Fjarðarfréttir - 01.03.1983, Blaðsíða 5

Fjarðarfréttir
5
???? BÆJARBÚAR SPYRJA ????
HUNDABANN
Samkvæmt reglugerð um hunda-
hald í Hafnarfirði var hunda-
eigendum gefinn frestur til 1. mars
1983 til þess að koma hundum
sínum fyrir með einum eða öðrum
hætti.
Nú er 1. mars kominn og farinn
og ekki verður maður var við nein
viðbrögð í þá átt að banni þessu eigi
að framfylgja. Hvernig á ég nú að
bregðast við því, að börn mín eru
logandi hrædd við hund hér í
nágrenninu og þora varla að vera á
ferli ein? Ég er ekki að segja að
þessi hundur sé tiltakanlega
grimmur en hann á þó til að glefsa
frá sér. Nú spyr ég hvort það er í
raun og veru ætlun yfirvalda að til
þess að framfylgja banni á hundum
hér í bæ þurfi að kæra nágranna
sína og hætta þar með á þá óvild og
jafnvel hatur sem kann að fylgja í
kjölfarið?
Hér finnst mér skakkt að farið.
Lögreglan hlýtur að geta tekið þá
hunda sem þeim er kunnugt um að
eru í bænum. Það hlýtur að vera til
skrá yfir hundaeign manna og eig-
endum hefur lengi verið ljóst að
hverju stefndi..
Ef ekkert er að gert þá er greini-
lega Ijóst að einhverjir eru ekki
starfi sínu vaxnir. Hvort það er
bæjarstjórn eða lögregla er mér
ekki ljóst enn.
Því spyr ég: Hver framfylgir
hundabanni í Hafnarfirði?
Einn hundóánægður
Bæjarstjóri svarar: Því er fljótsvar-
að. Samkvæmt reglugerð þeirri um
bann við hundahaldi þá ber lög-
reglu og heilbrigðisfulltrúa að hafa
umsjón með framkvæmd reglu-
gerðarinnar.
Haraldur Sigurjónsson, heilbrigð-
isfulltrúi: Það eru lögregla og heil-
brigðisfulltrúi sem í sameiningu
eiga að annast framkvæmd reglu-
gerðarinnar. Mér finnst þó vanta
að rætt yrði frekar um alla fram-
kvæmd og reglugerðin yrði kynnt
meira en orðið hefur.
Fái ég kvartanir um hunda þá hef
ég samband við lögreglu og við
förum á staðinn og tökum hund-
inn. Nokkuð óljóst er hvort við
þurfum heimild frá bæjarfógeta ef
fara þarf inn á heimili. Hundurinn
er siðan færður í geymslu og eig-
andanum gefinn kostur á því að
koma honum fyrir utan Hafnar-
fjarðar eða láta aflífa hann innan
viss tíma.
Ekki hefur reynt á framkvæmd
þessarar reglugerðar nema einu
sinni frá því að hún tók gildi.
Ólafur Guðmundsson, aðstoðar-
yfirlögregluþjónn, hafði þetta um
málið að segja:
„Við höfum fengið reglugerðina
senda en engar frekari umræður
hafa átt sér stað um framkvæmd-
ina. Ég tel vafamál að hægt sé að
ætlast til að lögreglan sjái algjör-
lega um framkvæmd þessarar
reglugerðar um bann við hunda-
haldi án þess að til komi ráðning
starfsmanns, sem annist það starf
sérstaklega.
Hins vegar tökum við alla lausa
hunda úr umferð og tökum einnig
við kvörtunum vegna hunda og
reynum að leysa þau vandamál sem
upp koma. Enn hefur því ekki reynt
á þessa reglugerð af okkar hálfu
varðandi hunda á heimilum fólks“
LÆKURINN
Hvers vegna er vatnsyfirborð
Lækjarins ekki hækkað um 2-3
fet ofan brúarinnar Hverfisg./
Öldug.? Slíkt myndi fegra lækinn
því þá hyrfu ljótir leðjuhólmar er
upp úr standa?
Jóhann Bergman, verkfrœðingur
hjá bænum sagði að verkfræði-
skrifstofunni væri kunnugt um
þetta vandamál. Fyrirstaða hefur
verið sett við neðri brúna, en i leys-
ingum hefur oft orðið að brjóta þá
fyrirstöðu frá vegna flóðahættu.
Verið er að leita að lausn þessa
máls, en ekki hefur unnist tími til
að ganga frá hentugum útbúnaði
við brúna.
, ,En þetta er sem sagt á verkefna-
lista okkar“
FRÁ GRGNNSKÓLGM
J'L HAFNARFJARÐAR
Dagana 5. til 8. apríl n.k. fer fram á
fræðsluskrifstofu Hafnarfjarðar, Strandgötu
4, skráning þeirra skólaskyldu barna og ung-
linga, er flytjast milli skólahverfa bæjarins
næsta skólaár.
Ef væntanlegur flutningur verður ekki til-
kynntur framangreinda daga er óvíst með
skólavist í því hverfi, sem nemandinn verður
bússettur í.
Sími fræðsluskrifstofunnar er 53444.
Fræðsluskrifstofa Hafnarfjarðar.
ALBUM og
PENNASETT
í úrvali.
Bókabúð Böðvars
Strandgötu 3 — Sími 50515
■\ferslunin«
Amamiaun
Svínakjöt nýtt og reykt
Úrbeinað hangikjöt.
Tilboðsverð
London Lamb.
Tilboðsverð
Kjúklingar
Hangikjöt að norðan
Úrval annarra kjötvara
Munið grilluðu
kjúklingana
Kvöld og helgarþjónusta
Leitið ekki langt yfir skammt
Gosdrykkir
Páskaegg
KREDÍTKORT

VELKOMIN
^ -JL. L .-V-
Gleðilega páska
Opnunartími:
9.00 - 22.00 alla virka daga
Laugardaga 9.00 - 20.00
Sunnudaga 10.00 - 20.00
Arnarhraun
Simi52999