Morgunblaðið - 15.02.2021, Page 10

10 FRÉTTIRInnlent
MORGUNBLAÐIÐ MÁNUDAGUR 15. FEBRÚAR 2021
Smiðjuvegur 68, Kópavogi | S. 587 1350 | bifreidaverkstaedi.is
Höfum sérhæft okkur í Toyota viðgerðum síðan 1995
Fljót, örugg og persónuleg þjónusta
Allar almennar bílaviðgerðir
Sigurður Bogi Sævarsson
sbs@mbl.is
„Borgarstjórn er sú stofnun í ís-
lensku samfélagi sem mælist með
minnst traust, eða 17%. Borgar-
kerfið er brotið, óráðsían gríðarleg
og verkefnin framundan ærin. Svo
kjörnir fulltrúar geti fengið skýrt
umboð til að leiða mikilvægar
breytingar í borginni þarf traust.
Við verðum því að ræða starfsum-
hverfið og færa orðræðuna til betri
vegar,“ segir Hildur Björnsdóttir
borgarfulltrúi Sjálfstæðisflokksins.
„Upplifun mín af hinu pólitíska
umhverfi í borgarstjórn er svolítið
undarleg. Hafandi kynnst heimi
lögmennskunnar, sem felur auðvit-
að í sér rökstuddan ágreining um
hvers kyns málefni, er svolítið sér-
stakt að upplifa umræðuhefðina
innan borgarstjórnar. Þetta eru
ómálefnaleg átök og upphrópanir
oft og tíðum.“
Stórmerkilegt að
lenda í minnihluta
Í síðustu kosningum fékk Sjálf-
stæðisflokkurinn 30,8% greiddra
atkvæða og 8 fulltrúa í borgar-
stjórn, en er eigi að síður í minni-
hluta „... sem er auðvitað stór-
merkileg staða, en fjöldi annarra
flokka útilokaði samstarf við borg-
arstjórnarhóp Sjálfstæðisflokksins.
Það er staða sem við getum ekki
fundið okkur aftur í,“ segir Hildur
sem skipaði 2. sæti á lista flokksins.
„Við náum takmörkuðum ár-
angri með einstrengingslegri nálg-
un á menn og málefni. Það hefur
verið styrkur okkar Sjálfstæð-
isfólks að skapa þessa breiðfylk-
ingu fjölbreyttra hópa sem allir
trúa á hugmyndafræði Sjálfstæð-
isstefnunnar. Við þurfum að nýta
þann styrk til að vera það mik-
ilvæga sameiningarafl sem leiðir
saman ólík sjónarmið.“
Að vera í minnihluta segir
Hildur kalla á umræður og endur-
skoðun mála. „Meirihlutinn í borg-
argarstjórn hleypir málum minni-
hlutans lítið áfram. Stundum af
ómálefnalegum ástæðum en stund-
um einfaldlega vegna þess að hug-
myndafræðin rímar ekki. Í öllu falli
er þó sérstakt að vilji tæplega þriðj-
ungs kjósenda, sem fól í sér ósk um
breytingar, nái ekki fram að ganga
við stjórn borgarinnar.“
Hildur segir að margt í borg-
armálunum væri öðruvísi væri
Sjálfstæðisflokkurinn við stjórn.
Mikilvægt sé að taka á skuldusöfn-
un og uppblásnu stjórnkerfinu, sem
líkist helst völundarhúsi. Fara þurfi
í sölu á eignum borgarinnar og fyr-
irtækjum í samkeppnisrekstri. Með
slíkum aðgerðum mætti treysta
fjárhaginn, sem sé undirstaða þess
að treysta megi grunnþjónustuna.
Síðustu misseri hafa sam-
göngumál verið áberandi í um-
ræðum um borgarmál. Skv. nýlegri
skýrslu hefur nú verið mörkuð sú
stefna að byggja skuli brú við Sund-
in blá sem tengi saman austurborg-
ina, Grafarvog og Kjalarnes. Hitt
stóra málið er Borgarlína, en fram-
kvæmdir við gerð hennar hefjast á
næstu misserum – það er lagning
brautar fyrir hraðfara strætis-
vagna milli Mjóddar, miðbæjar og
Hamraborgar í Kópavogi. Þá gildir
svokallaður Samgöngusáttmáli
milli ríkisins og sveitarfélaga á höf-
uðborgarsvæðinu um að fara fjöl-
breyttar leiðir í framkvæmdum og
tryggja val um fjölbreytta kosti.
