Morgunblaðið - 08.04.2021, Blaðsíða 2

2 FRÉTTIRInnlent
MORGUNBLAÐIÐ FIMMTUDAGUR 8. APRÍL 2021
Mörkin 6 - 108 Rvk.
s:781-5100
Opið: 11-18 virka daga
og 11-15 laugardaga
www.spennandi-fashion.is
MAMA B - VOR 2021 - HÖNNUN OG VELLÍÐAN
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Andrés Magnússon andres@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson
menning@mbl.is Viðskipti Stefán E. Stefánsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
Heilbrigðisráðherra hefur lagt fram
frumvarp á Alþingi þar sem nikótín-
vörur svo sem nikótínpúðar verða
felldir undir sömu lög og reglur og
gilda um rafrettur og áfyllingar fyrir
þær.
Gagnrýnt hefur verið, m.a. af
Krabbameinsfélaginu, að nikótín-
púðar hafi um árabil verið markaðs-
settir og seldir án allra takmarkana
eða eftirlits. Lagt er til í frumvarpi
ráðherra að sömu reglur gildi um
aldurstakmark fyrir kaup og sölu á
nikótínvörum og þegar gilda um raf-
rettur og áfyllingar fyrir þær,
„þannig að einungis einstaklingum
18 ára og eldri verði heimilt að kaupa
nikótínvörur og sama gildi um þá
sem selja nikótínvörur. Lagt er til að
óheimilt verði að hafa á umbúðum
nikótínvara texta eða myndmál sem
geti höfðað sérstaklega til barna og
ungmenna, meðal annars með mynd-
skreytingum eða slagorðum, og
þannig hvatt til neyslu nikótínvara,
en hið sama gildir í dag um rafrettur
og áfyllingar fyrir þær. Lagt er til að
kveðið verði á um að tryggt sé að
nikótínvörur séu ekki staðsettar þar
sem börn nái til,“ segir í greinargerð.
Óheimilt verður skv. frumvarpinu
að selja nikótínvörur í skólum og á
öðrum stöðum sem ætlaðir eru til fé-
lags-, íþrótta- og tómstundastarfs
barna og ungmenna og á heilbrigðis-
stofnunum og öðrum stöðum þar
sem heilbrigðisþjónusta er veitt.
HMS hafi eftirlit með höndum
Gerðar verða þær kröfur að allar
nikótínvörur, sem settar eru á mark-
að hér á landi, verði tilkynntar Hús-
næðis- og mannvirkjastofnun sem
mun hafa eftirlit með gæðum, öryggi
og merkingum varanna. Veita á
stofnuninni heimild til að taka gjald
fyrir móttöku tilkynninganna,
geymslu þeirra, meðhöndlun og
greiningu upplýsinga.
Reglur settar
um nikótínpúða
- Frumvarp um nikótínvörur lagt fram
Morgunblaðið/Eggert
Nikótínpúðar Gagnrýnt er að engar
reglur hafi náð yfir sölu á púðunum.
Framkvæmdir eru hafnar við Vatns-
holtið að sögn Ólafs Arnar Ingólfs-
sonar, stjórnarformanns Leigu-
félags aldraðra. Eins og sjá má á
meðfylgjandi mynd var lítil grafa
mætt á Sjómannaskólareitinn við
Vatnsholtið í gær en þar er fyrir-
huguð bygging tveggja þriggja
hæða fjölbýlishúsa á vegum Leigu-
félags aldraðra. Í húsunum tveimur
er áætlað að verði 51 íbúð.
Fjölbýlishúsin eru hluti af upp-
byggingu á Sjómannaskólareitnum
en fyrsta skóflustungan á reitnum
var tekin þann 17. mars síðastliðinn
og eru verklok áætluð á þriðja árs-
fjórðungi 2022.
Skiptar skoðanir hafa verið á
framkvæmdunum en íbúar við Sjó-
mannaskólareitinn hafa lengi barist
gegn því að borgaryfirvöld byggðu á
þessu græna svæði.
Morgunblaðið/Árni Sæberg
Jarðvinna Lítil grafa leggur grunn að fyrirhuguðum framkvæmdum tveggja fjölbýlishúsa á vegum Leigufélags aldraðra á Sjómannaskólareitnum.
