Bæjarins besta - 28.01.2016, Side 2

2 Fimmtudagur 28. JANÚAR 2016
ÍBÚAFUNDUR UM
SNJÓFLÓÐAVARNIR Í KUBBA!
Ísafjarðarbær boðar til íbúafundar um
snjóflóðavarnir í Kubba með bæjaryfir-
völdum og sérfræðingum Ofanflóðasjóðs
og Veðurstofu Íslands. Fundurinn verður
haldinn fimmtudaginn 28. janúar á 4.
hæð Stjórnsýsluhússins á Ísafirði og hefst
klukkan 20.00.
– Sjónarmið – Kristinn H. Gunnarsson
Óvenjulegir tímar eru í þjóð­
félaginu. Rúmum sjö árum eftir
gjaldþrot íslenska fjármála­
kerfisins er fjarri því komið á
jafnvægi og sæmileg sátt um
stóru málin. Það sést best á
mælingum á fylgi stjórnmála­
flokkanna. Gamlir og grónir
flokkar eða arftakar þeirra eiga
allir í miklum vandræðum og
njóta lítils fylgis en nýr flokkur
eykur stöðugt fylgi sitt og nálg­
ast nú 40% fylgi. Vissulega eru
þetta enn sem komið er aðeins
kannanir, en það fer ekki á milli
mála að kjósendur eru afar
óánægðir með núverandi og
síðustu stjórnarflokka og eru
að setja fram ákveðnari kröfu
en áður um breytingar.
Í rúmt ár hefur þessi þró­
un verið og með hverjum
mánuðinum sem líður verður
krafan um breytingar skýrari
að því leyti að hefðbundnu
stjórnmálahreyfingarnar fá
samanlagt æ minna fylgi og
óhefðbundni flokkurinn fær
meira fylgi. Nú er svo komið
að Sjálfstæðisflokkurinn er
farinn að fá minna en 20% og
Framsóknarflokkurinn, Sam­
fylkingin og Vinstri grænir eru
hver um sig um það bil 10%
flokkur. Þessi staða á sér engin
fordæmi í 100 ára sögu íslenska
flokkakerfisins.Fylgið við nýja
flokkinn, Pírata, er að einhverju
leyti byggt á frammistöðu þing­
manna hans og því að flokkurinn
svarar að einhverju leyti kröfum
um breyttar málefnaáherslur og
starfshætti. En líklega er samt
stærsta skýringin á fylgi þeirra,
enn sem komið er, megn óánægja
með „gömlu“ flokkana. Meðan
þeir skynja ekki kröfur kjós­
enda og gera ekki trúverðugar
breytingar á stefnu sinni og for­
ystusveit munu allar líkur benda
til stórfelldrar fylgissveiflu í
næstu Alþingiskosningum í takt
við skoðanakannanirnar.
Heilbrigð opin stjórnmál
Listin er að lesa rétt í kröfur
kjósenda og bregðast við þeim.
Lykilhugtakið í þjóðfélagsmál­
um er vald. Mikil óánægja
almenn ings með flokkana sem
hafa haft valdið í sínum höndum
eftir bankahrunið bendir til þess
að gagnrýnin beinist að verulegu
leyti að meðferð valdsins, hvernig
vald hafarnir hafa beitt því og í
þágu hverra. Peningar eru ætíð
nálægir þar sem er vald. Af þeim
sökum hafa verið settar reglur
sem eiga að takmarka möguleika
á því að misnota valdið og
hygla útvöldum, stundum á
kostnað almennings. Í lögum
eru ítarleg ákvæði um hæfi og
vanhæfi þeirra sem hafa með
opinbert vald að gera og eins eru
nokkur laga ákvæði sem varða
viðskiptalífið. Meginlínan er
að stjórnvaldsákvarðanir séu
teknar fyrir opnum tjöldum,
málefnalegar og hlutlausar. Þá
á ráðstöfun verðmætra réttinda
og verkefna að vera samkvæmt
reglum um jafnræði og jafna
möguleika.
