Morgunblaðið - 22.09.2020, Qupperneq 13

FRÉTTIR 13Erlent
MORGUNBLAÐIÐ ÞRIÐJUDAGUR 22. SEPTEMBER 2020
Smiðjuvegur 68, Kópavogi | S. 587 1350 | bifreidaverkstaedi.is
Höfum sérhæft okkur í Toyota viðgerðum síðan 1995
Fljót, örugg og persónuleg þjónusta
Allar almennar bílaviðgerðir
Dalvegi 10-14, 201 Kópavogi - Sími: 555-1212 - handverkshusid.is
Opið frá kl. 8 - 18 virka daga og 12 - 16 laugardaga
VILTU LÆRA SILFURSMÍÐI,
TÁLGUN EÐA TRÉRENNSLI?
Fjölmör
stuttnáms
í handve
g
keið
rki.
Skráning og upplýsingar á
www.handverkshusid.is
Kristján H. Johannessen
khj@mbl.is
Dauðsföllum af völdum Covid-19,
sjúkdómsins sem kórónuveiran veld-
ur, mun á næstu vikum fjölga um-
talsvert á Bretlandseyjum verði ekki
gripið til hertra aðgerða til að hefta
útbreiðslu veirunnar. Þetta hefur
fréttaveita Reuters eftir Chris
Whitty, landlækni Breta.
Tölur bandaríska háskólans Johns
Hopkins sýndu í gær að dauðsföll
vegna Covid-19 eru komin yfir 960
þúsund á heimsvísu, langflest í
Bandaríkjunum eða rétt tæplega 200
þúsund. Fast á eftir koma Brasilía,
um 137 þúsund látnir, og Indland
með um 88 þúsund dauðsföll.
Skráð dauðsföll á Bretlandi vegna
veirunnar eru nú um 42 þúsund og er
það fimmta hæsta dánartala á
heimsvísu. Alls eru staðfest tilfelli
þar um 397 þúsund og hefur þeim
fjölgað um sex þúsund daglega und-
anfarna viku. Landlæknir Breta var-
ar nú við aðgerðaleysi; verði ekkert
að gert kann svo að fara að í október
verði dagleg smit orðin 50 þúsund.
Gerist það má búast við um 200
dauðsföllum á degi hverjum.
„Haldi þessi þróun áfram mun
dauðsföllum af völdum Covid halda
áfram að fjölga,“ hefur Reuters eftir
Whitty sem heldur áfram: „Ef við
bregðumst ekki nægjanlega við mun
veiran fara á flug og við erum á
þeirri leið núna. Og ef við breytum
ekki um stefnu munum við lenda í
miklum vandræðum.“
Þá segjast sóttvarnayfirvöld á
Bretlandseyjum telja innan við 8%
þjóðarinnar hafa mótefni gegn kór-
ónuveirunni. Hugsanlegt sé þó að
um 17% íbúa Lundúna séu með mót-
efni, erfitt sé að slá því föstu.
Víða í mikilli sókn
Veiran er um þessar mundir í mik-
illi sókn víða um heim. Þannig fjölg-
aði til að mynda staðfestum tilfellum
í Íran um rúmlega 3.300 á einum sól-
arhring. Er það mesti fjöldi nýsmita
frá því í júní sl., en alls eru staðfest
smit þar rúmlega 425 þúsund og
dauðsföll um 24.500.
Heilbrigðisstarfsfólk í Nígeríu
lagði niður störf í byrjun mánaðar til
að mótmæla slæmum aðbúnaði og
skorti á hlífðarbúnaði. Hópurinn hef-
ur nú snúið aftur til vinnu, án þess þó
að aðbúnaður hafi skánað, að sögn
Reuters. Engin skýring hefur verið
gefin á því hvers vegna verkfallinu
lauk. Staðfest tilfelli kórónuveiru
þar eru rúmlega 57 þúsund og
dauðsföll um 11 þúsund talsins.
Varar við fleiri dauðsföllum
 Án hertra aðgerða gætu dagleg smit á Bretlandseyjum verið í kringum 50 þús-
und í október  Gerist það verða dagleg dauðsföll 200  Hvatt til breyttrar stefnu
AFP
Veira Sýnatökur eru nú víða daglegt brauð. Þessi sem hér sést var framkvæmd í indversku borginni Allahabad.
