Morgunblaðið - 09.02.2021, Side 27

ÍÞRÓTTIR 27
MORGUNBLAÐIÐ ÞRIÐJUDAGUR 9. FEBRÚAR 2021
Það er orðið ansi langt síðan
ég byrjaði að fylgjast með NFL-
deildinni í bandarískum fótbolta.
Áhuginn kviknaði nokkuð óvænt
þegar ég ákvað að skipta bóka-
gjöf í tölvuleikinn Madden fyrir
rúmlega tuttugu árum en ég
varð hálfháður leiknum, þótt ég
hafi aðallega keyrt á sama leik-
kerfið allar stundir með mínum
manni Brett Favre og Green Bay
Packers.
Eins og gefur að skilja var
Green Bay Packers mitt lið
þangað til Favre hætti þar 2007
en eftir að hafa haldið með Liv-
erpool í ensku úrvalsdeildinni í
knattspyrnu frá fæðingu gaf ég
sjálfum mér það bessaleyfi að
skipta reglulega um mitt uppá-
haldslið í Bandaríkjunum.
Í gegnum tíðina hef ég reynt
að halda með „litla liðinu“ þegar
kemur að stóru leikjunum, ef
mitt lið er ekki í úrslitum, og ég
hef því sjaldan haldið með leik-
stjórnandum Tom Brady og hans
liði. Brady vann sinn sjöunda
meistaratitil í deildinni um síð-
ustu helgi þegar hann leiddi
Tampa Bay Buccaneers til sigurs
í Ofurskálarleiknum í Tampa.
Brady varð sex sinnum
meistari með New England Pat-
riots en hann er óumdeilanlega
besti leikmaður sem spilaður
hefur í deildinni. Hann hefur
orðið NFL-meistari oftar en
sigursælustu lið deildarinnar,
New England Patriots og Pitts-
burg Steelers, sem hafa bæði
orðið meistarar sex sinnum,
sem hlýtur að segja manni eitt-
hvað.
Brady var leikmaður númer
199 sem var valinn í nýliðavali
NFL-deildarinnar árið 2000 og
saga hans sýnir manni svart á
hvítu að fólk sem ætlar að spá
um framtíðina, með fortíðina að
leiðarljósi, veit ekki alltaf um
hvað það er að tala.
BAKVÖRÐUR
Bjarni Helgason
bjarnih@mbl.is
Rúnar Már Sigurjónsson landsliðs-
maður í knattspyrnu skrifaði í gær
undir tveggja ára samning við rúm-
ensku meistarana CFR Cluj. Hann
kemur þangað frá Astana í Kasak-
stan. Rúnar lék þar í hálft annað ár
og átti eitt ár eftir af samningnum
en komst að samkomulagi við Ast-
ana um riftun hans. Rúnar verður
fyrstur Íslendinga til að spila með
með rúmensku liði. CFR hefur orð-
ið meistari undanfarin þrjú ár og er
nú í öðru sæti deildarinnar þegar
hún er ríflega hálfnuð. Nánar á
mbl.is/sport/fotbolti.
Rúnar Már sá
fyrsti í Rúmeníu
Ljósmynd/CFR Cluj
Cluj Rúnar Már Sigurjónsson var
kynntur til leiks hjá CFR í gær.
Leikstjórnandinn reyndi Tom Brady
vann sinn sjöunda meistaratitil í
NFL-deildinni í ameríska fótbolt-
anum í fyrrinótt þegar lið hans
Tampa Bay Buccaneers vann stór-
sigur á Kansas City Chiefs, 31:9, í
Ofurskálarleiknum í Tampa í Flór-
ída. Brady vann sex titla með New
England Patriots en gekk til liðs við
Buccaneers síðasta sumar. Gunnar
Valgeirsson fjallar ítarlega um leik-
inn á mbl.is/sport og þar kemur
fram að þrátt fyrir framlag Bradys
hafi verið um sannkallaðan liðssigur
að ræða hjá nýjum meisturum.
Brady krækti í
sjöunda titilinn
AFP
43 ára Aldurinn truflar ekki hinn
sigursæla Tom Brady.
GOLF
Kristján Jónsson
kris@mbl.is
Lítið fór fyrir afrekskylfingnum
Valdísi Þóru Jónsdóttur frá Akranesi
á síðasta ári. Í marga mánuði lágu al-
þjóðleg mót erlendis niðri vegna kór-
ónuveirunnar og þegar líða tók á árið
voru bakmeiðsli farin að taka sinn toll
hjá Valdísi. Í Morgunblaðinu 2. sept-
ember síðastliðinn sagðist hún ætla að
taka sér hvíld frá keppni þar til í jan-
úar.
