Morgunblaðið - 09.02.2021, Qupperneq 11

FRÉTTIR 11Innlent
MORGUNBLAÐIÐ ÞRIÐJUDAGUR 9. FEBRÚAR 2021
Ný þjóðarstjórnarskrá
í fullu samræmi við lýðveldismarkmið 1. greinar þjóðarstjórnarskrár-
innar, nr. 33/1944, er nauðsyn. Þingmanna- og málþófsstjórnarskrá
með lægsta málefnasamnefnara verður ekki framsækin.
Æskilegt er, að sjálfstæð opinber stofnun, tengd embætti forseta
íslands, annist val sérfræðinga, innlendra sem erlendra, og val tillagna
um einstök ákvæði nýju stjórnarskrárinnar til að bera undir skuldbind-
andi þjóðaratkvæði. Það yrði nýmæli fyrir áttrætt fólk og yngra.
Tómas Gunnarsson,
áhugamaður um þjóðmál, kt. 240937-7199
Ágúst Ingi Jónsson
aij@mbl.is
Skátaskáli, sem um leið er útilífs-
miðstöð í Garðabæ, hefur risið á
hálfu öðru ári við Grunnuvötn í
Heiðmörk. Það er Skátafélagið Vífill
sem stendur fyrir framkvæmdum og
er aðeins lokahnykkurinn eftir.
„Þetta hefur gengið ljómandi vel
enda ekkert nema snillingar í iðn-
aðarmannahópnum, þeir hafa staðið
að verki í einu og öllu eins og þeir
ætli að búa þarna sjálfir,“ segir
Björn Hilmarsson, formaður hús-
nefndar skátafélagsins.
Sökklar hússins og plata eru
steypt, en húsið sjálft er tveggja
hæða, byggt úr timbri, 200 fermetra
meginhæð og 100 fermetra svefnloft.
Árið 2007 fékk Vífill samning um að
byggður yrði nýr skátaskáli í 40 ára
afmælisgjöf frá Garðabæ. Meðal
annars vegna hrunsins drógust
framkvæmdir á langinn og hætt var
við fyrirhugaða byggingu á Hjalla-
flötum fyrir ofan gönguleiðina að
Búrfellsgjá vegna nándar við
vatnsverndarsvæði Hafnfirðinga. Í
tengslum við 50 ára afmæli Vífils var
afmælisgjöfin „endurvakin“ og
Garðabær lagði verkefninu til alls
150 milljónir á þremur árum og skál-
anum var valinn staður við Grunnu-
vötn í um 130 metra hæð yfir sjávar-
máli.
Vantar 8-10 milljónir
Nú hefur skátafélagið sent bæjar-
stjórn Garðabæjar erindi um stuðn-
ing upp á 8-10 milljónir til viðbótar
vegna kostnaðar við innbú og inn-
réttingar. Björn segir að þessi við-
bótarkostnaður sé til kominn vegna
tafa vegna kórónufaraldursins og
vegna þess að því miður hafi virðis-
aukaskattur ekki fengist endur-
greiddur þegar byggt sé fyrir opin-
bert styrkjafé.
Hann segist bjartsýnn á að farsæl
lausn fáist á málinu og hægt verði að
taka húsið í notkun í vor og hefja
rekstur af krafti í haust. Auk skáta-
starfs verði útikennsla skóla þar sem
bekkir geti gist í eina til tvær nætur.
Einnig verði Vífilsbúð áningarstaður
í útivist almennings í skipulögðum
útivistarviðburðum á vegum Vífils
og Garðabæjar.
„Eins og þeir ætli að búa þarna“
 Aðeins lokahnykkurinn eftir við nýjan
skátaskála og útilífsmiðstöð í Heiðmörk
Ljósmynd/Björn Hilmarsson
Vífilsbúð Skátastarf á eflaust eftir að blómstra í skálanum, en um leið verður þar áningarstaður í útivist almennings.
Snorri Másson
snorrim@mbl.is
Stærðarinnar ísspöng sem lagst hef-
ur að höfninni við Tálknafjörð heldur
bátunum í höfninni í gíslingu og hef-
ur gert síðan í fyrradag. Það leiddi til
þess að engu var landað í höfninni í
gær eins og til stóð. Sömuleiðis eru
innlyksa í höfninni þjónustubátar á
vegum laxeldisfyrirtækja sem eru
með kvíar úti á firðinum. Á milli
þeirra og bátanna situr spöngin sem
föstust.