Hátt í 300 grindhvalir hafa fundist
strandaðir við áströlsku eyjuna
Tasmaníu. Er hjörðin sögð vera
föst á sandrifi skammt frá höfninni
Macquarie á vesturströndinni.
„Það er ekki sjaldgæft að hvalir
strandi við Tasmaníu, en það er
vissulega óalgengt að svo stór hjörð
geri það. Slíkt hefur ekki gerst í 10
ár hið minnsta,“ hefur fréttaveita
Reuters eftir talsmanni umhverfis-
og náttúrusamtaka þar í landi.
Ljóst er að ekki verður hægt að
bjarga öllum dýrunum því í gær var
þegar talið að minnst 25 þeirra
væru dauð á sandrifinu. Þá er talið
að dýrin séu í þremur hjörðum.
Hópur manna, sérútbúinn til að
bregðast við ástandi sem þessu,
mætti á vettvang í gærdag. Ekki
var búist við að hann myndi reyna
björgun af alvöru fyrr en í dag.
Liðin eru 11 ár síðan álíka hópur
strandaði við Tasmaníu. Var þá um
að ræða 200 dýr. Erfitt er að segja
til um hvað veldur því að hvala-
hjörð syndir á land, en þegar slíkt
gerist getur verið afar erfitt að
hjálpa dýrunum á haf út aftur.
ÁSTRALÍA
AFP
Strand Minnst 25 grindhvalir eru dauð-
ir eftir að 300 hvala hjörð strandaði.
Stór hópur hvala
strandaði á sandrifi
Ung stúlka í höfuðborginni Islamabad í Pakistan fær
bóluefni gegn mænusótt, en mikið átak er nú í gangi
þar í landi gegn sjúkdómnum. Smitsjúkdómur þessi er
af völdum veiru sem herjað getur á taugakerfi lík-
amans og valdið lömun og loks dauða. Mikilvægt er að
bólusetja snemma því engin lækning er við veikinni.
Átak í gangi gegn mænusótt í Pakistan
AFP
Börnin varin gegn smitsjúkdómi
Stjórnvöld í Taívan segja hersveitir
sínar eiga fullan rétt á að verja sig og
ráðast til atlögu gegn hugsanlegri
ógn. Kemur þetta fram í tilkynningu
frá varnarmálaráðuneyti landsins,
en tilefnið er það sem kallað hefur
verið „ögrandi hegðun“ kínverska
hersins sem síðastliðinn föstudag
flaug orrustuþotum og sprengjuvél-
um, alls 18 talsins, yfir miðlínu
Taívan-sundsins.
Stjórnvöld í Beijing hafa þó sagt
flug þotna sinna vera hluta af æfingu
hersins og að slíkt sé nauðsynlegur
liður í vörnum
landsins og full-
veldi. Loftvarnir
Taívans voru
virkjaðar vegna
flugsins, orrustu-
þotur og radar-
turnar sem stýra
loftvarnaskeyt-
um, og segir Taív-
ansforseti, Tsai
Ing-wen, Kín-
verja með þessu ógna svæðinu öllu.
Fram kemur í yfirlýsingu varnar-
málaráðuneytisins að Kínverjar hafi
allt þetta ár ógnað stöðugleika og
friði á svæðinu með því að beita orr-
ustuþotum sínum og herskipum
ítrekað með ögrandi hætti. Hersveit-
ir Taívans muni ekki sýna sömu ögr-
andi tilburði en séu þó reiðubúnar til
að verja landsvæði ríkisins. Þá er þar
sérstaklega tekið fram að hersveit-
irnar séu ekki hræddar við óvininn.
Enginn formlegur samningur er í
gildi milli ríkjanna sem kveður á um
að bannað sé að fara yfir miðlínuna,
þótt litið sé á slíkt sem ögrun.
Óttast ekki hersveitir Kína
 Taívanar segjast reiðubúnir til að verja landsvæði sitt eftir
ögrandi hegðun kínverska hersins á svæðinu að undanförnu
Varnir Tien-Kung I
skotið á loft.