Rétta skipulagshallann
„Ég er þeirrar skoðunar að
hvort tveggja, Borgarlínubrautir
og Sundabraut í einkaframkvæmd,
muni hafa gríðarleg áhrif á sam-
göngur í Reykjavík. Við þurfum að
tryggja að borgarbúum standi fjöl-
breyttir greiðir samgöngukostir til
boða. Fólki á höfuðborgarsvæðinu
mun skv. spám fjölga mikið á næstu
20 árum. Skipulag samgöngumála
þarf að taka mið af því. Ungt fólk
lítur á bifreiðina sem aðeins einn
kost af mörgum í samgöngumálum.
Almenningssamgöngur og hjólreið-
ar koma nú sterkar inn. Svo hefur
aukin fjarvinna undanfarin misseri
dregið verulega úr umferð og í því
sem ég hyggst leggja til í borg-
arstjórn en tillagan er nú í mótun.“
Þó fjölbreytt uppbygging í
samgöngumálum sé nauðsynleg, að
mati Hildar, telur hún ekki síður
mikilvægt að breyta ýmsum
áherslum í skipulagsmálum í borg-
inni. „Við sjáum hvernig umferð-
arstraumar liggja til vesturs að
morgni en austurs að kvöldi; svo
minnir á vegasalt á leikvelli. Besta
leiðin til að rétta skipulagshallann
er að styrkja íbúðabyggð í vestur-
hluta borgarinnar en fjölga at-
vinnutækifærum í austurhlutanum.
Við höfum lagt fram fjölbreyttar
hugmyndir í þá veru, til að mynda
að í Örfirisey og á BSÍ reit verði
skipulögð íbúabyggð. Jafnframt að
Keldnalandið verði skipulagt fyrir
blandaða byggð. Þessar hugmyndir
hafa ekki fengið hljómgrunn hjá
meirihlutanum.“
Skólastarfi sé
breytt með hugrekki
Hildur fagnar því hve borg-
arbúar séu duglegir að hafa sam-
band við sína kjörnu fulltrúa, segja
þeim frá stöðu mála og óska úr-
bóta. Samtöl við fólk á förnum vegi
og tölvupóstar gefi innsýn í margt.
Margir vilji til dæmis ræða skóla-
málin við hana – kannski vegna
þess að hún á sjálf þrjú börn á leik-
og grunnskólaaldri. Leikskóla-
vandinn brenni á mörgum og hann
sé brýnt að leysa.
„Það er einnig full ástæða til
að líta í auknum mæli til sjálfstætt
starfandi skóla sem hafa gjarnan
verið leiðandi í skólaþróun hér-
lendis, tryggt einstaklingsmiðaða
nálgun og skilað af sér öflugum
krökkum. Við getum til dæmis litið
til Hollands, sem mælist meðal
fremstu ríkja í PISA könnunum, en
þar eru 70% allra grunnskóla sjálf-
stætt starfandi, en reknir á opin-
berum framlögum. Við þurfum að
læra af jákvæðri reynslu annarra. Í
skólunum eru góðir kennarar og
annað hæfileikaríkt starfsfólk, en
kerfið sjálft stendur framförum
gjarnan fyrir þrifum. Þessu verður
að breyta, en til þess þarf hugrekki,
segir Hildur.
Spurð hvort hún sækist eftir
leiðtogasæti fyrir næstu borg-
arstjórnarkosningar svarar Hildur
því að borgarmálin og Reykjavík
eigi hug hennar allan og muni
áfram gera.