Þór Magnússon útgerðarmaður
var með tvo beitningavélabáta á leið
til hafnar á Tálknafirði í gær, sem
hann þurfti í staðinn að senda annars
vegar til Patreksfjarðar og hins veg-
ar til Ólafsvíkur til að landa aflanum
þar. „Þetta er fúlt,“ sagði Þór í sam-
tali við Morgunblaðið. Veiðin hefur
að hans sögn verið ágæt og verra að
landa aflanum ekki í heimahöfn, sem
missir þá tekjurnar. Fiskurinn er þó
unninn annars staðar.
Vorboðinn „ljúfi“
Langt er síðan eins mikinn ís dreif
eins utarlega í fjörðinn með þeim af-
leiðingum að höfnin lokaðist. Innst í
firðinum leggur á veturna og þaðan
geta brotnað stykki af ísnum og flotið
út. Að sögn Þórs er það alvanalegt en
þó ekki að stykkin séu eins stór og
nú. Hann gerir ráð fyrir að ís brotni
nú í auknum mæli eftir því sem vorar
en vonar að afleiðingarnar verði ekki
þær sömu. Á meðan svo er, er þetta
ekki annað en einfaldur vorboði.
Ólafur Þór Ólafsson, sveitarstjóri
Tálknafjarðar og þar með hafn-
arstjóri, segir ástandið nú ekki ganga
til lengdar. Í gær var ákveðið að bíða
til morguns og sjá hvort ísinn hörfi
ekki. Ekki var unnt að reyna að
brjóta hann með skipum úr höfninni
enda hætta á að þau sjálf skemmdust
í leiðinni.
Það á að vera hægt að brjóta ís-
spöng á borð við þessa með 200-300
tonna stálskipi. Ef ísinn sýnir ekki á
sér fararsnið á næstu dögum er ljóst
að grípa þarf til slíkra ráðstafana.
Ís lokar innsiglingunni
 Bátar komast hvorki til né frá Tálknafirði í nauðsynleg erindi
Morgunblaðið/Guðlaugur J. Albertsson
Tálknafjörður Ísspöng sem brotnaði úr íshellu innar í firðinum er erfiðari viðfangs en venjulega.
Héraðsdómur Reykjavíkur sýknaði í
síðustu viku Trausta Hafliðason, rit-
stjóra Viðskiptablaðsins, og Myllu-
setur ehf., útgefanda blaðsins, í
meiðyrðamáli sem Lúðvík Berg-
vinsson lögmaður höfðaði vegna um-
mæla í skoðanapistlinum Óðni sem
birtist í blaðinu og á vef þess í apríl á
síðasta ári.
Í pistlinum, sem skrifaður er undir
dulnefni, var fjallað um störf Lúð-
víks sem óháður kunnáttumaður fyr-
ir Samkeppniseftirlitið vegna sáttar
sem N1 og Festi gerðu við eftirlitið
þegar félögin sameinuðust. Var
kostnaður af störfum Lúðvíks þar
umfjöllunarefni, en hann hafði fengið
um 33 milljónir fyrir störf sín og
einnig var þar fjallað um tengsl hans
við aðstoðarforstjóra eftirlitsins.
Málið var höfðað vegna tiltekinna
ummæla í pistlinum þar sem Lúðvík
taldi vegið, með ólögmætum og ein-
staklega grófum hætti, að æru sinni
og starfsheiðri og honum m.a. gefið
að sök að hafa gest brotlegur gegn
hegningarlögum. Krafðist Lúðvík
ómerkingar á ummælunum og þess
að Trausti og Myllusteinn greiddu
honum þrjár milljónir króna í miska-
bætur.
Trausti krafðist sýknu og sagði
ummælin hvorki ærumeiðandi
móðganir né aðdróttanir í garð Lúð-
víks. Ummælin í pistlinum bæru með
sér að þungi væri í orðum Óðins svo
sem umfjöllunarefnið og almenn efn-
istök dálks á sviði þjóðmálaumræðu
dagsins krefðust en þar væru ekki
borin fram nein hróp, ósæmilegt orð-
færi eða svigurmæli. Þá sagði
Trausti að markmiðið með málaferl-
unum virtist líka augljóst; að þagga
niður í litlum og viðráðanlegum fjöl-
miðli, öðrum til viðvörunar.
