Morgunblaðið - 19.10.2020, Blaðsíða 27

ÍSLANDSMÓTIÐ
Bjarni Helgason
bjarnih@mbl.is
Mikil óvissa ríkir um Íslandsmótið í
knattspyrnu þessa dagana eftir að
íslensk stjórnvöld framlengdu æf-
inga- og keppnisbann á höfuðborg-
arsvæðinu um tvær til þrjár vikur.
Nýjar reglur taka gildi á morgun
þar sem áfram verður æfinga- og
keppnisbann á höfuðborgarsvæðinu
en félög úti á landi mega hins vegar
æfa áfram og keppa ef ekki koma
fleiri en fimmtíu saman. Áhorfendur
eru hins vegar ekki leyfðir þar.
Íslenskur toppfótbolti, ÍTF, sendi
frá sér yfirlýsingu fyrir rúmri viku
þar sem kapp var lagt á að klára Ís-
landsmótið en ÍTF er hagsmuna-
samtök félaga í efstu deildum karla á
Íslandi.
„Við sendum frá okkur yfirlýsingu
fyrir viku um að við vildum ljúka Ís-
landsmótinu,“ sagði Haraldur Har-
aldsson, formaður ÍTF, í samtali við
Morgunblaðið í gær. „Sú ályktun var
byggð á þeim upplýsingum sem lágu
fyrir frá stjórnvöldum á þeim til-
tekna tímapunkti.
Við höfum ekki ályktað neitt frek-
ar síðan en það er alveg ljóst að það
eru mjög skiptar skoðanir um það
hvað eigi að gera varðandi næstu
skref. Staðan sem uppi er núna er
því mjög erfið.“
Haraldur er framkvæmdastjóri
Víkings úr Reykjavík og sjálfur vill
hann ljúka tímabilinu með því að
spila alla leiki.
„Ég hef verið talsmaður þess að
ljúka Íslandsmótinu á knattspyrnu-
vellinum á meðan það er hægt. Ég lít
á reglugerðina, sem KSÍ setti vegna
kórónuveirufaraldursins, sem okkar
siglingaplagg í þessu og það er
ennþá hægt að ljúka mótinu miðað
við hana.
Það þarf hins vegar að fara vel
yfir nýjustu reglur og fyrirmæli
stjórnvalda, vega þau og meta, áður
en einhver ákvörðun verður svo tek-
in. Ef það er tekin ákvörðun um að
ljúka mótinu þarf það að liggja alveg
ljóst fyrir að það verði hægt innan
þess tímaramma sem gefinn hefur
verið upp.“
Yfirlýsingin stendur
Haraldur viðurkennir að ekki séu
allir sammála um hvað sé best að
gera varðandi lyktir Íslandsmótsins.
„Það eru skiptar skoðanir innan
ÍTF eins og annars staðar um hvað
sé best að gera. Við vorum samt
sammála um að senda frá okkur
þessa sameiginlegu yfirlýsingu um
síðustu helgi sem sneri að því að
ljúka mótinu. Sú yfirlýsing stendur á
meðan ekkert annað hefur verið
ákveðið.
Það er mikið um það að menn séu
að viðra sínar skoðanir við okkur og
sjónarmiðið er oft á tíðum í þá áttina
sem hentar hverju félagi best. Það
er eðlilegt að menn berjist fyrir sínu
félagi en það er að mörgu að huga í
þessu og þetta er heimsfaraldur.
Menn þurfa að taka það inn í mynd-
ina því þetta er ekki bara svart eða
hvítt og af eða á.
Eins og staðan er í dag bíðum við
bara eftir mótanefnd KSÍ sem er að
vinna í þessum málum. Hún mun
leggja fram einhverjar tillögur fyrir
KSÍ á næstu dögum og þeir hafa líka
fundað með okkur á undanförnum
vikum. Menn eru að reyna að vinna
þetta saman og í sem mestri sátt við
alla.“
Miklu meira undir
Formaðurinn viðurkennir að það
sé alltaf hægt að vera vitur eftir á.