Útlitið hjá Valdísi er nú mun betra
en hún sér fram á að keppa aftur í
Evrópumótaröðinni í sumar. „Ég er
bara mjög bjartsýn,“ sagði Valdís
þegar Morgunblaðið kannaði stöðuna
á henni í gær.
Snúið reyndist að finna út úr því
hvað olli því að Valdís fann fyrir mikl-
um sársauka þegar hún sneri upp á
líkamann eins og afrekskylfingar gera
í golfsveiflunni. En það tókst og Val-
dís er bjartsýn á framhaldið af þeim
sökum.
„Staðan á meiðslunum sem ég
glímdi við síðasta sumar er mjög góð.
Taug, sem kemur úr mænunni og fer
fram með neðsta rifbeininu og nánast
fram í maga, var klemmd. Er það víst
mjög sjaldgæft og læknirinn sem
greindi mig hafði einu sinni áður feng-
ið svona tilfelli. Ég veit því ekki í
hvaða fimleikum ég var fyrst mér
tókst þetta,“ sagði Valdís og hló en í
framhaldinu var hægt að takast á við
vandann.
Sárt en viðráðanlegt
„Ég komst að hjá frábærum lækni,
Ragnari Jónssyni, í nóvember og fór í
sprautur en hann uppgötvaði hvað var
að. Fyrst prófaði hann að setja stera í
kringum þetta en það dugði ekki til.
Þá var sprautað í taugina og aðra við
hliðina en einnig notaðar rafbylgjur.
Ég finn alla vega ekki fyrir þessu sem
er mjög kærkomið,“ sagði Valdís en
hún hefur fengið verki á tveimur stöð-
um í bakinu. Hún er vongóð um að
tekist hafi að koma í veg fyrir að taug-
in angri hana og hefur minni áhyggjur
af því sem hefur angrað hana ofar í
bakinu og lét fyrr á sér kræla.
„Ég þurfti að draga mig út úr móti
í Suður-Afríku árið 2019. Ég finn enn
þá fyrir verkjum á milli herðablað-
anna og líklegt að ég þurfi að fara í
annan skammt af sterum vegna þess.
Þau meiðsli bögga mig minna. Þótt
það sé mjög sárt þá hefur það ekki
áhrif á golfsveifluna sjálfa. Ég fór í
myndatöku á sínum tíma. Þá kom í
ljós að þar voru hnúðar á smáliðum
og lítið annað hægt að gera en að
meðhöndla það. Auðvitað er ekki
sama hvernig það er gert en ég og
Stefán sjúkraþjálfari höfum fundið út
úr því hvað er skynsamlegast að gera.
Hvað má og hvað má ekki,“ útskýrði
Valdís Þóra.
Gæti keppt erlendis í maí
Ef vel gengur hjá Valdísi í Evrópu-
mótaröðinni gæti góð staða á heims-
listanum tryggt henni keppnisrétt á
Ólympíuleikunum eins og minnst hef-
ur verið á í blaðinu á síðustu árum.
„Ég er ekki farin að sveifla á full-
um hraða en mun vonandi gera það í
þessari viku og þá kemur í ljós hvort
það gangi. Æfingarnar sem ég hef
gert til þessa eru alla vega sársauka-
lausar. Fyrsta mótinu í Kenía í febr-
úar var frestað fram á haust og móti í
Suður-Afríku í mars hefur verið
frestað fram í maí vegna veirunnar.
Eru það í sjálfu sér fín tíðindi fyrir
mig því ég hef þá meiri tíma til að
undirbúa mig. Á hinn bóginn setur
þetta pressu á mig. Ég mun þá bara
hafa maí og júní til að komast inn á
Ólympíuleikana. Alla vega eins og
staðan er í dag. Mótin á Evr-
ópumótaröðinni byrja því vænt-
anlega ekki fyrr en í maí og þá er
vonast til að búið verði að ná betri
tökum á heimsfaraldrinum. Við feng-
um fréttir um að fjögur ný mót bæt-
ast við mótaröðina en ekki eru komn-
ar dagsetningar á þau. Útlit er fyrir
að þau verði í Sádi-Arabíu, London,
New York og Singapore. Þetta verða
væntanlega sterk mót og því mörg
stig í boði fyrir heimslistann.“
Valdís Þóra situr ekki auðum
höndum þegar hún er ekki að sinna
endurhæfingunni því hún hefur starf-
að sem íþróttastjóri hjá Golf-
klúbbnum Leyni á Akranesi frá 1.
nóvember.
