Víðförli - 15.03.1995, Blaðsíða 8

Heimsóknaþj ónusta
Mikil umræða hefur átt sér stað
að undanförnu um heimsókna-
þjónustu safnaða. Af því tilefni
sneri Víðförli sér til Sigrúnar
Gísladóttur, framkvæmdastjóra
ellimálaráðs Reykjavíkurpró-
fastsdæmanna, til að fá nánari
upplýsingar um þann stuðning
og efni sem þar er til um heim-
sóknaþjónustu.
Er einhver sérstök ástœða fyrir
auknum áhuga á heimsókna-
þjónustu hjá söfnuðum landsins, Sigrún ?
„Það er mikill og vaxandi áhugi í söfnuðum hér
Reykjavík á að hefja heimsóknaþjónustu við aldraða eða
aðra sem um skemmri eða lengri tíma eru einangrað-
ir. Kærleiksþjónustan á að vera veigamikill þáttur í
starfi safnaðanna. Fólk lifir lengur en áður og við
sjáum fleiri og fleiri einkenni stórborgar á
Reykjavík, með þeim vanda og erfiðleikum sem
það felur í sér, sem m.a. gerir það að verkum að
margir eru einmana og einangraðir. Það er
einmitt meginmarkmið heimsóknaþjónustunnar
að rjúfa einangrun og vera vinur í nafni kristinn-
ar trúar og kristinnar kirkju.“
I hverju felst frœðslan og þjónustan sem elli-
málaráð veitir til safnaðanna íþessu tilliti?
„Heftið „Að glæða von“ var samið fyrir rúmu ári af
Höllu Jónsdóttur fyrir ellimálaráð. Þetta hefti tekur á flest-
um þeim atriðum sem þarf að hafa í huga við undirbúning
Sigrún
Císladóttir.
heimsóknaþjónustu í söfnuði og
við framkvæmd hennar. Þar er
fjallað um hvernig farið skuli af
stað, undirbúningur bæði með fyr-
irbæn, fræðslu og kynningu.
Hvernig söfnuður tekur ákvörðun
um að hefja slíkt starf, heimsókn-
ina sjálfa, skráningu, þagnar-
skyldu og fleira. Eg hef verið til
reiðu að fara með hópum, sem
þess hafa óskað, í gegnum heftið
auk þess sem nauðsynleg hefur
verið trúarleg og persónuleg styrking fyrir þá sem hefja
ætla heimsóknaþjónustuna.“
Hverjir taka þátt í heimsóknaþjónustu safnaðanna?
,Mikil áhersla er lögð á að heimsóknaþjónustuna
þurfi að byggja upp á sjálfboðaliðum. Víða heldur
launaður starfsmaður, eða starfsmenn, utan um
hana. er ábyrgðaraðili, umsjónaraðili sem sér
um þau mörgu atriði sem vinna þarf með, en
reynt er að afla sjálfboðaliða til að taka þátt í
starfinu. Víða hefur verið farið af stað með
beiðni til sjálfboðaliða að taka að sér að heirn-
sækja einn einstakling tvisvar til fjórum sinnum
í mánuði. Það er mikilvægt að við fáum sjálf-
boðaliða af báðum kynjum og á mismunandi aldri
til að gegna þjónustu þessari, því að þeir sem heim-
sóttir eru eru ólíkir. Það er mikið verk og vandasamt
að afla starfsmanna til þessa starfs því að það þarf að
standa vel að því.“
Dauövona fólk:
Læknum leyft að
aðstoða við sjálfsvíg
Oregon verður fyrsta fylki Bandaríkjanna til þess að
leyfa læknum að hjálpa dauðvona fólki við sjálfsvíg.
Leitað var álits kjósenda á málinu og voru 52% þeirra
því fylgjandi að læknar fengju að aðstoða dauðsjúkt
fólk á þennan hátt.
Samkvæmt niðurstöðum atkvæðagreiðslunnar mega
læknar gefa dauðvona sjúklingum ávísun á lyf sem
valda dauða óski þeir þess. Sjúklingarnir verða þó að
taka lyfin sjálfir. Læknum er ekki heimilt að gefa þeim
banvænar sprautur.
Skilyrðin fyrir þessu liðsinni læknanna eru þau að
sjúklingurinn hafi beðið ítrekað um slíkt eitur á
ákveðnu tímabili. Hið minnsta ein þeirra beiðna verður
að vera skrifleg og hún verður að vera gerð í viðurvist
tveggja votta. Að auki verður að liggja fyrir staðfest
álit tveggja lækna um að viðkomandi sjúklingur eigi
ekki meira en hálft ár ólifað og að hann sé andlega heil-
brigður. Þunglyndissjúklingum má ekki veita þessa
þjónustu.
(Byggt á DAS nr. 46/94)
Þýska kirkjan deilir um samkynhneigö:
r
Ihaldssamir hóta
stofnun „neyðarkirkjuu
Deilt er um afstöðuna til samkynhneigðar innan
evangelísku kirkjunnar í Þýskalandi. Fyrir nokkru var
stofnað þar samstarfsráð samkynhneigðra presta sem er
íhaldssömum meðlimum evangelísku kirkjunnar mikill
þyrnir í augum. Þeir hafa mótmælt þeim áformum
evangelísku kirkjunnar þar í landi að veita samkyn-
hneigðum pörum kirkjulega blessun. Þeir íhaldssömu
telja að samkynhneigð sé synd og fari kirkjan að leggja
blessun sín yfir hana þýði það ekkert annað en „ofsókn-
ir á hendur kristnum mönnum með samþykki kirkjunn-
ar sjálfrar“, eins og segir í mótmælum þeirra. Við slíkar
aðstæður geti menn neyðst til þess að íhuga möguleik-
ann á stofnun sjálfstæðrar „neyðarkirkju“.
(Byggt á DAS nr. 46/94)
Fyrirgefningin
Þegar við fyrirgefum ekki þeim sem gert hefur á hlut
okkar brennum við þá brú sem við þurfum sjálf á að
halda síðar meir.
8 VÍÐFÖRU