Bæjarins besta - 28.01.2016, Blaðsíða 9

fimmtudagur 28. JANÚAR 2016 9
Fjölbreytt verkefni eru á dag­
skrá í Bolungarvík á árinu 2016.
Mörg þeirra miða að því að
tryggja betur í sessi þau atvinnu­
tækifæri sem fyrir eru í sveitar­
félaginu og gera sveitarfélagið
þannig meira aðlaðandi bæði
fyrir núverandi íbúa og nýja, um
leið og verið er að auka þjónustu
við þá sem sækja staðinn heim.
En það eru ekki bara verkefnin
sem eru í sjónmáli sem eru
mikilvæg. Við þurfum að hafa
frumkvæði, sækja fram, vinna
að nýjum tækifærum og nýta þá
staðarkosti og fjölmörgu tæki­
færi sem svæðið hefur upp á að
bjóða til lengri tíma litið, til að
skapa atvinnu.
Ráðhús – þjónustumiðstöð
Í kjölfar þess að samningar
náðust við bæði Landsbankann,
Íslandspóst og Sýslumanninn á
Vestfjörðum um áframhaldandi
starfsemi í Bolungarvík verður
hægt að sækja þjónustu þessarra
aðila ásamt þjónustu félagsráð­
gjafa, byggingarfulltrúa og bæj­
arskrifstofu allt á einum stað. Nú
þegar er þjónusta Landsbankans,
Íslandspósts og Sýslumannsins
í þjónustumiðstöðinni, en nú­
verandi aðstaða þessara aðila
er í raun bráðabirgðaaðstaða.
Gera þarf nokkrar breytingar á
húsnæðinu til að það henti fyrir
þessa margvíslegu þjónustu,
því þótt talsverð þægindi fylgi
því að sækja þjónustuna á einn
stað, er ákveðinn aðskilnaður á
milli þjónustuaðila skilyrði til að
persónuvernd sé tryggð. Verið
er að teikna breytingarnar og
verður hafist handa um leið og
þeirri vinnu lýkur. Það er ánægju­
legt að beiðni bæjarstjórnar til
fjárlaganefndar Alþingis um
fjárframlag til að setja upp þjón­
ustumiðstöð skuli hafa verið svo
vel tekið sem raun ber vitni, en
10 m.kr var ráðstafað til verkefn­
isins á fjárlögum ársins 2016.
„Vísindamiðstöð“
Kannski má kalla þá fram­
kvæmd „vísindamiðstöð“ sem
heimild er fyrir í fjárhagsáætlun
ársins 2016 vegna framkvæmda
á efri hæð Vitastígs 1, en þar var
félagsmiðstöðin Tópas áður til
húsa. Félagsmiðstöðin hefur nú
verið flutt á neðstu hæð Grunn­
skólans sem kunnugt er og er þar
í nýendurbættu húsnæði. Þar er
nú frábær aðstaða fyrir unglinga
til að koma saman í hlýlegu og
heimilislegu umhverfi. Innan­
gengt er úr félagsmiðstöðinni
Tópas yfir í Íþróttamiðstöðina
Árbæ.
Í fjárhagsáætlun ársins 2016 er
gert ráð fyrir að efri hæð Vitastígs
1 verði innréttuð sem skrif­
stofuhúsnæði fyrir Náttúrustofu
Vestfjarða, Rannsóknasetur Há­
skóla Íslands, Heilbrigðiseftirlit
Vestfjarða og Minjastofnun og
jafnvel fleiri, en einnig er gert ráð
fyrir að þar verði aðstaða fyrir há­
skólanema sem eru t.d. í verkefn­
um á vegum Rannsóknasetursins
eða jafnvel í tímabundinni vinnu
fyrir Náttúrustofuna. Þar mun því
verða einskonar vísindamiðstöð.
Gert er ráð fyrir að sett verði
upp lyfta fyrir hreyfihamlaða í
húsnæðið sem myndi þá einnig
nýtast Náttúrugripasafninu sem
er til húsa á efri hæð Vitastígs 3,
en innangengt er á milli húsanna.
Áfram verður því gott samspil á
milli Náttúrustofu Vestfjarða og
Náttúrugripasafnsins. Leigutekj­
ur sem viðkomandi aðilar eru að
greiða í dag munu nægja til að
standa undir fjármögnun fram­
kvæmdanna. Mörg velheppnuð
dæmi eru um að setja þannig
margar stofnanir og vinnustaði
saman á einn stað.
