Kaupfélagsblaðið - 03.12.1980, Síða 5

Verðiagseftirlit
Verðkannanír gefa örugga vísbendingu en eru
stundum of litlar í sniðum til að gefa nákvæmar
niðurstöður.
Víða heyrast háværar raddir um frjálsa álagn-
ingu á allar vörur Tilviljanakenndarverðhækkanir
í kiölfar slíkra breytinga gætu orðið almenningi
þungar I skauti. Þá verður brýn nauðsyn að opin-
berir aðilar geri víðtækar og hlutlausar verðkann-
anir og birti niðurstöður þeirra Þær geta þö ekki
komið í staðinn fyrir vakandi eftirlit neytandans,
sem ekki lætur blekkjast af skyndilegum verð-
lækkunum örfárra vörutegunda, sem hafa sára-lítil
áhrif á heildarverð í viðkomandi búð.
Oft hefur það sannast að neytendur hafa beinan
hag af að versla í kaupfélaginu. Þar við bætist að
með því að skipta við samvinnufélag erum við að
leggja í sjóð til komandi ára og fjölþættrar upp-
byggingar.
Aðaffundur =
Aðalfundur Kaupfélagsins var haldinn
laugardaginn 31 maí í samkomusal Gagnfræða-
skólans í Keflavík.
Formaður félagsstjórnar Sigfús Kristjánsson
flutti skýrslu stjórnar og Gunnar Sveinsson
kaupfélagsstjóri flutti skýrslu um rekstur félags-
ins. Benedikt Jónsson framkvæmdastjóri skýrði
frá rekstri Hraðfrystihússins.
Rekstur Kaupfélagsins gekk betur á s.i. ári, en
áður þrátt fyrir erfiðleika vegna aukins fjármagns-
kostnaðar og óhagstæðrar verðlagsþróunar.
Verulegt tap var á rekstri Hraðfrystihússins, þó
einkum á útgerð togaranna Aðalvíkur og Bergvík-
ur.
Talsverðar umræður urðu um framtíðarstað
fyrir starfsemi Kaupfélagsins og kom fram að
félagið hefði fengið úthlutað 10 þús. fermetra lóð
við bæjarmörk Keflavíkur og Njarðvíkur.
í stjórn félagsins var kosinn Sigurður Bryn-
jólfsson í stað Ólafs Guðmundssonar sem ekki gaf
kost á sér til endurkjörs, þá var Ólafur Eggertsson
kosinn 1. varamaður í stað Sigurðar Brynjólfsson-
ar sem áður var varamaður. Aðrir í stjórn félagsins
eru nú Sigfús Kristjánsson, formaður, Svavar
Árnason, Kristinn Björnsson og Jón V. Einarsson.
Fundarstjóri á fundínum var Sigmar Ingason,
Njarðvík og ritarar Gunnar Árnason og Eiríkur
Sigurðsson.
Samþykkt var á fundinum að styrkja eftirtalda
aðila með fjárframlögum kr. 100.000 hvert.
Skógræktarfélag Suðurnesja, Knattspyrnu-
félagið Víðir, Garði, Minnismerki sjómanna,
Grindavík, Þroskahjálp á Suðurnesjum, og Lúðra-
sveit í Njarðvík.
Stofnuð var á s.l. ári félagsdeild í Garði með 89
félögum. Félagsmenn í Kaupfélaginu voru við
síðustu áramót alls 2711.