Víðförli - 01.02.2002, Qupperneq 7

FEBRÚAR 2002
VÍ ÐFÖRLI
7
Pistill úr Eyjafjarðarprófastsdæmi
Héðan úr Eyjafirði er allt gott að frétta. Flensur hafa geng-
ið, bæði geðflensur og aðrar, en allt horfir til bóta. Sjálfur
hef ég fengið snert af miðaldaþunglyndi eins og við segjum
hér fyrir norðan, sem lýsir sér einna helst í því að þyngsli
eru mikil um morgnana og einna mest í Laxdalshúsi, en
þar er kirkjumiðstöð prófastsdæmisins. Við svo búið mátti
ekki standa og fór ég á fund líflæknis míns og tjáði honum
vandræði mín. Kom í ljós við skoðun að blóðþrýstingur
var helsti mikill og mestur í nánd við Akureyri. Heyrðu,
sagði Pétur, ég ætla að láta þig fá pillur. Þær geta haft
aukaverkanir. I versta falli færðu sykursýki, í öðru lagi
hjartastopp. í besta falli drepa þær þig. En þetta er sumsé
allt að koma.
Kollegar mínir og aðrir samstarfsmenn í firðinum sitja
ekki auðum höndum og er kirkjustarf víðast með miklum
blóma. Sr. Elínborg í Ólafsfirði hefur farið vel af stað og svo
vel að hún er þegar búin að skila mér starfsskýrslum. Vel er
og unnið í Dalvíkurprestakalli og á Dalvík er kirkjan orðin
sem ný. Sr. Hulda er í stöðugum ferðum milli lands og eyjar
enda prestakallið á báðum stöðum og hefur starf hennar
sjaldan verið blómlegra. Sr. Solveig býr við góða kirkju-
sókn í Möðruvallaklausturkirkjuprestakalli sunnudag eftir
sunnudag og þar hefur vel tekist til með samstarf kirkju og
skóla. Sr. Gunnlaugi gengur allt í haginn og í hans kirkju
fer í hönd Alfanámskeið sem héraðspresturinn, sr. Guð-
mundur Guðmundsson, mun leiða.
Kvenfélagið Baldursbrá í Glerárkirkju hefur efnt til
tónleika þar sem einvalalið söngvara og músíkanta mun
koma fram og er það til styrktar steindum gluggum sem
setja á í kirkjuna og hafa þær Baldursbrár þegar safnað
nokkrum milljónum í verkefnið. Þær hinar sömu konur
hafa á hverju ári efnt til spurningakeppni svona í svipuð-
um stíl og Gettu betur-dæmið og þar hafa mæst vaskar
sveitir og sveit presta yfirleitt möluð í fyrstu umferð ef ekki
jörðuð. Var brugðið á það ráð að setja prófastinn úr liðinu,
taka vígslubiskupinn sr. Sigurð Guðmundsson inn í stað-
inn og eru nú prestar, þegar þetta er skrifað, „komnir f úr-
slit“.
Lífið í Akureyrarsöfnuði er með miklum ágætum og þar
hefur nýr djákni, Ingunn Björk Jónsdóttir, unnið gott starf
að barna- og unglingamálum. Þá ber þess að geta að æðru-
leysismessur þær sem sr. Jóna Lísa Þorsteinsdóttir innleiddi
fyrst (og nú verður maður að gæta sín) manna hafa ræki-
lega slegið í gegn.
Þá er ógetið tveggja kvenna sem sett hafa mark sitt á
kirkjustarf í prófastsdæminu, en það eru annars vegar VaL
gerður Valgarðsdóttur, djákni á FSA, er starfað hefur þrot-
laust að líknarmálum, og hins vegar Asta Garðarsdóttir
sem vinnur afar gott starf í vinaþjónustu kirkjunnar í Eyja-
fjarðarprófastsdæmi. Þá skal þess og getið að fræðslufulltrú'
inn, sr. Gylfi Jónsson, hefur unnið ágætt starf hvað varðar
kirkjulega fréttaþætti á Aksjón, sem er sjónvarpsstöð Ak-
ureyringa.
Prófastur mun senn fara á stjá og vísitera Möðru-
vallaklausturkirkjuprestakall og senn mun og einnig pró-
fastur Þingeyinga, sr. Pétur Þórarinsson, heimsækja kirkjur
í Laugalandsprestakalli en orðrómur er uppi að sóknar-
presturinn þar sé nokkuð tekinn að trénast.
Um leið og ég sendi kveðjur mínar og minna langar mig
að geta þess að fyrir nokkru var mér ekið fram hjá Stærra-
Árskógskirkju og þá fló í hug mér þessi vísa:
Ég stundum mæli tungum tveim
og töluvert kenni til rógs.
Ég er máski einn af þeim
sem ei gengur heill til skógs.
í Guðs friði, Hannes Örn Blandon
Hjálparstarf kirkjunnar
Hverjum er verið að hjálpa?
Núna eru Palestínumenn að bætast í hóp þeirra sem
Hjálparstarf kirkjunnar er að reyna að hjálpa. Reyna að
hjálpa - því vissulega er mannréttindavakt í Palestínu
ekki eins áþreifanleg aðstoð og að grafa brunn eða
leysa barn úr skuldaánauð. En hjálpin getur birst í ýms-
um myndum og heimamenn í Palestínu óskuðu eftir
því að erlendir fulltrúar kæmu og sæju hvað væri að
gerast og segðu frá því. Fulltrúar Hjálparstarfsins á
mannréttindavakt í Palestínu næstu 5 mánuðina, þau
Aðalsteinn Þorvaldsson og Svala Jónsdóttir, munu m.a.
starfa hjá samtökunum Alternative Information Center
sem leitast við að veita hlutlausar fréttir af ástandinu í
Israel/Palestínu undir stjórn bæði Israelsmanns og
Palestlnumanns. Pistlar frá þeim munu birtast reglulega
á heimasíðu Hjálparstarfsins, www.help.is. Að flytja
fréttir getur haft afdrifaríkar afleiðingar og á því sviði
er Hjálparstarf kirkjunnar einnig að leggja stéttlausum
á Indlandi lið. Hjálparstarfið styður fjölmiðlamiðstöð
Social Action Movement samtakanna til að koma
mannréttindabrotum gegn stéttlausum á framfæri við
umheiminn og virkja hann til stuðnings baráttunni fyrir
jafnrétti.
Hér heima er Hjálparstarfið að hjálpa foreldrum
geðsjúkra barna og unglinga, fólki sem ekki nær endum
saman, unglingum í meðferð og endurhæfingu eftir
fíkniefnaneyslu, fötluðum til að iðka tómstundir. Þau
eru mörg sem þurfa aðstoð og hægt er að hjálpa til
sjálfshjálpar með framlögum almennings. Mikilvægur
stuðningur við starfið felst í því einu að tala um hjálp-
arstarf sem kirkjan er að inna af hendi við sem flesta.
Það er vitað að orð vina og kunningja móta sterklega
afstöðu fólks til þess hvað það kaupir eða styrkir. Þar
þarf kirkjunnar fólk að vera í fararbroddi.
Anna M.Þ. Ólafsdóttir