„Þetta eru erfiðar aðstæður sem
allir eru í og við erum öll að eiga við
áður óþekkt ástand. Ég ætla mér
ekki að fara að gagnrýna stjórnvöld
fyrir þær ákvarðanir sem hafa verið
teknar en mér finnst samt sem áður
ákveðið ósamræmi hafa verið í
ákveðnum hlutum á köflum.
Í dag er ég mest ósáttur við að
mótið hafi verið flautað af í tvær vik-
ur í ágúst þegar einhver tíu til fimm-
tán smit komu upp. Það er að
skemma rosalega mikið fyrir okkur
núna en að sama skapi er alltaf auð-
velt að vera vitur eftir á. Það var
vont að missa þann tíma út, án þess
þó að ég vilji vera að gagnrýna ein-
hvern sérstaklega.“
Einhverjir hafa kallað eftir því að
fjölga liðum í efstu deildum til þess
að gæta sanngirni, fari svo að mótið
verði blásið af.
„Það er ekki hægt að taka ákvörð-
un um það núna hvort það eigi að
fjölga í ákveðnum deildum. Þetta er
mál sem þyrfti að taka fyrir á árs-
þingi KSÍ í febrúar og þegar komið
er fram í febrúar er mótastjórnin
oftast búin að raða upp mótinu sem
fram undan er í grunninn.
Svona breytingar taka því oft ekki
gildi fyrr en ári síðar og ég sé það
því ekki gerast að við séum að horfa
fram á einhverja fjölgun í efstu
deildum ef ákveðið verður að blása
allt mótahald af. Þetta er miklu
stærra mál en svo að hægt sé að
fjölga bara liðum í efstu deildunum.
Það er miklu meira undir.“
Markmiðið að ljúka mótinu
Haraldur segir mikilvægt að
fylgja bráðabirgðareglugerð KSÍ
sem sett var í samráði við ÍTF í júlí,
eins og staðan er í dag.
„Reglugerðin er auðvitað bara
mannanna verk en það er ekki til
umræðu að lengja tímabilið og það
kæmi manni á óvart. ÍTF kom að
gerð þessarar reglugerðar á sínum
tíma og hún á ekki að koma neinum
á óvart. Hún var fyrst og fremst
gerð til þess að geta lokið keppni, ef
eitthvað færi í skrúfuna hjá okkur.
Nú kemur svo í ljós að það eina
sem við höfum til að fara eftir er
þessi reglugerð. Hún er sett fyrir
akkúrat þær aðstæður sem við erum
í núna og þá er það í raun okkar
skylda ef svo má segja að fylgja
henni eftir. Það er til lítils að vera að
setja ákveðnar reglugerðir ef þeim
er svo ekki fylgt,“ sagði Haraldur.
„Við viljum ljúka mótinu“
 Afstaða Íslensks toppfótbolta varðandi Íslandsmótið er sú sama  Skoðanir
skiptar en bráðabirgðareglugerð KSÍ er okkar siglingaplagg, segir formaður ÍTF
Morgunblaðið/Árni Sæberg
Toppslagur Valur og FH eru í efstu sætum Pepsi Max-deildar karla og eiga
að mætast í síðustu umferðinni, svo framarlega sem mótinu verður lokið.
ÍÞRÓTTIR 27
MORGUNBLAÐIÐ MÁNUDAGUR 19. OKTÓBER 2020
Íslensku landsliðsmennirnir ellefu
sem hófu umspilsleikinn gegn Rúm-
eníu á Laugardalsvellinum 8. októ-
ber áttu einstaklega náðuga fót-
boltahelgi.
Gylfi Þór Sigurðsson var sá eini
þeirra sem spilaði, í rúmar 20 mín-
útur með Everton gegn Liverpool á
laugardaginn.
Jóhann Berg Guðmundsson, Ar-
on Einar Gunnarsson og Arnór
Ingvi Traustason leika í kvöld með
Burnley, Al-Arabi og Malmö.
Guðlaugur Victor Pálsson, Kári
Árnason og Hannes Þór Halldórs-
son áttu allir frí þar sem enginn
leikur var hjá þeirra liðum.
