Bæjarins besta - 28.01.2016, Side 8

8 Fimmtudagur 28. JANÚAR 2016
Eyjasól ehf.
2ja- 3ja herb. íbúðir í Rvík til leigu alla daga
fyrir íslendinga og erlenda gesti.
Allt til alls og verið velkomin..
eyjasol@internet.is
S: 6989874
S. 8986033
„HEIMILI Í BORGINNI“
Útboð
Fyrir hönd verkkaupa Blakknes ehf óskar
Tækniþjónusta Vestfjarða ehf eftir tilboðum í að
einangra og klæða húseignina að Árbæjarkanti
3 í Bolungarvík. Þakkanta og súlur að utan með
litaðri stálklæðningu og veggfleti með alusink
klæðningu.
Helstu magntölur eru: klæddir þakkantar og
súlur 165 m2, klæddir veggfletir 424m3.
Verklok 1. júní 2016
Útboðsgögn verða seld á 5.000,- hjá Tækni-
þjónustu Vestfjarða ehf, Aðalstræti 26, Ísafirði
frá og með 29. janúar 2016.
Tilboð verða opnuð á skrifstofu Tækniþjónustu
Vestfjarða ehf, Aðalstræti 26, Ísafirði miðviku-
daginn 10. febrúar 2016, klukkan 14:00
Tækniþjónusta Vestfjarða ehf
Aðalstræti 26
400 Ísafirði
Sími 456 3902
– Reglulega kemur upp um­
ræða um þessi mál og síðast undir
lok síðasta árs var umræðan ansi
hávær í fjölmiðlum um kostn­
aðarsöm íþróttaferðalög sem
sér í lagi kom illa við efnaminni
fjölskyldur. Stendur eitthvað til
að breyta þessu?
„Já, þetta er afar mikilvægt
mál fyrir íþróttafélög sem stað­
sett eru fjarri suðvesturhorninu,
þar sem flest liðanna eru. Félög
eru stöðugt að leita leiða til
að minnka þann kostnað er af
ferðalögunum hlýst, líkt og að
keyra á einkabílum. Mörg félög
annarsstaðar á landinu eiga sín
farartæki fyrir keppnisferðalög.
Til að mynda á ÍBV, sem er mjög
stöndugt félag, nokkra bíla skilst
mér. Önnur félög eiga líka sína
bíla, en það er oft þannig að fyr­
irtæki á stöðunum hlaupa undir
bagga með þeim og leggja til
fé, eða jafnvel heilu farartækin.
Það skiptir auðvitað miklu máli
í rekstri svona félags og léttir
mikið undir, ekki síst með for­
eldrunum. Þetta er einn af þeim
hlutum sem verða auðveldari
viðfangs með sameinuðu félagi
og ég vonast til að það þurfi ekki
að líða of langur tími áður en hið
nýja félag geti eignast einhver
slík farartæki. Þó svo að það sé í
sjálfu sér ekki markmiðið, helsta
markmiðið er draga úr kostnaði
við keppnisferðir.
Ríkisvaldið var með miklar
fyrirætlanir um að koma til móts
við þennan kostnað og veit ég
að Jói Torfa er búinn að setja
gríðarmikla vinnu í undirbúning
fyrir það. Þessar áætlanir gengu
svo ekki eftir eins og lagt var upp
með þær, það hægði náttúrulega
á öllu í hruninu. En plönin voru
engu að síður metnaðarfull.“
Það er búið að liggja fyrir í
einhvern tíma hér á svæðinu að
endurnýja úr sér sparkað gervi­
gras og koma knattspyrnu undir
þak og er það eitt af forgangs­
málunum. Það er sannarlega
ekki einungis fyrir knattspyrnu­
iðkendur því það yrði öðrum
íþróttagreinum sem og almenn­
ingi til hagsbóta. Það eru komin
mörg gríðarstór hús víðsvegar
um landið til knattspyrnuiðkunar
og við orðnir eftirbátar margra
sveitarfélaga. Við erum ekkert að
hugsa um slíkt hús, önnur félög
hafa farið í byggingu minni húsa.
Þetta er ekki hugsað sem keppn­
isaðstaða heldur aðstaða til æf­
inga. Það gæti verið hálfur völlur
til að mynda. Þetta myndi vera
íþróttaiðkun á svæðinu til mikilla
bóta. Sumir hafa miskilið þetta
á þann veg að slíkt hús myndi
bara þjóna fótboltanum. Það er
hinsvegar alrangt því húsið yrði
íþróttastarfi öllu til gríðarlegra
bóta – alls ekki bara fótboltanum.
Með því að létta á íþróttahúsinu
á Torfnesi myndi skapast mikið
svigrúm þar sem knattspyrnan
færi að mestu leyti út. Það myndi
skipta miklu máli fyrir íþróttafé­
lögin, auk almennings sem fengi
meira aðgengi sér til heilsubótar.
