Lögmannablaðið - 2018, Blaðsíða 8

8 LÖGMANNABLAÐIÐ TBL 03/18
SAMTAL UM SIÐMENNINGU Í
KJÖLFAR #METOO BYLTINGAR:
ER HÆGT AÐ KOMA
Á HUGARFARS­
BREYTINGU UM
HEGÐUN?
Í lok maí héldu LMFÍ, LÍ og DÍ sameiginlegan hádegisverðarfund undir yfirskriftinni:
Samtal um siðmenningu - #metoo byltingin og lögfræðingastéttin. Þessi
stórmerkilega bylting hefur afhjúpað hegðun og framferði innan fjölmargra
stétta, þar á meðal lögfræðinga, sem hefur legið í þagnarhjúpi og þannig verið
samþykkt og viðurkennd.
Á fundinum héldu þau Kjartan Bjarni Björgvinsson héraðsdómari og dr. Salvör
Nordal heimspekingur, umboðsmaður barna, erindi um annars vegar hin skráðu
lög og hins vegar um óskráðar reglur samfélagsins. Að því loknu ræddu formenn
félaganna þriggja um hver næstu skref ættu að vera og hvaða aðgerða væri
þörf auk þess sem fundargestir komu með innlegg.