Morgunblaðið - 08.02.2021, Qupperneq 10

Atli Vigfússon
laxam@simnet.is
Það var mikill metnaður í fólki þeg-
ar ráðist var í byggingu Húsavík-
urkirkju á sínum tíma. Bygginga-
nefndin sem þá réð för var ákveðin
í að kirkja þessi yrði fegurri en
aðrar kirkjur og öðrum til fyr-
irmyndar. Smiðirnir vönduðu eins
vel til verksins og kostur var og
Rögnvaldur Ólafsson, sem teiknaði
húsið, var ekki bara góður arkitekt
heldur líka mjög góður handverks-
maður og ekki fer á milli mála að
vel hafi tekist til.
En mikið vatn er runnið til sjáv-
ar síðan kirkjan var vígð árið 1907
og nú hefur komið fram mikill fúi í
turninum og á fleiri stöðum og því
þarfnast kirkjan mikillar viðgerðar
ef vel á að vera. Hins vegar er ljóst
að til þess þarf mjög mikið fjár-
magn og nú veltir sóknarnefndin og
fleiri vöngum yfir því hvernig eigi
að útvega fé til kirkjunnar. Það á
einnig við um Bjarnahús sem nú er
safnaðarheimili.
Málað yfir fúann
„Allir þverbitarnir utan á turn-
inum eru orðnir fúnir og það þarf
að skipta þeim út. Margir skraut-
listar eru illa farnir af fúa og þá
þarf að endurgera. Allir krossarnir
fjórir utan á kirkjunni eru ónýtir
og einn þeirra er búið að taka niður
til þess að smíða eftir honum. Hinir
þrír gætu ef til vill dottið niður í
vondu veðri því þeir eru svo illa
farnir. Mikill fúi er í kverkunum
niður með þakrennunum í a.m.k.
fjórum hornum og það er mikið
verk að rífa upp timbrið á bak við
rennurnar og endurnýja öll horn-
in.“ Þetta segir Guðbergur Rafn
Ægisson kirkjuvörður sem hefur
orðið áhyggjur af kirkjunni.
Hann segir hins vegar að ým-
islegt hafi verið gert en sl. sumar
var lokið við að mála kirkjuna að
utan og þá komu fram þessar fúa-
skemmdir þegar verið var að
vinna undir málninguna. Það var
ekki alls staðar gott að mála og
sums staðar þurfti að mála yfir fú-
ann til þess að allt liti vel út en
þar er verið að tjalda til einnar
nætur. Auk þessa voru allir
gluggar inni í kirkjuskipinu mál-
aðir og þeir sparslaðir upp á nýtt
en sæmilegt ástand er á öllum
þeim gluggum. Þá segir Guð-
bergur að búið sé að endursmíða
tröppurnar að sunnan en segir
ljóst að það sé kominn tími á stóra
aðgerðaplanið.
Hann segir að safnaðarheimilið
sé einnig mjög viðhaldsþurfi og
hefur húsið, þ.e. Bjarnahús, mjög
látið á sjá að utan á undanförnum
árum. Tími er kominn á alla
glugga og kemur vatn inn með-
fram nokkrum þeirra í mikilli úr-
komu. Allt bárujárn er orðið lélegt
og þarf að klæða bæði þak og
veggi upp á nýtt. Þakskegg og
lista þarf einnig að endurgera.
Óeinangrað þak
Margt fleira mætti telja og
kostnaðurinn mikill. Guðbergur
segir að þakið sé óeinangrað að
innan og verði ekki hjá því komist
að fara þar í framkvæmdir.
Hann er nú að byrja níunda árið
sitt sem kirkjuvörður en honum er
málið mjög kært og hefur mikinn
áhuga á því að farið verði í miklar
endurbætur.
Á síðasta sóknarnefndarfundi
sem haldinn var nú í janúar var
mikið rætt um hvað það væri mikið
fjármagn sem þyrfti til þess að
halda Húsavíkurkirkju við svo sómi
væri að. Fyrst þyrfti að ráðast í
lagfæringar á turninum og fleiru
sem bíður viðhalds í þeirri bygg-
ingu.
Hollvinasamtök stofnuð?
Var fundarfólk sammála um að
fjármagnsþörfin væri ef til vill tug-
ir milljóna ef vel ætti að vera. Kom
fram á þeim fundi að venjulegir
styrkir frá Minjastofnun myndu
aldrei nægja í svona fram-
kvæmdum. Hugmynd að stofnun
hollvinasamtaka var nokkuð rædd
og verkefni þeirra samtaka yrði að
vinna að því að útvega fjármagn
með öðrum leiðum með því að
höfða til burtfluttra Húsvíkinga og
annarra velunnara kirkjunnar.