Ragnar Sigurðsson, Birkir
Bjarnason og Alfreð Finnbogason
léku ekki með sínum liðum vegna
meiðsla og Hörður Björgvin Magn-
ússon var í leikbanni og spilaði því
ekki með CSKA Moskvu.
Þessir ellefu ættu að vera líklegir
til að hefja úrslitaleikinn gegn Ung-
verjum í Búdapest 12. nóvember, ef
allir verða heilir heilsu.
Róleg helgi hjá
landsliðsmönn-
um Íslands
Spánn
Zaragoza – Murcia .............................. 98:86
 Tryggvi Snær Hlinason skoraði 10 stig
fyrir Zaragoza og tók átta fráköst. Hann
lék í 26 mínútur.
Andorra – San Pablo Burgos .... (frl.) 87:82
 Haukur Helgi Pálsson lék í 33 mínútur
með Andorra, skoraði 18 stig og átti tvær
stoðsendingar.
Þýskaland
Bikarkeppnin, A-riðill:
Göttingen – Fraport Skyliners .......... 79:64
 Jón Axel Guðmundsson skoraði 20 stig
fyrir Fraport, tók fimm fráköst og átti tvær
stoðsendingar. Hann lék í 26 mínútur.
Litháen
Lietkabelis – Siaulai.......................... 101:76
 Elvar Már Friðriksson lék í 34 mínútur
með Siaulai, skoraði 20 stig, átti fjórar stoð-
sendingar og tók fjögur fráköst.


 Þýskaland
Göppingen – Erlangen........................ 27:27
 Janus Daði Smárason skoraði eitt mark
fyrir Göppingen.
Melsungen – Minden ........................... 24:24
 Arnar Freyr Arnarsson skoraði eitt
mark fyrir Melsungen. Guðmundur Þ. Guð-
mundsson er þjálfari liðsins.
Essen – Balingen ................................. 33:27
 Oddur Gretarsson skoraði 3 mörk fyrir
Balingen.
Stuttgart – Lemgo............................... 26:26
 Viggó Kristjánsson skoraði 6 mörk fyrir
Stuttgart en Elvar Ásgeirsson ekkert.
 Bjarki Már Elísson skoraði 7 mörk fyrir
Lemgo.
Leverkusen – Bad Wildungen ........... 33:18
 Hildigunnur Einarsdóttir skoraði 3
mörk fyrir Leverkusen.
B-deild:
Hüttenberg – Bietigheim ................... 20:22
 Aron Rafn Eðvarðsson varði 10/3 skot í
marki Bietigheim. Hannes Jón Jónsson
þjálfar liðið.
Hamm – Gummersbach ...................... 27:25
 Elliði Snær Viðarsson skoraði ekki fyrir
Gummersbach. Guðjón Valur Sigurðsson
þjálfar liðið.
Solingen – Sachsen Zwickau ............. 25:24
Díana Dögg Magnúsdóttir skoraði 3 mörk
fyrir Sachsen Zwickau.
Danmörk
Bjerringbro/Silkeborg – Aalborg .... 28:26
 Arnór Atlason er aðstoðarþjálfari Aal-
borg.
Vendsyssel – Köbenhavn.................... 28:37
 Elín Jóna Þorsteinsdóttir varði 2 skot í
marki Vendsyssel en Steinunn Hansdóttir
var ekki með.
Pólland
Kielce – Gwardia Opole...................... 39:24
 Sigvaldi Björn Guðjónsson skoraði 4
mörk fyrir Kielce en Haukur Þrastarson er
frá keppni vegna meiðsla.
Noregur
Drammen – Runar............................... 24:23
 Óskar Ólafsson skoraði 4 mörk fyrir
Drammen.
Sviss
Bern – Kadetten .................................. 31:35
 Aðalsteinn Eyjólfsson þjálfar lið Kadett-
en Schaffhausen.

 ENGLAND
Víðir Sigurðsson
vs@mbl.is
Óhætt er að segja að stuðningsmenn
Liverpool hafi staðið á öndinni þegar
hollenski miðvörðurinn Virgil van
Dijk haltraði af velli þegar nokkrar
mínútur voru búnar af grannaslagn-
um við Everton á Goodison Park á
laugardaginn.
