Morgunblaðið - Sunnudagur - 18.04.2021, Page 2

Hvað ætlar þú að kenna á þessu námskeiði?
Meginþema námskeiðsins er að skoða á tengsl milli áfalla sem við
verðum fyrir í uppvextinum vegna vanvirkra uppeldisaðferða og
þeirra varnarhátta sem við þróum út frá þeim, í daglegu tali kall-
að meðvirkni.
Hvað er meðvirkni, í stuttu máli?
Meðvirkni er eðlileg viðbrögð við óeðlilegum kringumstæðum sem
síðar meir verða óeðlileg viðbrögð við eðlilegum kringumstæðum.
Þegar við erum ung er eðlilegt að við bregðumst við aðstæðum sem
gætu talist óeðlilegar, við verjum okkur fyrir þeim sársauka sem þær
hafa í för með sér. Þessar varnaraðferðir fylgja okkur svo inn í fullorð-
insárin en þá eru þær orðnar að óeðlilegum viðbrögðum við eðlilegum að-
stæðum. Meðvirkir einstaklingar eru áhyggjufullir af eigin hegðun og eru
með skert sjálfsvirði sem hefur áhrif á allt lífið. Þeir eru líka uppteknir af
hegðun og framferði annarra, hvað annað fólk segir, hvernig það segir hlutina,
í hvernig skapi aðrir eru og eru að bregðast við þessu öllu saman. Það veldur
því að fólk er hætt að hafa stjórn á eigin lífi, það verður andlega fjarverandi
sjálfu sér því það er svo mikið af hugsunum og tilfinningasveiflum í gangi.
Hvernig hættir fólk að vera meðvirkt?
Raunveruleikinn er sá að við erum að tala um lærða hegðun sem byrjar að
þróast í barnæsku. Þegar fullorðin manneskja ætlar að takast á við það er hún
að fara að aflæra lærða hegðun sem hefur átt sér stað jafnvel í áratugi. Það er því
mikilvægt að fjárfesta í tíma til þess að vinda ofan af vandamálinu og að viðhalda
þeirri vinnu til framtíðar. Með því að vinna í vandamálinu tekst fólki að láta með-
virkni ekki hafa eins mikil áhrif á líf sitt og upplifir meira frelsi og vellíðan.
Er svona netnámskeið fyrsta skrefið í átt að bata?
Algjörlega. Á þessu námskeiði fær fólk miklar upplýsingar á skömmum tíma. Það
hefur vantað að uppfræða fólk um meðvirkni til að það geti tekið skref í átt að bata.
Það varð talsverð aukning á aðsókn þegar námskeiðin fór á netið.
Morgunblaðið/Eggert
VALDIMAR ÞÓR SVAVARSSON
SITUR FYRIR SVÖRUM
Meðvirkni
og áföll
Í FÓKUS
2 MORGUNBLAÐIÐ SUNNUDAGUR 18.4. 2021
Ég ók framhjá Laugardalshöllinni á dögunum. Þar var bíll við bíl ogmaður við mann alla leið upp í Sigtún, þannig að stytturnar hans Ás-mundar sameinuðust röðinni og hafa ugglaust trúað því í sakleysi sínu
að þær væru að fara að taka sín fyrstu skref í þessu lífi – slíkur var rífandi
gangurinn. Maður hefur ekki alltaf hemil á hugsunum sínum og það fyrsta
sem kom upp í hugann var Led Zeppelin. Ég hef ekki hugmynd um hvers
vegna enda vissi ég mætavel að allt þetta fólk var á leið í bólusetningu við
kórónuveirunni. Þess utan var ég ekki einu sinni fæddur þegar sú fróma
rokksveit stakk við stafni hérna í fásinninu fyrir ríflega hálfri öld.
En tengingin er augljós. Í röðinni nú var upp til hópa sama fólkið og var í
röðinni þennan bjarta sumardag 1970 þegar Pobert Plant, Jimmy Page og
félagar tróðu upp á allra fyrstu
Listahátíðinni í Reykjavík á stærstu
og merkilegustu bítlatónleikum, sem
haldnir höfðu verið hér á landi, frá
því að bítlahljómleikasögur hófust,
eins og Stefán Halldórsson blaða-
maður orðaði það í Morgunblaðinu.