Því var einnig velt upp hvort
sveitarfélagið gæti stutt við verk-
efni á einhvern hátt. Það kom og
fram í þessum umræðum að sókn-
arnefnd hefur miklum skyldum að
gegna. Hér sé um að ræða þá
byggingu, þ.e. kirkjuna, sem hefur
sett hvað mestan svip á bæinn í
meira en heila öld og sé raunar sá
miðpunktur sem snertir hjarta
fólksins. Allir eru að hugsa leið til
þess að finna fjármagn til fram-
kvæmda en Guðbergur kirkjuvörð-
ur er bjartsýnn á að það takist og
hlakkar til þess að sjá bæði Húsa-
víkurkirkju og Bjarnahús í betri
búningi.
Húsavíkurkirkja þarf betri búning
 Mikill fúi í turni Húsavíkurkirkju  Safnaðarheimilið í Bjarnahúsi þarf einnig mikið viðhald
 Kostnaður hleypur á tugum milljóna  Sóknarnefnd veltir fyrir sér möguleikum á fjármögnun
Morgunblaðið/Atli Vigfússon
Samstæð Bjarnahús og Húsavíkurkirkja eru mikilvæg hús í bæjarmynd Húsavíkur, bæði teiknuð af Rögnvaldi.
Skemmdir Ráðast þarf í kostnaðarsamar viðgerðir vegna fúa í kirkjuturn-
inum. Krossarnir utan á húsinu gætu fokið í burtu í næsta óveðri.
10 FRÉTTIRInnlent
MORGUNBLAÐIÐ MÁNUDAGUR 8. FEBRÚAR 2021
Húsavíkurkirkja er tvílyft timburhús og krossmynduð að grunnfleti. Efri
hæðin er portbyggð undir krossreistu risi. Þakskegg slútir fram yfir veggi
og gafla. Á milli vestur- og norðurálmu kirkjunnar er turn, ferhyrndur að
grunnfleti og fjórar hæðir. Þak turnsins er hátt og toppmyndað klætt
sléttum málmplötum. Á öllum hliðum hans eru burstir sem skaga út yfir
hliðarnar. Á burstunum eru útsagaðar spírur og hryggskraut. Ofarlega á
turnspírunni eru agnarsmáir kvistir með fjögurra rúðu glugga, einn á
hverri þakhlið. Þeir eru með bjórlaga þaki yfir og lítilli spíru. Efst á turn-
þakinu er hnúður og upp af honum er stór hvítmálaður kross með lauk-
laga endum. Kirkjan er talin eitt glæsilegast hús í sveitserstíl hér á landi
og eitt fegursta verk Rögnvalds Ólafssonar.
(Kirkjur Íslands 22. bindi).
Glæsileg kirkja
VERK RÖGNVALDS
Bjarnahús hefur verið safn-
aðarheimili Húsavíkurkirkju frá
árinu 2009 en það var byggt
sama ár og kirkjan og einnig
teiknað af Rögnvaldi Ólafssyni.
Það var reist skammt sunnan
við kirkjuna og var ákveðið að
það skyldi draga dám af henni.
Ýmis atriði eru augljóslega lík
og má þar nefna glugga,
hæðaskil og strikaða lista.
Húsið var í eigu Bjarna
Benediktssonar versl-
unarmanns og fjölskyldu hans
til ársins 1960. Í húsinu fer
fram margvíslegt kirkjustarf
og þar starfa nokkur fé-
lagasamtök.
Dregur dám
af kirkjunni
BJARNAHÚS
Áhyggjur Guðbergur Rafn Ægisson
kirkjuvörður við kirkjuhurðina.
Sími 555 2992 og 698 7999
Hátt hlutfall Omega 3 fitusýra
Gott fyrir:
• Maga- og þarmastarfsemi
• Hjarta og æðar
• Ónæmiskerfið
• Kolesterol
• Liðina
Læknar mæla með selaolíunni
Selaolían fæst í: Apótekum, Þín verslun Seljabraut, heilsuhúsum, Fjarðarkaupum, Fiskbúðinni Trönuhrauni, Hafrúnu og Melabúð
Óblönduð
– meiri virkni Selaolía
Ég heyrði fyrst um Selaolíuna í gegnum kunningja minn en
konan hans hafði lengi glímt við það sama og ég, - stirðleika
í öllum liðum og tilheyrandi verki. Reynsla hennar var það góð
að ég ákvað að prufa. Fyrstu tvo mánuðina fann ég litlar
breytingar, en eftir þrjá mánuði var ég farin að geta gengið
niður stiga á vinnustað mínum sem ég hafði ekki getað
áður. Ein góð „aukaverkun“ fylgdi í kjölfarið, ég var
með frekar þurra húð um allan líkamann, en eftir
að ég fór að nota Selaolíuna hvarf sá þurrkur og
húð mín varð silkimjúk. Ég hef nú notað
Selaolíuna í eitt og hálft ár og þakka henni
bætta líðan og heilsu.
Guðfinna Sigurgeirsdóttir.
„Eftir þrjá mánuði var ég farin að geta gengið niður stiga
á vinnustað mínum sem ég hafði ekki getað áður.“