„Fyrst og fremst stefni ég á að
koma Sjálfstæðisflokknum í meiri-
hluta svo við getum saman skapað
fallega framfaraborg, frjálst og
réttlátt samfélag sem treystir á
samkeppni hugmynda og tryggir
öllum jöfn tækifæri.“
felast tækifæri. Mælingar hafa sýnt
hvernig starfsánægja eykst og af-
köst eru tryggð þegar fólki býðst
kostur á fjarvinnu. Stórir vinnu-
staðir eins og Íslandsbanki og
Orkuveita Reykjavíkur hafa gengið
á undan með góðu fordæmi og boð-
ið starfsfólki sínu 1-2 fjarvinnu-
daga vikulega til frambúðar. Ég
myndi vilja sjá Reykjavíkurborg
stíga inn í þetta með grænum hvöt-
um eða ívilnunum fyrir þau fyrir-
tæki sem setja sér græna sam-
göngustefnu sem inniheldur meðal
annars einhverja möguleika á fjar-
vinnu eða sveigjanlegum vinnu-
tíma. Fyrirtækin myndu þannig
leggja sitt af mörkum við lausn
samgönguvandans með því að
draga úr umferð. Þetta er eitthvað
Efla þarf traust til borgarstjórnar til að leiða mikilvægar breytingar, segir Hildur Björnsdóttir borgarfulltrúi
Morgunblaðið/Sigurður Bogi
Umferð Straumar til vesturs að morgni en austurs að kvöldi. Minnir á vegasalt á leikvelli, segir í viðtalinu.
Vill græna hvata í samgöngumálum
 Hildur Björnsdóttir fæddist
1986 í Bandaríkjunum en ólst
upp á höfuðborgarsvæðinu. Er
BA í lög- og stjórnmálafræði og
MA í lögfræði frá Háskóla Ís-
lands. Jafnframt hefur Hildur
réttindi sem hdl. Starfaði áður
á lögmannsstofu í Lundúnum.
Formaður Stúdentaráðs HÍ
2009 til 2010.
 Situr í borgarstjórn Reykja-
víkur og er í borgarráði, skipu-
lags- og samgönguráði og fjöl-
menningarráði. Jafnframt situr
hún í stjórn í OR.
 Hildur er í sambúð með Jóni
Skaftasyni lögfræðingi og eiga
þau þrjú börn, 4-11 ára.
Hver er hún?
Morgunblaðið/Sigurður Bogi
Borgarfulltrúi Koma Sjálfstæðisflokknum í meirihluta svo við getum skap-
að fallega framfaraborg, segir Hildur Björnsdóttir um áherslur og stefnu.
Faðirvorið, kærleikur Krists og vís-
indi í ljósi trúmála voru umfjöllunar-
efnin þegar fermingarbörn í Grafar-
holtssókn í Reykjavík mættu til
fræðslustundar í Guðríðarkirkju á
laugardagsmorgun. Alls fermast 100
börn við kirkjuna í vor og fá í að-
draganda þess fræðslu sem hófst á
haustdögum. Nú þegar létt hefur
verið á samkomutakmörkum mæta
börnin vikulega í kirkjuna, auk þess
sem þau sækja guðsþjónustur.
„Nú er kirkjan aftur að fyllast af
lífi. Messuhald er hafið að nýju og
vonandi eru mál að komast í eðlilegt
horf,“ segir sr. Karl V. Matthíasson
sóknarprestur.
Fyrsta fermingarathöfn vorsins í
Guðríðarkirkju verður pálmasunnu-
dag, 28. mars. Eftir páska verður
fermt á sunnudögum út aprílmánuð
og loks á hvítasunnudag, 23. maí.
Alls verða athafnirnar átta. Eftir
fróðlega fræðslu og skemmtileg
samtöl báru prestarnir í Guðríðar-
kirkju, þeir Karl, sr. Leifur Ragnar
Jónsson og sr. Pétur Ragnhildarson,
fram heimabakaðar pönnukökur
sem krakkarnir gerðu góð skil.
sbs@mbl.is
Fermingarbörn mæta í kirkjuna
 Gleði ríkti í
Guðríðarkirkju
Morgunblaðið/Sigurður Bogi
Pönnukökuprestar Sr. Pétur Ragnhildarson, til vinstri, og sr. Leifur Ragn-
ar Jónsson. Aftar og í barnahópnum er Karl V. Matthíasson sóknarprestur.