Fram-
kvæmdir
hafnar
Freyr Bjarnason
Andrés Magnússon
Ómar R. Valdimarsson og Jón Magn-
ússon, lögmenn fólks sem var gert að
sæta dvöl í sóttvarnahúsi, eru báðir
vonsviknir yfir því að ekki hafi komið
fram efnisdómur í Landsrétti vegna
málsins. „Ég er sannfærður um
hvernig það hefði farið. Það liggur
ljóst fyrir miðað við hvernig niður-
staða héraðsdómara var,“ segir Jón.
Um var að ræða fjögur aðskilin
mál en þeim var öllum vísað frá
vegna skorts á lögvörðum hagsmun-
um. Dómur héraðsdóms er því enn í
gildi.
„Þetta var það sem maður bjóst
við að myndi gerast, því miður. Það
hefði verið æskilegt að fá efnisdóm
Landsréttar um málið því þá værum
við komin með klárt fordæmi,“ segir
Jón og bætir við að eftir standi úr-
skurður héraðsdóms. „Þá sér maður
ekki að heilbrigðisráðherra eða sótt-
varnalæknir geti vikið sér undan því
að meðhöndla mál á þeim grundvelli
að þarna liggi fyrir niðurstaða sem
hafi ekki verið hnekkt og verði að
taka ákvarðanir og afstöðu til stöðu
sinnar í framhaldi af því,“ segir Jón.
Jón bætir við að sóttvarnalæknir
geti engum öðrum um kennt en sjálf-
um sér. Ef málið hefði verið rekið
með eðlilegum hraða og hann hefði
komið málinu, strax og kærur bárust,
í farveg fyrir héraðsdóm þá hefði
fólkið ekki verið laust úr þessum viðj-
um þegar Landsréttur hefði kveðið
upp sinn dóm.
Ferlið hafi byrjað á föstudaginn
langa, hvað varðar umbjóðendur
hans og Ómars. Vegna seinagangs
sóttvarnalæknis hafi það ekki verið
komið í ferli fyrr en á páskadag.
Ótrúlegt sé að embættið hafi ekki
verið búið undir það strax í upphafi
að einhverjir myndu kæra afstöðuna.
Ómar segir úrskurð héraðsdóms
endanlegan. „Þetta eru þær einu
dómsúrlausnir sem liggja fyrir í mál-
inu. Á meðan þeim hefur ekki verið
haggað er þetta rétt mat og endanleg
úrlausn á þessu máli,“ segir hann og
bætir við að niðurstaða Landsréttar
sé „fyrirsjáanlegasta niðurstaða árs-
ins“.
Ráðherra ber fyrir sig
undanþágu í upplýsingalögum
Heilbrigðisráðherra hefur ekki
orðið við óskum Morgunblaðsins um
að fá öll gögn heilbrigðisráðuneytis-
ins - greinargerðir, lögfræðiálit og
minnisblöð - sem lágu til grundvall-
ar ákvörðun ráðherra um reglu-
gerðina um skylduvist í sóttkvíar-
hóteli. Ráðherra ber fyrir sig
undanþágu í upplýsingalögum um
að gögn, sem tekin hafa verið saman
fyrir ríkisstjórnarfundi, þurfi ekki
að birta. Morgunblaðið hefur and-
æft því, þar sem hér ræði um gögn
sem unnin voru áður og í öðrum til-
gangi, þó svo vera kunni að þau hafi
síðar verið lögð fyrir ríkisstjórnar-
fund. Blaðið hyggst leita réttar síns
hjá úrskurðarnefnd um upplýsinga-
mál, verði heilbrigðisráðherra ekki
við óskum þess um hvernig hann
sinnti rannsóknarskyldu sinni og
komst að ákvörðun um reglugerð-
ina, sem dómstólar hafa hafnað.
Vonbrigði að fá ekki efnisdóm
- Lögmaður segir liggja ljóst fyrir hvernig málið hefði farið - Dómur héraðsdóms er enn í gildi
Jón
Magnússon
Ómar R.
Valdimarsson