Gaman að gefa til baka
„Ég fæ að ferðast út eins og ég
þarf. Keppnisferillinn stangast því
ekki á við starfið. Ég reyni að miðla
minni þekkingu til krakkanna og
hjálpa þeim að verða betri keppn-
ismenn í golfi. Ég hef séð miklar
framfarir hjá þeim mörgum og gam-
an að fá að hjálpa þeim í þeirri veg-
ferð. Ekki er sjálfgefið að vera í golf-
klúbbi þar sem maður hefur pláss til
að gera sínar æfingar óáreittur eins
og ég hef haft hjá Leyni frá því ég var
smástelpa. Að finna fyrir stuðningi
frá klúbbfélögum er ómetanlegt.
Fyrir mig er frábært tækifæri að
geta fengið starf og stundað atvinnu-
mennskuna samhliða. Um leið er
þetta tækifæri fyrir mig til að gefa til
baka til klúbbsins,“ sagði Valdís í
samtali við Morgunblaðið.
Valdís sér fram á að
keppa erlendis í sumar
 Er bjartsýn á að ná bata eftir flókin bakmeiðsli  Mótum frestað erlendis
Ljósmynd/seth@golf.is
Skaginn Valdís Þóra Jónsdóttir í móti á Akranesi í maí í fyrra en þá voru ís-
lenskir kylfingar svo heppnir að geta keppt þegar keppni lá víða niðri.
Evrópumeistarar Bayern München leika til úrslita um
heimsbikar félagsliða í fótbolta eftir sigur á Afr-
íkumeisturum Al Ahly frá Egyptalandi í Doha í Katar í
gærkvöld, 2:0. Pólska markamaskínan Robert Lew-
andowski skoraði bæði mörk Bayern, það fyrra á 17.
mínútu og það síðara á 86. mínútu.
Í úrslitaleiknum á fimmtudag leikur Bayern við Norð-
ur- og Mið-Ameríkumeistara Tigres frá Mexíkó en þeir
lögðu brasilísku Suður-Ameríkumeistarana í Palmeiras
að velli í gær, 1:0.
Bayern fer í úrslitaleikinn
Robert
Lewandowski
 Björgvin Páll Gústavsson landsliðs-
markvörður í handknattleik hefur nýtt
sér uppsagnarákvæði í samningi sínum
við Hauka og hættir með þeim að loknu
þessu keppnistímabili. Í sameiginlegri
yfirlýsingu sem birtist á heimasíðu
Hauka í gærkvöld segir að Björgvin vilji
vera í fullu starfi í handboltanum og
hafi af þeim sökum ákveðið að leita á
önnur mið.
 Enski knattspyrnudómarinn Mike
Dean hefur tilkynnt lögregluyfirvöldum
að honum og fjölskyldu hans hafi bor-
ist morðhótanir. Hann hefur í kjölfarið
óskað eftir því að fá frí frá því að dæma
í ensku úrvalsdeildinni um næstu helgi.
Dean hefur fengið talsverða gagnrýni
fyrir rauð spjöld sem hann hefur sýnt
leikmönnum í tveimur síðustu leikjum.
 Karlalið Hauka í körfuknattleik hefur
fengið bandarískan liðsauka. Jalen
Jackson, 26 ára fjölhæfur leikmaður,
er kominn til félagsins en hann hefur
m.a. leikið í Rúmeníu, Finnlandi og Ísr-
ael.
 Tvær lettneskar landsliðskonur í við-
bót eru komnar til knattspyrnuliðs ÍBV.
Lana Osinina og Viktorija Zaicikova
eru 18 og 20 ára framherjar sem hafa
leikið með meistaraliðinu Riga í heima-
landi sínu. Með ÍBV leika löndur þeirra,
Olga Sevcova og Eliza Spruntule, en
Karlina Miksone er farin aftur til Lett-
lands eftir eitt ár í Eyjum.
Eitt
ogannað
Björn Bergmann Sigurðarson og samherjar hans í
norska knattspyrnuliðinu Molde geta ekki leikið á
heimavelli gegn Hoffenheim frá Þýskalandi í 32 liða úr-
slitum Evrópudeildarinnar á fimmtudaginn í næstu viku
vegna norskra sóttvarnareglna. Molde mun leika heima-
leik sinn í Villarreal á Spáni. Af sömu sökum hafa þýsku
liðin RB Leipzig og Mönchengladbach þurft að flytja
heimaleiki sína gegn Liverpool og Manchester City í sex-
tán liða úrslitum Meistaradeildarinnar til Búdapest. Þeir
leikir fara fram 16. og 24. febrúar.
Heimaleikur Molde á Spáni
Björn Bergmann
Sigurðarson