Víðförli - 01.02.2002, Side 3

FEBRÚAR 2002
VÍÐFÖRLI
3
Endurbættur vefur þjóðkirkjunnar á internetinu
kirkjunnar, sóknir og prestaköll sem nýtast mun fyrir
kirkjuvefinn, Brauðamatið og Arbók kirkjunnar, svo fátt
eitt sé nefnt. Sá gagnagrunnur mun bæta aðgengi að þess-
um upplýsingum og vonandi verða til þess að þær séu
ávallt uppfærðar og réttar.
Útlit vefsins
Við hönnun á útliti vefsins var mörkuð sú stefna að hann
skyldi prýddur íslenskri kirkjulist. Þar með gefst tækifæri til
að benda á fjársjóðina sem prýða margar íslenskar kirkjur og
til að draga fram í dagsljósið ýmislegt sem er fáum kunnugt.
Á föstunni varð fyrir valinu verk eftir Leif Breiðfjörð, nánar
tiltekið myndhlutar úr glugganum á vesturgafli Hallgríms-
kirkju. Litanotkun á forsíðu vefsins mun annars fylgja kirkju-
árinu. Kirkjuvefurinn er því fjólublár um þessar mundir.
Næstu skref
Á næstu vikum verður opnaður nýr vefur sem er sérstak-
lega ætlaður starfsfólki kirkjunnar. Við höfum kosið að
kalla hann kirkjustarfsvef. Þessi vefur er í stöðugri þróun,
hægt er að skoða hann á www.kirkjan.is/kirkjustarf.
Ábendingar eru vel þegnar, sendist á vefstjori@kirkjan.is.
Kirkjustarfsvefurinn hefur tvíþætt markmið: Annars
vegar er hann nokkurs konar sarpur fyrir hagnýtt efni sem
getur nýst vel í starfinu; hins vegar er hann samskiptavett-
vangur sem allir sem vinna á ákveðnum sviðum innan
kirkjunnar (barnastarf, fullorðinsfræðsla, helgihald, sáL
Forsíða vefs Biskupsstofu.
gæsla o.s.frv.) geta nýtt sér. Ein leiðin til að eiga þessi sam-
skipti er í gegnum svokallaða korka, það er umræðutorg
sem nota má til að skiptast á skoðunum.
Eins og áður var minnst á verður trúmálavefurinn opn-
aður í vor og við munum kynna hann betur er nær dregur.
Arni Svanur Daníelsson, vefstjóri kirkjan.is
Kirkjan og aðgengi fatlaðra
Kirkjan og aðgengi fatlaðra nefndist erindi Arnþórs Helga-
sonar sem flutt var á málstofu á kirkjudögum á Jónsmessu
24. júní 2001. Erindið er birt í fréttabréfi Öryrkjabandalags
Islands, 2. tbl. 2001. Þar hvetur hann til þess að allt efni
sem kirkjan gefur út verði tiltækt á tölvutæku formi. Það
verði einnig lesið inn á heppilega miðla svo að þeir sem eru
ólæsir á prentað mál geti notið þess sem hljóðbókar. Nú er
komin fram ný tækni til að hljóðrita bækur. Með henni
kemst Biblían fyrir á einum geisladiski og mjög auðvelt
verður að fletta upp í henni. Þar getur bæði farið saman
texti og hljóð. Arnþór hvetur kirkjuna til þess að hafa
frumkvæði að því að hagnýta sér þessa tækni og sjá til þess
að sálmabókin og Biblían verði aðgengileg.
Skálholtsútgáfan hefur þegar afhent Blindrabókasafninu
endurgjaldslaust eintak af nýju sálmabókinni í tölvutæku
formi. Var það gert þegar nýja útgáfan af sálmabókinni var
fullgerð sl. haust. En er Biblían aðgengileg blindu fólki?
Jón Pálsson, framkvæmdastjóri Biblíufélagsins, greindi
Víðförla frá því að væntanleg sé útgáfa á kassettum og disk-
um með upplestri guðspjallanna og Postulasögunnar á veg-
um HÍB. Blindrafélagið hefur unnið að þessu fyrir félagið.
Fjórir biskupar lesa guðspjöllin, þeir Sigurbjörn Einars-
son, Pétur Sigurgeirsson og Ólafur Skúlason, auk Karls Sig-
urbjömssonar. Helga Þ. Stephensen les Postulasöguna.
Jafnframt benti hann á að Biblían væri aðgengileg gegnum
heimasíðu HÍB.
Víðförli hafði einnig samband við Blindrabókasafnið.
Fjöldi bóka á kristnum grunni er til þar, bæði í hljóðbóka-
formi og á blindraletri, og veitir Blindrabókasafnið upplýs-
ingar um þá titla sem til eru. Þar er blindum þjónað á ein-
staklingsgrundvelli sem þýðir að blindir geta beðið um
ákveðnar bækur á blindraletri. Þannig er nýbúið að búa til
sálmabókina nýju á blindraletri að beiðni blinds einstak-
lings og er hún því aðgengileg hjá Blindrabókasafninu.
Biblfan er til bæði í hljóðbókarformi og á blindraletri.
Helstu viðskiptavinir Blindrabókasafnsins eru vitanlega
blindir, en einnig fólk sem af ýmsum ástæðum á erfitt með
lestur vegna t.d. veikinda, aldraðir og fólk með lesblindu.
Fræðsludeild kirkjunnar hefur styrkt Blindrabókasafnið í
einstökum tilfellum við gerð hljóðbóka.
Hvatningu Arnþórs Helgasonar er hér með komið á
framfæri og væri það gott markmið að kirkjan tæki að sér í
auknum mæli að sjá um að bækur á kristnum grunni yrðu
blindum aðgengilegri í framtíðinni.