Fyrirhugað er að makaskipti
verði gerð við Landsbankann á
húsnæði þjónustumiðstöðvarinn­
ar og húsnæðinu sem Náttúru­
stofan og Heilbrigðiseftirlitið er í
núna, þ.e. Aðalstræti 21. Með því
eignast Landsbankinn allt húsið
að Aðalstræti 21 sem gefur þá
alveg ný tækifæri í nýtingu þess
húsnæðis sem er í hjarta bæjarins
gegnt Félagsheimilinu.
Ósvör
Lengi hefur staðið til að koma
upp þjónustuhúsi í Ósvör. Verk­
efnið hefur hinsvegar tafist af
ýmsum ástæðum. Undanfarin
ár hafa tafirnar stafað af því
að nauðsynlegt var að ráðast í
deiliskipulag fyrir safnið. Þá
þurfti að fara fram ofanflóða­
mat á svæðinu áður en hægt var
að fara í frekari uppbyggingu
þar. Ósvörin hefur verið einn
fjölsóttasti ferðamannastaður
á Vestfjörðum um árabil og
líklegt er að svo verði áfram.
Unnið verður að því að koma upp
þjónustuhúsinu á árinu.

Atvinna og
þjónusta við aldraða
Atvinnumál og þjónusta eru í
raun tveir kvistar af sama meiði,
því aukin þjónusta skapar ný
atvinnutækifæri. Á síðasta ári
var opnað nýtt hjúkrunarheimili
í Bolungarvík sem er auðvitað
afar mikilvægt fyrir þjónustu
við aldraða í bænum. En opnun
þess tryggði í leiðinni vel á þriðja
tug starfsmanna atvinnu í u.þ.b.
20 stöðugildum. Í samfélagi
eins og Bolungarvík skiptir
hjúkrunarheimilið því miklu
máli sem vinnustaður og tryggir
áfram meiri fjölbreytni atvinnu­
tækifæra. Þá voru einnig tryggð
nokkur stöðugildi í bænum með
þjónustumiðstöðinni í Ráðhús­
inu, sem annars hefðu farið úr
bænum.
Ný atvinnutækifæri
Ný atvinnutækifæri felast bæði
í hefðbundnum greinum og í nýj­
um sprotum. Fyrirtækin í bænum
og frumkvöðlar eru stöðugt að
vinna að nýjum hugmyndum.
Mjólkurvinnslan Arna hefur farið
mjög vel af stað og framleiðslan
og vöruúrvalið aukist umfram
væntingar margra að ég tel. True
Westfjords sem framleiðir Dropa
er að stíga sín fyrstu skref með
sína framleiðslu á markað bæði
innanlands og utan svo dæmi sé
tekið. Kampi ehf hefur unnið
með frumkvöðlum með því að
leigja þeim heppilegt húsnæði
fyrir starfsemi sína.
Útgerðunum hefur verið að
vaxa fiskur um hrygg og hafa á
undanförnum árum verið og eru
enn að stækka bátana úr litlum
plastfiskibátum í stærri slíka
auk þess sem nýir stálbátar hafa
verið að bætast í flota Bolvík­
inga. Kvótalitlar útgerðir hafa
verið að leigja til sín mikið af
aflaheimildum sem skilar sér
svo í miklum lönduðum afla og
tekjum fyrir hafnarsjóð. Hvert
nýtt skip eða bátur sem bætist
í flotann hefur margfeldisáhrif
í atvinnulegu tilliti, bæði vegna
þeirra sem starfa við útgerðina og
afleiddra starfa. Á næstu vikum
er svo von á nýjum togara til
stærsta sjávarútvegsfyrirtækisins
á staðnum. Það er því óhætt að
segja að undirstöðuatvinnugrein
okkar hefur verið að styrkja sig
verulega og þessi fjölbreytni í
fiskiskipaflotanum þýðir í raun
mun meiri áhættudreifingu í
rekstri þar sem veiðarfærin eru
fjölbreyttari og auðveldara er að
sækja fisk, hvort sem hann er á
grunnslóð eða dýpra.
Bæjaryfirvöld hafa haft þá
stefnu að veita góða þjónustu
á höfninni og sinna þörfum
útgerðanna sem best. Það hefur
m.a. skilað sér bæði í ánægðari
og fleiri viðskiptavinum.
Fiskvinnslan er í stöðugri
þróun og hefur fiskvinnslan hjá
Jakobi Valgeir í Bolungarvík
verið í gríðarlegum fjárfesting­
um á undanförnum mánuðum í
nýjum tæknibúnaði. Fiskvinnsla
almennt er smátt og smátt að
breytast úr því að vera grein sem
hefur mikla þörf fyrir vinnuafl í
það að vera hátækniiðnaður sem
krefst mikils fjármagns, en er
ekki að sama skapi vinnuaflsfrek
og áður. Það skiptir því miklu
máli að um leið og fiskvinnslan í
Bolungarvík tæknivæðist er ætl­
unin að auka vinnsluna um 40%
sem þýðir að vinnuaflsþörfin
verður svipuð áfram. Mun minni
afli verður þá sendur óunninn
burt af staðnum.
