er til að ætla að fúi muni
vera kominn í syllur og sperrur.
Viðgerð sem gerð var á upsum á
kórgafli gáfu m.a. tilefni til þess.
Athugun síðastliðið haust stað-
festir þetta einnig.
E) Breyta þarf upphitun
kirkjunnar verulega.
Þetta var ma. það sem ráðgjafi
þjóðminjavarðar taldi að þyrfti að
gera við kirkjuna 1978. Þá er
ekki nema eðlilegt að menn
spyrji: Hefur eitthvað af þessum
úrbótum verið framkvæmt? Svar-
ið er jú. Á árinu 1979 voru
steyptar nýjar undirstöður undir
burðarsúlur inni í kirkjunni, lagað
það sem til náðist af fótstykkjum,
gólfbitar styrktir og endurnýjaðir
sem og gólfklæðning að hluta.
Svo brann kirkjan.
Ef ástand kirkjunnar er skoðað
með hliðsjón af þeirri tillögu sem
þjóðminjavörður leggur fram, svo
sem hækkun þaks með lengingu á
120 ára gamalli burðargrind, sem
ég efast um að sé möguleg, leng-
ing kirkjunnar í báðar áttir
o.s.frv., þá velti ég því fyrir mér
hvað verði eftir af gömlu ísa-
fjarðarkirkju.
Mín niðurstaða er sú að það
verði lítið sem ekkert.
Það eru yfirgnæfandi líkur á
því að burðargrind verði að
skipta um að öllu leyti, steypa
þurfi nýja sökkla í stað hlöðnu
sökklanna, nýja glugga verði að
gera, nýtt þak og svo mætti Iengi
telja.
Eigum við þá að fara að byggja
nýja kirkju í nítjándualdarstfl til
að þóknast húsfriðunarmönnum?
Til hvers er þá unnið þegar það
liggur fyrir að við komum til með
að búa við sömu aðstæður eftir
sem áður. Fólk hefur verið að tala
um það allt frá 1916 að byggja
nýja kirkju vegna þess að þessi
kirkja sem brann var ekki talin
vera nógu hentug.
Mín von er sú, að fólk láti ekki
þessa óheppilegu tillögu þjóð-
minjavarðar villa sér sýn og
standi sameinað að baki sóknar-
nefnd í byggingu fagurs og reisu-
legs guðshúss og safnaðarheimilis
sem henti þörfum nútímasafnað-
arstarfs.
Árni Traustason.