Þegar út af er brugðið og
ákvarðanir teknar bak við luktar
dyr og handvöldum aðilum færð­
ir gróðamöguleikar á silfurfati,
jafnvel af þeim sem beinna
hagsmuna eiga að gæta verður
útkoman spilling. Spilling er
oftast afleiðing af misbeitingu
valds. Spilling er líka á kostnað
almennings. Flokkarnir sem eiga
í erfiðleikum gagnvart kjósend­
um um þessar mundir gjalda
því fyrir aðild að eða ábyrgð á
misbeitingu valdsins. Þar liggur
hundurinn grafinn. Einstakir
hagsmunir virðast eiga svo sterk
ítök í þessum stjórnmálaflokkum
að þegar þeir eru við völd ráða
hagsmunaaðilarnir mikilvægum
ákvörðunum, jafnvel þótt þær
gangi þvert gegn grundvallarat­
riðum í stefnu flokkanna. Fyrir
vikið missa stjórnmálaflokkarnir
trúverðugleika sinn, þeim er ekki
lengur treystandi fyrir valdinu.
Misnotkun valds
Það er enginn skortur á málum
undanfarin ár sem hafa varpað
spillingarskugga á stjórnmála­
flokkana. Síðustu dæmin eru ein
og sér nóg að nefna til þess að
skilja gremju almennings.
Á síðasta ári seldi Arion­
banki hlut í Símanum. Áður
en almennt útboð hófst var
völdum hópi valinna einstak­
linga færður hlutur á lágu verði.
Gróðinn er talinn vera um 400
milljónir króna af þeim hluta­
bréfum sem nú er heimilt að
selja. Ávinningurinn verður enn
meiri ef gengi bréfanna lækkar
ekki þegar kaupendurnir geta
innleyst önnur hlutabréf síðar.
Það var engin ástæða til þess að
viðhafa þessa aðferð. Það voru
ekki hagsmunir Arionbanka að
selja hluta af hlutabréfunum á
lægra verði en fæst á almennum
hlutabréfamarkaði. Þessi ráðstöf­
un var einfaldlega klíkuskapur.
Nokkrir gróðapungar fengu gef­
ins peninga með þessum hætti.
Þetta er ekkert annað en spilling
í skjóli leyndar. Það er hlutverk
stjórnmálamanna að setja reglur
á þessu sviði sem öðru og sjá til
þess að viðskipti verði opin og
gegnsæ og að allir eigi sömu
tækifæri. Stjórnmálamennirnir
brugðust hlutverki sínu. Þeir
brugðust almenningi en þjón­
uðu sérhagsmunum. Annað
dæmi af sama toga er sala
Landsbankans á hlut bankans í
Borgun. Bankinn seldi á sama
tíma hlut í öðru greiðslukorta­
fyrirtæki Valitor og gætti þess
þá að áskilja sér verðaukningu
sem kynni að verða eftir söluna.
En þessi áskilnaður var ekki
gerður þegar Borgun var seld.
Fyrir vikið tapar Landsbankinn
og þar með ríkið af háum fjár­
hæðum. Talið er að verðmætis­
aukningin á hlutnum geti numið
á annan tug milljarða króna.
Svo kemur óvænt í ljós á einn
af þeim sem fær þessa peninga
gefins á silfurfati er föðurbróðir
fjármálaráðherra, manns sem
fer með þessi málefni og á öðr­
um fremur að gæta hagsmuna
almennings. Þessi sami fjár­
málaráðherra og ríkisstjórnin
öll hefur allt síðasta ár sagt að
ekki séu til meiri peningar í
heilbrigðiskerfið. Þarna reynir
á öll atriðin, vald, peninga og
spillingu með skýrri niðurstöðu.
Kristinn H. Gunnarsson
MA í stjórnmálaheimspeki
Vald, peningar, spilling
KRÓNAN VEITIR 99% AFSLÁTT
fyrir barnið aðra leiðina + flugvallarskattar. Greiða þarf
flugvallarskatta og eru þeir 1.700 kr. frá Reykjavík og
1.350 kr. frá öðrum áfangastöðum innanlands.
FERÐATÍMABILIÐ ER FRÁ
1. FEBRÚAR – 15. MARS
BÓKANLEGT FRÁ 26. JANÚAR – 15. MARS
Sláðu inn í bókunarvélina flugsláttinn KRONA
til að trygg ja þér þetta tilboð.