Í niðurstöðu sinni segir Hólmfríð-
ur Grímsdóttir héraðsdómari að játa
verði fjölmiðlum ríkt svigrúm til að
gera grein fyrir málum sem veita
upplýsingar um málefni sem eiga
erindi við almenning. Fallast verði á
að ummælin í pistlinum feli í sér gild-
isdóma og séu sett fram sem skoðun
og huglægt mat, eða upplifun á mál-
efni. Ekki sé um staðhæfingar um
staðreyndir að ræða. Þá tengist um-
fjöllunin málefni sem varði almenn-
ing, þ.e. starfsemi eftirlitsstofnana
og kostnaði við eftirlit og fram-
kvæmd þess. Það sé hluti af sjálf-
sagðri og hefðbundinni þjóðfélags-
umræðu. Jafnframt hafi fjölmiðlar, í
ljósi stöðu sinnar, ríkara svigrúm til
að gera grein fyrir málum sem eiga
við almenning og því þurfi ríkar
ástæður til að skerða það frelsi.
Segir dómarinn síðan, að sú tján-
ing sem fólst í öllum ummælunum
hafi fallið innan marka stjórnarskrár
og mannréttindasáttmála Evrópu og
ekki hafi verið gengið nær einkalífi
Lúðvíks en óhjákvæmilegt var. Voru
Trausti og Myllusetur sýknuð af öll-
um kröfum Lúðvíks og honum jafn-
framt gert að greiða 1,5 milljónir í
málskostnað.
Morgunblaðið/Eggert
Dómur Héraðsdómur Reykjavíkur.
Ritstjóri sýknað-
ur í meiðyrðamáli
 Umfjöllun í pistli ekki talin meiðandi
Drangeyjarfélagið mótmælir því að
rannsóknir Náttúrustofu Suðurlands
(NS) verði notaðar við veiðistjórnun
og telur að þar ráði önnur sjónarmið
en vísindaleg rök. Ráðleggingar NS
miði við að meta lundastofninn á
landsvísu en taki ekkert tillit til við-
komu stofnsins á einstaka svæðum.
Þetta kemur fram í umsögn félags-
ins um frumvarp um vernd, velferð
og veiðar á villtum fuglum og villtum
spendýrum. Drangeyjarfélagið hefur
það að markmiði að halda við göml-
um veiðiaðferðum og þeirri alda-
gömlu hefð að síga eftir eggjum og
veiða fugl í Drangey.
Frá því að NS hóf vöktun á lunda-
stofninum í Drangey hafa félags-
menn Drangeyjarfélagsins fylgst vel
með niðurstöðum stofnunarinnar
hvað Drangey varðar og annars stað-
ar. „Allt frá upphafi rannsókna stofn-
unarinnar hefur ábúð og uppkoma
unga verið með miklum ágætum í
Drangey og raunar fyrir Norður-
landi öllu. Þetta má sjá í nýlegri
skýrslu Náttúrustofu Suðurlands,“
segir í umsögninni. Félagið segir að
NS virðist byggja tillögu sína um
veiðibann á því að lunda hafi farið
fækkandi á Íslandi. Drangeyjar-
félagið kveðst ekki draga í efa að
lundavarp hafi misfarist í Vest-
mannaeyjum undanfarin ár. „Hins
vegar er það skoðun okkar að það eitt
og sér eigi ekki að leiða til þess að
veiðibann verði sett á um land allt og
alls ekki þar sem stofninn er í vexti,“
segir í umsögninni. Þeir segja það
vera samdóma álit veiðimanna og
þeirra sem þekkja til í Drangey að
lunda hafi fjölgað mikið og stöðugt
hafi fjölgað í stofninum. Þá hafi
lundastofninn í Málmey vaxið „með
undraverðum hraða“ síðustu 30 ár
eða svo. „Fullvíst má telja að þar sé
að finna tugþúsundir lunda en þeirra
er í engu getið í skýrslu nefndrar
stofnunar.“
Drangeyjarfélagið segir að undan-
farin ár hafi verið rekinn áróður á
opinberum vettvangi um að friða beri
lundann og allan svartfugl fyrir veið-
um. Þar fari Fuglavernd fremst í
flokki. Drangeyjarfélaginu þykir
skjóta skökku við að sá sem stýrir
lundarannsóknum fyrir NS og á sam-
kvæmt frumvarpinu að veita veiði-
ráðgjöf sitji einnig í stjórn Fugla-
verndar. gudni@mbl.is
Andmælir náttúrustofu
 Drangeyjarfélagið tjáir sig um villidýrafrumvarpið