Van Dijk hefur gjörbreytt liði Liv-
erpool sem hefur orðið bæði Evr-
ópumeistari og Englandsmeistari
með hann innanborðs síðustu tvö ár-
in enda af mörgum talinn besti varn-
armaður heims.
Liverpool staðfesti í gær að Hol-
lendingurinn þyrfti að fara í upp-
skurð á hné og því blasir við að hann
missir af stórum hluta tímabilsins.
Ekki ber þó saman félaginu og fjöl-
miðlum um hvort um laskað kross-
band sé að ræða eða liðbönd í hnénu.
En hvort heldur sem er, þá mun
reyna verulega á varnarleik Eng-
landsmeistaranna næstu mánuði. Til
viðbótar þessu stóra áfalli eru þeir
án markvarðarins Alissons sem
stendur og afleysingamann hans,
Adrián, vantar talsvert upp á að
vera í sama gæðaflokki.
Grannaslagurinn endaði 2:2 og
þar voru lukkudísirnar með Gylfa
Þór Sigurðssyni og félögum. Gylfi
lék síðustu 20 mínúturnar en Dom-
inic Calvert-Lewin jafnaði fyrir
Everton undir lokin með sínu sjö-
unda marki í fyrstu fimm leikjunum.
Í uppbótartíma virtist Jordan Hend-
erson hafa tryggt Liverpool sigur en
mark hans var eftir nokkra skoðun
dæmt af. VAR-myndbandakerfið
hefur í kjölfarið sætt gagnrýni úr
herbúðum Liverpool, bæði vegna
þess að Pickford slapp við refsingu
fyrir brotið á van Dijk þar sem Hol-
lendingurinn var úrskurðaður rang-
stæður, og vegna þess að úrskurður
VAR-dómaranna í lokin var umdeil-
anlegur og langan tíma tók að kom-
ast að niðurstöðu.
Eftir stendur að leikurinn endaði
2:2 og Everton er á toppi deild-
arinnar með 13 stig eftir fimm um-
ferðir. Frábær byrjun hjá Gylfa og
félögum og greinilegt er að Carlo
Ancelotti er að móta afar öflugt lið,
sem sýndi líka karakter með því að
jafna tvívegis gegn Liverpool. Sadio
Mané og Mohamed Salah gerðu
mörk Liverpool og Michael Keane
fyrra mark Everton.
Ótrúlegur lokakafli West Ham
West Ham átti ótrúlegan loka-
kafla gegn Tottenham í Lundúna-
slag í gær. Tottenham komst í 3:0 á
fyrstu 15 mínútunum og West Ham
minnkaði ekki muninn fyrr en á 82.
mínútu. En það dugði samt Hömr-
unum því Manuel Lanzini skoraði
stórbrotið jöfnunarmark með skoti í
markvinkilinn með síðustu spyrnu
leiksins, 3:3. Gareth Bale kom inn á
hjá Tottenham í fyrsta sinn eftir
endurkomuna frá Real Madrid.
 Ross Barkley skoraði sigur-
mark Aston Villa gegn Leicester í
uppbótartíma á útivelli í gærkvöld,
1:0, og Villa er þar með eina liðið
sem hefur unnið alla leiki sína í
deildinni til þessa.
 Raheem Sterling tryggði Man-
chester City sigur á Arsenal, 1:0.
 Harry Maguire, Bruno Fern-
andes, Aaron Wan-Bissaka og Marc-
us Rashford skoruðu fyrir Man-
chester United í 4:1-útisigri á
Newcastle þar sem staðan var 1:1
fram á 86. mínútu.
 Jannik Vestergaard jafnaði fyr-
ir Southampton gegn Chelsea í upp-
bótartíma, 3:3, í leik liðanna á Stam-
ford Bridge.
AFP
Slasaðist Jordan Pickford skellir Virgil van Dijk á Goodison Park.
Hvað gerir Liverpool nú?
 Gæti verið án Virgils van Dijk það sem eftir er tímabils  Á leið í uppskurð