Morgunblaðið - 03.03.2021, Side 6

ríkisstuðningi og endaði að lokum sem „verslum
á Íslandi“, sem út af fyrir sig er ágætt mál. Við
hefðum aftur á móti viljað átak þar sem fólk er
hvatt til að velja íslenska framleiðslu sem skapar
störf í landinu og stuðlar að verðmætasköpun og
minna kolefnisspori. Það endaði þannig að við
ásamt fimm öðrum matvælafyrirtækjum tókum
okkur saman og fórum í okkar eigin herferð sem
gaf góða raun,“ segir Andri en tekur fram að
fyrirtækið sé áfram aðili að Samtökum atvinnu-
lífsins í gegnum Samtök verslunar og þjónustu.
Úrsögnin hafi því ekkert með kjaramál að gera
heldur einvörðungu lélega þjónustu SI.
En fyrst breiddin innan SI er orðin svona mik-
il væri þá eðlilegra að stofna sértækari hags-
munasamtök?
„Ég held að það þurfi í öllu falli að endurskoða
uppsetninguna. Eins og staðan er erum við ósátt
við óskýra stefnu. Við höfum lýst yfir óánægju í
nokkur ár og nú fannst mér bara nóg komið.“
Íslenska vatnið er einstakt
Það er ljóst af tali Andra að dæma að hann er
ötull talsmaður íslenskrar framleiðslu. Hann hef-
ur óbilandi trú á landinu og kveðst stoltur af
stefnu Ölgerðarinnar í þeim málum. „Stöðu
minnar vegna er ég talsmaður íslenskrar fram-
leiðslu en þess utan verðum við að hafa í huga að
kolefnisfótspor íslenskrar vöru er umtalsvert
minna en sambærilegrar vöru sem kemur er-
lendis frá. Þetta er eitthvað sem við viljum leggja
áherslu á. Við erum ekki að öllu leyti samkeppn-
ishæf í verði samanborið við innflutta drykki, en
ég held að kolefnisfótsporið muni vega þungt síð-
ar meir. Ég hef gríðarlega mikla trú á íslenskum
vörum til framtíðar,“ segir Andri sem nýtir tæki-
færið og bendir á að keppinauturinn, CCEP á Ís-
landi, flytji inn gosdrykki í dósum og gleri frá
Svíþjóð. „Við erum stolt af því að framleiða okkar
vörur hér heima og viljum sýna það á umbúð-
unum. Sama hvort það er með íslenskum fána
eða öðru. Hins vegar eru reglugerðir um merk-
ingar ekki mjög sterkar samanber gosdrykki
sem framleiddir eru í Svíþjóð. Þar má vart sjá að
þeir séu framleiddir erlendis. Við viljum leggja
áherslu á íslenska framleiðslu og erum afar stolt
af því.“
Er það samt ekki á endanum verðið sem skipt-
ir neytandann mestu máli?
„Verðið skiptir yfirleitt miklu máli. Það eru að-
ilar á markaðnum sem eru að selja innflutt Pepsi,
eins og til dæmis Costco. Þeir hafa komið sér vel
fyrir á markaðnum en fólk þekkir muninn. Við
höfum séð að þegar þessum vörum er stillt upp
hlið við hlið þá velur kúnninn íslenskt. Það eru
einhverjir töfrar í íslenska vatninu, það er bara
betra. Íslenskur gosdrykkur smakkast öðruvísi
en erlendur.“
Mikill áhugi á Collab erlendis frá
Fyrir tveimur árum setti Ölgerðin nýjan
drykk á markað sem ber heitið Collab. Drykk-
Enn einn jarðskjálftinn var nýyfirstaðinn þegar
blaðamaður gekk inn í anddyri Ölgerðinnar á
Grjóthálsi fyrr í vikunni. Í móttöku fyrirtækisins
sat brosmildur ritari sem vísaði leiðina upp á
fjórðu hæð byggingarinnar þar sem Andri Þór
Guðmundsson, forstjóri Ölgerðarinnar, situr í
opnu rými með 30 öðrum starfsmönnum. Við
fengum okkur sæti í fundarherbergi með glugga-
útsýni yfir stóran lager fyrirtækisins þar sem
starfsmenn voru í óðaönn við að taka saman
pantanir. Við hefjum samtal okkar á því að ræða
feril Andra sem starfað hefur hjá Ölgerðinni í
nær tuttugu ár. Hann er nú einn eigenda fyrir-
tækisins, en það má með sanni segja að margt
hafi gengið á frá því hann hafði fyrst aðkomu að
rekstri Ölgerðarinnar. „Ég er ráðinn hingað inn
árið 2002 sem ráðgjafi, en tek skömmu síðar við
starfi framkvæmdastjóra fjármálasviðs. Árið
2004 er ég ráðinn forstjóri og svo kaupi ég, ásamt
Októ Einarssyni [innskot blaðamanns: núver-
andi stjórnarformanni Ölgerðarinnar] Ölgerðina
og Danól árið 2007. Við sameinum fyrirtækin og
byggjum um 12.500 fermetra húsnæði á Grjót-
hálsi og sameinum starfsemina á einum stað en
hún hafði áður verið á átta stöðum í Reykjavík.
Eignarhaldi er nú þannig háttað að við Októ eig-
um 26%, en auk okkar eru tveir framtakssjóðir,
Horn III og Akur, samtals með 45% hlut. Svo
eru aðrir minni hluthafar,“ segir Andri og bætir
við að fyrirtækið hafi vaxið umtalsvert síðustu
ár. Alls eru starfsmenn fyrirtækisins nú um 360
talsins.