Aldurstakmarkið var sextán ár,
þannig að enn á fólk sem var á tón-
leikunum eftir að rekast hvað á ann-
að í röðinni við Höllina. Sumt af því
hefur mögulega ekki sést síðan 1970.
Þar af leiðandi margs að minnast og
margan „statusinn“ að uppfæra.
Mikill hugur var í mannskapnum
sumarið 1970 og fáeinum dögum fyr-
ir tónleika Led Zeppelin, nánar til-
tekið 16. júní, réðst hópur framtakssamra unglinga inn í Laugardalshöllina
og tók þar til óspilltra málanna við að rífa niður skilveggina, sem staðið höfðu
á hallargólfinu síðan sýningunni „Heimilið – veröld innan veggja“ lauk. Hafði
ekki fengist undanþága hjá verkfallsvörðum Dagsbrúnar til að taka þessa
veggi niður. En unglingarnir voru alls ekki á þeim buxunum að láta verkfall
stöðva hljómleika átrúnaðargoðanna og því reyndu þeir bara sjálfir að rífa
niður veggina.
Lögregla stöðvaði þann gjörning og þá stormaði ungmennaherinn niður á
Austurvöll og fékk þar Guðmund J. Guðmundsson, varaformann Dags-
brúnar, út á tröppur Alþingishússins. Jakinn var hinn rólegasti, reykti pípu
og sagði: „Í fyrsta lagi gef ég ykkur 100 prósent loforð fyrir því, að Sjapplín-
hljómsveitin ykkar getur spilað í Laugardalshöllinni. Við skulum sjá um að
húsið verði hreinsað áður. Í öðru lagi, ef þið viljið dansa á morgun [17. júní],
þá megið þið alveg græja það sjálf. Setjið þið bara hljómsveit upp á vörubíls-
pall og dansið eins og þið viljið. Ekki getum við bannað ykkur það, ef þið að-
eins lendið ekki í útistöðum við lögregluna, og fáið leyfi Þjóðhátíðarnefndar.“
Og með það fóru unglingarnir, sigri hrósandi. Eins og nýbólusettir.
Sjapplín í Höllinni?
Pistill
Orri Páll
Ormarsson
orri@mbl.is
’
Þannig að stytturnar
hans Ásmundar sam-
einuðust röðinni og hafa
ugglaust trúað því í sak-
leysi sínu að þær væru að
fara að taka sín fyrstu
skref í þessu lífi.
Brynja Janusdóttir
Mér finnst það svolítið asnalegt.
SPURNING
DAGSINS
Hvað
finnst þér
um lækkun
hámarks-
hraða í
Reykjavík?
Arnþór Þórsteinsson
Það er jákvætt mál. Við hljótum að
treysta fagfólki sem segir að það sé
betra fyrir öryggi íbúa.
Björg Ólafsdóttir
Mér finnst þetta ekki gott mál. Mér
finnst að það eigi bara að þrífa göt-
urnar reglulega.
Sigurður Arnþórsson
Mér finnst að það ætti að þrífa
meira.
Ritstjóri
Davíð Oddsson
Ritstjóri og
framkvæmdastjóri
Haraldur Johannessen
Aðstoðarritstjóri
og umsjón
Karl Blöndal kbl@mbl.is
Prentun
Landsprent ehf.
Hádegismóum 2,
110 Reykjavík.
Sími 5691100
Útgáfufélag
Árvakur hf.,
Reykjavík.
Forsíðumyndina tók
Kristinn Magnússon
Valdimar Þór Svavarsson, sem er með MS-gráðu í stjórnun og stefnumótun,
BA-gráðu í félagsráðgjöf og sérmenntun í áfalla- og meðvirknifræðum,
stendur fyrir netnámskeiðinu Meðvirkni og áföll í uppvextinum þriðjudaginn
20. apríl klukkan 17:30-20. Skráning er á fyrstaskrefid.is.
Dalvegi 16c | 201 Kópavogur | Sími 568 6411 | rafvorur@rafvorur.is
Amerísk heimilistæki
rafvorur.isRAFVÖRUR ehf
Þvottavélar
og þurrkarar
sem taka
10-17 kg
Nú finnur þú
það sem þú
leitar að á
FINNA.is