ÞETTA EINSTAKA TILBOÐSFARGJALD
• gildir til Reykjavíkur, Akureyrar, Ísafjarðar, Egilsstaða,
Grímseyjar, Vopnafjarðar og Þórshafnar
• er fyrir börn, 2–11 ára, í fylgd með fullorðnum
og í sömu bókun
• býðst eingöngu þegar bókað er á netinu, www.flugfelag.is
• ekki er hægt að bæta barni við bókunina eftir á
• ekki er hægt að nota tvo flugslætti í sömu bókun
Is
le
ns
ka
/s
ia
.is
F
LU
7
81
87
0
1/
16

AF BARNA FARGJÖLDUM INNANLANDS
99%afsláttur
FJÖLSKYLDAN FLÝGUR SAMAN Á VIT ÆVINTÝRANNA FLUGFELAG.IS
BARNGÓÐAR KRÓNUR
TAKA Á LOFT
Enn ein rósin bættist í hnappa­
gat sundkonunnar Kristínar Þor­
steinsdóttur er hún var útnefndur
íþróttamaður Ísafjarðarbæjar.
Er þetta þriðja árið í röð sem
hún hampar þeim titli og er hún
fyrst til að vera íþróttamaður hins
sameinaða sveitarfélags þrjú ár í
röð. Mikið hefur verið fjallað um
frækileg afrek Kristínar á síðasta
ári er hún rakaði inn verðlaunum
á Evrópumeistaramóti DSISO
sem fram fór á Ítalíu Í nóvem­
bermánuði. Þar gerði hún sér
Kristín Þorsteinsdóttir íþróttamaður
Ísafjarðarbæjar þriðja árið í röð
lítið fyrir og setti hvorki fleiri
né færri en tvö heimsmet, í 25m
flugsundi og 100m skriðsundi, og
níu Evrópumet. Í umfjöllun um
Kristínu við afhendinguna var
sagt „Kristín hefur verið fremsti
íslenski sundmaðurinn í sínum
flokki undanfarin ár og er enn
að bæta árangur sinn. Árangur
hennar á erlendum mótum ársins
sýnir ennfremur að hún er ein sú
besta í Evrópu og á heimsvísu.“
Kristín hélt ræðu við af­
hendinguna þar sem hún lýsti
stolti sínu og þakklæti yfir valinu,
sem og þakklæti til bæjarbúa
vegna valsins á Vestfirðingi
ársins og valinu á íþróttamanni
ársins á Vísi þar sem hún var í
öðru sæti.
Skíðagöngukonan Anna María
Daníelsdóttir var valin efnileg­
asti íþróttamaðurinn úr glæstum
hópi hinna efnilegu, en hún
hefur verið að gera mjög góða
hluti í sínu fagi og var hún þre­
faldur unglingameistari Íslands í
skíðagöngu árið 2015, jafnframt
því sem hún landaði bikarmeist­
aratitli SKÍ í sínum aldursflokki
og sigraði í 25 km. göngu kvenna
í Fossavatnsgöngunni. Anna
María er í fremstu röð skíða­
göngukvenna á Íslandi í dag og
setur hún markið hátt og stefnir
til Noregs í nánustu framtíð til
náms og æfinga í íþróttinni við
bestu mögulegu aðstæður.
Tryggvi Sveinbjörnsson var
heiðraður fyrir framlag sitt til
íþróttastarfs í sveitarfélaginu.
Tryggvi hefur starfað að íþrótta­
og æskulýðsmálum frá unga
aldri. Hann spilaði fótbolta með
meistaraflokki á árunum 1963­
1976 utan eitt sumar er hann
spilaði í Danmörku. Hann hefur
spilað keppnisgolf og badminton
hefur hann spilað í um 40 ár,
einnig hefur Tryggvi stundað
hlaup og skíði sér til ánægju til
margra ára þó nú golfið eigi hug
hans allan, en hann lét nýverið
af störfum sem formaður Golf­
klúbbs Ísafjarðar eftir tæp 10 ár
í því starfi.
annska@bb.is