Bæjarins besta - 22.01.2015, Side 6

6 FIMMTUDAGUR 22. JANÚAR 2015
Kristín íþróttamaður ársins annað árið í röð
Kristín Þorsteinsdóttir, sund-
kona í Íþróttafélaginu Ívari á
Ísafirði var kjörinn íþróttamaður
Ísafjarðarbæjar árið 2014 í hófi
sem fram fór í Stjórnsýsluhúsinu
á Ísafirði á sunnudag. Kristín var
einnig valin íþróttamaður ársins
2013 og Ísfirðingar geta verið
stoltir af að hafa þessa afrekskonu
innan sinna raða. „Það er mark-
mið hjá henni og þjálfaranum,
Svölu Sif Sigurgeirsdóttur, að
setja heimsmet,“ segir Sigríður
Hreinsdóttir, móðir Kristínar.
„Þær eru að fara á landsliðsæf-
ingu um næstu helgi og vonast
eftir að geta lært þar, hvernig
best er að nýta litlu sundlaugina
hérna fyrir tækniæfingar. Kristín
hagar lífi sínu eins og íþrótta-
manneskja. Hún fer á sundæfing-
ar tvisvar í viku, og svo þrekæf-
ingu, full af elju og áhuga og ótrú-
lega öguð. Og það var ólýsanlegt
að sjá andlitið á henni þegar hún
áttaði sig á því að hún hefði verið
valin íþróttamaður ársins,“ segir
Sigríður stolt.
„Það sem er einnig framundan
er mót í Berlín í apríl en þar
keppir Kristín upp fyrir sig í
flokk, þar sem ekki er keppt í
hennar flokk. Í mars er Íslands-
meistaramót í 50 metra laug, svo
Heimsmeistaramót á Ítalíu í nóv-
ember og á svipuðum tíma er
Íslandsmeistaramót í 25 m laug.
Þetta er sem sagt það sem er búið
að ákveða. Við erum aldrei með
mót hér því laugin er ekki lögleg
keppnislaug, hún er bæði of stutt
og mjó.“
Fulltrúar í íþrótta- og tóm-
stundanefnd styðjast við tilnefn-
ingar frá íþróttafélögum sveitar-
félagsins þegar íþróttamaður árs-
ins er valinn. Öll íþróttafélög
sveitarfélagisns geta tilnefnt einn
einstakling og einu skilyrðin eru
að sá tilnefndi keppi fyrir hönd
síns félags eða Ísafjarðarbæjar,
á mótum innlendis sem erlendis
og hafi náð 16. ára aldri. Einnig
er gerð krafa um að íþróttamaður-
inn sé góð fyrirmynd innan vallar
sem utan. Í rökstuðningi frá félagi
Kristínar, Íþróttafélaginu Ívari
segir: „Kristín Þorsteinsdóttir
hefur æft og keppt í sundi hjá
Íþróttafélaginu Ívari frá 8 ára
aldri. Hún hefur ávalt stundað
æfingar af elju og samviskusemi
en síðust tvö árin hefur Kristín
verið eini virki iðkandi Ívars sem
æft hefur til keppni hjá félaginu.
Það undirstrikar bæði sjálfsaga
hennar og keppnisskap. Kristín
tók þátt í fjórum mótum árið 2014
en það voru RIG, Reykjavík
International Games, í 50 m laug
Kristín Þorsteinsdóttir ásamt þjálfara sínum Svölu Sif Sigurgeirsdóttur.
í janúar, IF50, Íslandsmeistara-
mót í 50m laug, í apríl, Bikarmót
í Hafnarfirði í júní og IF25, Ís-
landsmeistaramót í 25m laug í
nóvember.“
Aðrir sem tilnefndir voru sem
Íþróttamaður ársins 2014 voru,
Birgir Björn Pétursson hjá KFÍ,
Matthías Kroknes Jóhannsson
knattspyrnumaður hjá 1. deildar-
liði BÍ/Bolungarvíkur, Sigurður
Óli Rúnarsson handknattleiks- og
glímumaður hjá Herði, Thelma
Rut Jóhannsdóttir SKÍ og Valur
Richter hjá Skotíþróttafélagi Ísa-
fjarðarbæjar.
Þau sem tilnefnd voru sem
efnilegustu íþróttamennirnir fyrir
árið 2014 voru, Albert Jónsson
Skíðafélagi Ísfirðinga, Guðný
Birna Sigurðardóttir Sundfélag-
inu Vestra, Elías Ari Guðjónsson
handknattleiksmaður, Jón Hjört-
ur Jóhannesson GÍ, Kjartan Elí
Guðnason kraftlyftingamaður,
Kjartan Óli Kristinsson blakmað-
ur, Linda Marín Kristjánsdóttir
KFÍ og Viktor Júlíusson, leik-
maður meistaraflokks BÍ/Bol-
ungarvíkur. Viktor varð fyrir val-
inu sem efnilegasti íþróttamaður
sveitarfélagsins á síðasta ári.
Þá var Sigmundi F. Þórðarsyni
á Þingeyri afhent hvatningar-
verðlaun Ísafjarðarbæjar við
sama tækifæri. – sfg@bb.is