„Frá því ég kem inn í þetta árið 2002 hefur
umfangið margfaldast. Við vorum á þeim tíma
með um 75 starfsmenn en þegar mest lét voru
hér 440 starfsmenn með dótturfyrirtækjum. Við
höfum að sjálfsögðu gengið í gegnum hrun og
faraldur sem hefur leitt til ýmissa breytinga, en
auk þess höfum við reynt að ná fram hagræðingu
með sameiningu fyrirtækja, útvistun og fleiri
þáttum.“
SI ekki með áskrift að tekjum
ViðskiptaMogginn greindi frá því í síðasta
mánuði að Ölgerðin hefði sagt sig úr Samtökum
iðnaðarins (SI). Ástæðan þar að baki var
óánægja með stefnu samtakanna í ákveðnum
málum. Aðspurður segist Andri einfaldlega hafa
séð lítinn tilgang með greiðslu félagsgjalda til SI
þegar hagsmunamál fyrirtækisins hafi aldrei
fengið hljómgrunn. „Hvorki SI né nokkur annar
er með áskrift að tekjum frá okkur. Það þarf að
vinna fyrir þeim, þannig er það. Mitt mat er að
samtökin eru búin að fletjast út, orðin of stór,
sem hefur leitt til þess að lægsti samnefnarinn
verður ætíð fyrir valinu í sameiginlegri hags-
munabaráttu. Það dugar einfaldlega ekki fyrir
okkur,“ segir Andri og nefnir dæmi máli sínu til
stuðnings: „Við höfum á hverju ári sett fram
nokkur mál án þess að við þeim hafi verið hreyft.
Ég get til dæmis nefnt „Veljum íslenskt átakið“
sem þynntist út í eitthvert sameiginlegt moð með
urinn byggir á íslensku hugviti og er þróaður í
samstarfi við íslenska nýsköpunarfyrirtækið
Feel Iceland. Hann inniheldur kollagen sem er
eitt helsta og nauðsynlegasta uppbyggingar-
prótein líkamans. Collab er nú fáanlegur í fimm
bragðtegundum en uppgangur drykkjarins hef-
ur verið ótrúlegur síðustu ár. Drykkurinn inni-
heldur koffín og er því að keppa á markaði sem
hefur margfaldast á nokkrum árum. Að sögn
Andra fór Collab strax vel af stað. „Þessi mark-
aður er ört stækkandi en við höfum náð góðum
árangri og höfum í raun tekið þátt í að stækka
markaðinn. Og hér er rétt að taka skýrt fram að
við lítum ekki á Collab sem orkudrykk heldur er
þetta heilsu- og lífsstílsdrykkur,“ segir Andri og
heldur áfram: „Kollagenið er algjörlega einstakt.
Það er unnið úr íslensku fiskiroði í samvinnu við
íslenskt sprotafyrirtæki. Það er frábær tilfinning
að geta unnið með slíku fyrirtæki og vonandi get-
um við rutt brautina hvað útflutning varðar. Það
er mikill áhugi á þessari vöru erlendis frá.“
Er stefnt á útflutning?
„Við höfum verið að leggja á ráðin um hvernig
við gerum þetta. Við höfum aðeins reynt fyrir
okkur í Færeyjum og Finnlandi, en Norður-
löndin eru klárlega ofarlega á blaði auk Írlands
og Bretlands. Við höfum aftur á móti verið mjög
aðkrepptir varðandi framleiðslugetu. Í ljósi auk-
innar sölu ásamt velgengni Collab höfum við
ákveðið að fjárfesta í nýju húsnæði og nýjum
búnaði. Með því erum við að margfalda afkasta-
getu okkar í dósum. Fjárfestingin eykur líka
hagkvæmni og gefur okkur kost á fjölbreyttari
umbúðum sem eru umhverfisvænni.“
Fjárfesting upp á nokkra milljarða
Segir Andri að um nokkurra milljarða króna
fjárfestingu sé að ræða. Hún muni jafnframt
koma til með að auka sveigjanleika Ölgerðar-
innar og opna á frekari möguleika í útflutningi á
íslenskum drykkjum.
„Þetta er milljarða fjárfesting og mun alla
vega fjórfalda afkastagetu okkar í dósum. Út-
flutningur á vörum er ekki grundvöllur fyrir við-
skiptahugmyndinni en þetta opnar vissulega á
þann möguleika. Fyrst og fremst er þetta þó
gert til að auka afkastagetuna. Að auki tekst
okkur með þessu að hagræða og auðvelda ný-
sköpun í vöruþróun.“
Að hans sögn er stefnt að því að taka fyrstu
skóflustunguna síðar í marsmánuði. Þá eru vonir
bundnar við að húsið verði tekið í gagnið
Ölgerðin
hnyklar
vöðvana
Aron Þórður Albertsson
aronthordur@mbl.is
Ölgerðin blæs til sóknar en fram undan er uppbygging nýs framleiðslurýmis.
Með því mun afkastageta fyrirtækisins fjórfaldast sem þannig mun auka
möguleika á útflutningi og nýsköpun í vöruþróun. Fjárfestingin hleypur á
nokkrum milljörðum króna. Á næstu tveimur árum stefnir félagið enn fremur á
skráningu í Kauphöll en Ölgerðin hefur hug á því að stækka með samrunum.
Arkís
Ölgerðin mun bæta nýju framleiðslurými við höfuðstöðvarnar. Með því fjórfaldast framleiðsluget-
an. Fjárfestingin hleypur á nokkrum milljörðum króna en framkvæmdir munu hefjast síðar í mars.
6 MORGUNBLAÐIÐ MIÐVIKUDAGUR 3. MARS 2021VIÐTAL