Svo má heldur ekki gleyma að
svona hús geta þjónað öðrum en
knattspyrnumönnum, eins og t.d.
golfurum.Víða á landinu hafa svo
eldri borgarar verið að nýta þau
til göngu innandyra í vályndum
veðrum. Einnig er hægt að hugsa
sér að nota húsið til ýmiskonar
uppákoma.“
– Mun svona hús vera baráttu­
mál hjá Vestra?
„Já ég reikna með því að
þetta mál verði eitt þeirra sem
aðalstjórn kemur til með að veita
stuðning. Ég held að það liggi
fyrir almennur vilji íþróttafélag­
anna á svæðinu til að sjá þetta
verða að veruleika. Stundum
þurfa góðir hlutir að gerast hratt.“
Vestra vel tekið
– Nú hefur sameining verið
reynd áður, hvers vegna gekk
hún ekki eftir í fyrstu atrennu?
„Sameiningin á þeim tíma var
felld mjög naumlega í atkvæða­
greiðslu. Þannig fór það nú bara.“
– Er þetta búið að vera mikil
vinna?
„Já. Við funduðum 25 sinnum
sameiningarnefndin. Vinnan
hófst árið 2014 og mest af henni
fór fram á síðasta ári. Auðvitað
er heilmikil vinna fólgin í að
sameina ólíka þræði og útræða
öll hugsanleg vandamál og fyr­
irstöður. Við þurftum náttúrulega
að vera í sambandi við fjölmarga
aðila. Sérsambönd íþróttahreyf­
ingarinar, auk ÍSÍ og UMFÍ. Við
þurftum að fá lögin samþykkt hjá
ÍSÍ. Við vorum líka í samskipt­
um við félögin hér og héldum
tvo opna kynningarfundi. Þetta
fékk talsvert mikla umræðu og
athygli, ekki síst kosningin um
nafnið á félaginu. Það að við
skyldum hafa netkosningu vakti
athygli út fyrir svæðið og þátttaka
mjög góð, líka að það skyldu vera
tvær umferðir í kosningunni.
Þetta vakti mikla athygli á þeirri
vinnu sem var í gangi og fór í
raun enginn varhluta af því að
hún væri að eiga sér stað.“
–Hvernig hefur þér fundist
hljóðið í fólki almennt vera við
undirbúningsvinnuna í þetta
skiptið?
„Það hefur verið mjög jákvætt.
Auðvitað hafa menn áhyggjur af
hinu og þessu. Mestum áhyggj­
um hefur valdið hin sameiginlega
ábyrgð. Sameinað félag ber sam­
eiginlega fjárhagslega ábyrgð, en
með öflugu aðhaldi og gegnsæi
eiga deildir ekki að lenda í alvar­
legum fjárhagskröggum. Það er
rétt að nefna, að ekki taka öll
íþróttafélög á svæðinu þátt í sam­
einingunni núna, en þau félög
sem gengu að samningaborðinu
eru vel stödd fjárhagslega. Svo
tímasetningin er ljómandi góð
og enginn að koma með langan
skuldahala inn í félagið. Staðan
er almennt séð góð á öllum víg­
stöðvum.
Það hefur reyndar gerst bæði
hér sem og annarsstaðar á landinu
að íþróttafélög hafa hreinlega
farið á hausinn. Félög í litlum
samfélögum lifa ekki í neinu
tómarúmi, fari eitt á hausinn er
það nokkuð víst að það hefur
áhrif á önnur með einum eða
öðrum hætti. Sumstaðar hafa
sveitarfélögin hlaupið undir
bagga með þeim félögum sem
fara illa. Hvað gerist við það?
Þá bæði minnka framlög sem
og velvilji í garð annarra félaga.
Svo segja má að við séum öll á
sama báti og þurfum öll að bera
þessa sameiginlegu ábyrgð. Svo
ég hef ekki stórar áhyggjur af
þessari sameiginlegu ábyrgð sem
talsvert hefur verið rædd.“
­­­­­­­­­­­­­­­­­­­­­­­­­­­­­
Án nokkurs vafa er hægt að
ræða mál Vestra enn frekar, já
sem og að reka garnirnar enn
betur úr Hjalta, en því verður
ekki komið við að sinni. Mikið
er að gera og tíminn hlaupinn
frá okkur og hinn nýskipaði
formaður Vestra þarf að hlaupa
á útnefningu íþróttamanns Ísa­
fjarðarbæjar. Það er nokkuð ljóst
að Hjalta þarf ekki að leiðast eina
einustu stund í lífinu með öll
þau verkefni sem hann er að fást
við. Bæjarins besta óskar Hjalta
velfarnaðar á þeim nýju slóðum
sem hann fetar nú með Vestra.
Skíðaútilega á Snæfjallaströnd.