Tækifæri í ferðaþjónustu
Mikil ónotuð tækifæri liggja í
ferðaþjónustunni í Bolungarvík.
Eitt það nærtækasta er að taka
á móti hluta þeirra 80–90 þús­
und ferðamanna sem hyggjast
leggja leið sína til Ísafjarðar með
skemmtiferðaskipum á árinu.
Nú er unnið að verkefnum í þá
veru í Bolungarvík. Þar er m.a.
verið að vinna að verkefni sem
miðar að því að Félagsheimilið
verði einskonar þjónustumiðstöð
ferðafólks eða viðkomustaður
fyrir rútur sem aka með ferða­
menn, um leið og þar verði til
staðar afþreying. Einn af stóru
kostunum við að nýta Félags­
heimilið í slíkt er að þar er fjöldi
salerna tiltækur og því fljótlegt að
afgreiða stórar rútur hvað varðar
þá sjálfsögðu og nauðsynlegu
þjónustu. Gönguferðir um bæinn,
á Náttúrugripasafnið, verslanir
eða á höfnina yrðu svo með
upphaf og endi í Félagsheimil­
inu þar sem afþreying yrði til
staðar. Þá má ekki gleyma þeim
tækifærum sem felast í Bolafjalli
sem hefur gríðarlegt aðdráttarafl.
Ósvör er þó líklega sá staður
sem ferðamenn sem leggja leið
sína til Bolungarvíkur þekkja
best og vilja heimsækja. Reikna
má með að tækifærum í ferða­
þjónustu fjölgi á næstu árum og
rekstrargrundvöllur fyrirtækja í
greininni styrkist, eftir því sem
ferðamannastraumur á Vestfirði
eykst. Unnið er markvisst að
því að gera Bolungarvík meira
aðlaðandi fyrir ferðamenn, t.d.
með því að búa til göngustíga,
bæta aðstöðuna í sundlauginni og
aðstöðu og aðgengi að söfnunum.
Aukin tækifæri í iðnaði
Unnið er að því að koma af
stað vinnslu á kalkþörungi í
Bolungarvík. Slíkt verkefni er
langhlaup, en kemst vonandi
á gott skrið á árinu. Það eru
hinsvegar ótal önnur tækifæri í
iðnaði sem vert er að gefa gaum
í Bolungarvík. Þau verkefni
geta t.d. tengst starfsemi í fisk­
eldi, framleiðslu og dreifingu á
fiskeldisfóðri og öðrum nýjum
atvinnugreinum.
Í aðalskipulagi Bolungarvík­
ur 2008 til 2020 er sett fram
stefnumörkun sem unnin var
af nefndum og ráðum bæjarins
ásamt skipulagshópi sem í sátu
ýmsir hagsmunaaðilar, en einnig
voru niðurstöður íbúaþings lagð­
ar til grundvallar. Þar er gert
ráð fyrir umfangsmikilli iðnað­
arstarfsemi á iðnaðarsvæðinu
við innanverða byggðina. Þar er
því um að ræða svæði sem getur
tekið við ýmissi starfsemi. T.d. er
þar mjög stutt fyrir stórnotendur
að tengjast raforkunetinu þar
sem aðveitustöð fyrir raforku er
í seilingarfjarlægð, sambyggð
varaflsstöðinni. Ekki má gleyma
því að iðnaðarsvæðið er nálægt
höfn, sem skiptir auðvitað miklu
máli fyrir hafnsækna starfsemi.
Nauðsynlegt er að skoða öll slík
atvinnutækifæri vel, í viðleitni
til að auka fjölbreytileikann í
atvinnulífinu.
Nýting slíkra valkosta sem hér
um ræðir er augljóslega lang­
tímaverkefni sem óhjákvæmi­
lega mun tengjast umræðunni um
virkjunarkosti fyrir raforkufram­
leiðslu á Vestfjörðum. Það er
mikilvægt fyrir Vestfirðinga að
tryggja það að hægt sé að nýta
þau tækifæri sem felast í þeirri
orku sem þar verður virkjuð.
Rétti tíminn til þess er núna.
Bolungarvík 22. janúar 2016
Elías Jónatansson,
bæjarstjóri
Ár tækifæranna
Aðsend grein
Elías Jónatansson.