Morgunblaðið - 25.05.2021, Síða 6

6 FRÉTTIRInnlent
MORGUNBLAÐIÐ ÞRIÐJUDAGUR 25. MAÍ 2021
• Verð frá: 250.000 m/vsk.
• Stærðir 3-600 persónueiningar
• Ekkert rafmagn
• Meira en 2ja þrepa hreinsun
• Verð frá 510.000 m/vsk.
• Stærðir 3-1500 persónueiningar
• Rafræn vöktun (valkvæmt)
• Getur hreinsað eColi allt að 99,9%
INNIFALIÐ Í VERÐI
ANAEROBIX HREINSIVIRKI
með síu yfir 90% hreinsun
ONE2CLEAN HREINSISTÖÐ
allt að 99% hreinsun
• Þægilegar í uppsetningu og lítið viðhald
• Fyrir sumarhús, heilsárshús, hótel o.fl.
• Engar siturlagnir – fyrirferðarlítil
• Mikið pláss fyrir seyru
• CE vottað
• Uppfylla kröfur til hreinsunar á viðkvæmum
svæðum t.d við Þingvallavatn
• Afhending á verkstað innan
100km frá Reykjavík
• Drengöng með gátlúgu sem tryggja að vökvi
komist óhindrað út í jarðveg
Sonja Sif Þórólfsdóttir
sonja@mbl.is
Ármann Höskuldsson, eldfjallafræð-
ingur við Háskóla Íslands, telur vera
nokkrar vikur í að hraun muni renna
um Suðurstrandarveg. Haldi rennsli
áfram með sama hætti næstu vik-
urnar sé nægur tími til að gera ráð-
stafanir varðandi veginn og ljósleið-
ara sem liggur þar. Hraunrennsli
undanfarnar vikur hefur verið um
10-15 rúmmetrar á sekúndu.
Um helgina fór hraun yfir eystri
varnargarðinn en tveir varn-
argarðar voru reistir til að varna því
að hraun tæki að flæða þangað. Ár-
mann segir að Nátthagi taki lengi
við. Það sé erfitt fyrir hraunið að
renna svo langa leið og þegar það
komi niður í Nátthaga þurfi það að
byggja sig mikið upp til að ná að
renna niður að veginum. Um tveir
kílómetrar eru í Suðurstrandarveg
frá Nátthaga.
Rögnvaldur Ólafsson, aðalvarð-
stjóri hjá almannavarnadeild, segir
að við höfum lært mikið á byggingu
varnargarðanna og ljóst sé að hönn-
un þeirra sé góð. Garðarnir standa
enn þrátt fyrir að hraun flæði nú yfir
þá. Í vikunni verður tekin ákvörðun
um næstu skref í Nátthaga.
„Nú fer vikan í að safna saman
upplýsingum og gögnum. Það þarf
að meta stöðuna og áætla hversu
hratt Nátthagi fyllist. Það þarf að
skoða hvernig landslagið liggur og
hvaða kostir eru í stöðunni.“
Hann segir einn kostinn vera fleiri
varnargarða. „Það er útlit fyrir að
það þurfi að fara í stærri fram-
kvæmdir við Nátthaga þar sem
þetta er stærra og opnara svæði,“
segir Rögnvaldur.
Rögnvaldur telur að tímaramm-
inn sem almannavarnir hafi til að
ráða ráðum sínum sé nokkuð rúmur.
Eitt af fyrstu málum á dagskrá sé að
áætla þann tíma.
Morgunblaðið/Einar Falur
Strókar Þegar hraunið rennur á miklum hraða safnast meira súrefni undir því sem kemur svo upp í strókum.
Lítill Það sást á sunnudagskvöld að maðurinn er lítill í samanburði við náttúruundur af þessari stærðargráðu.
Hraðskreitt Hraunið rennur niður bratta brekku niður í Nátthaga á mikilli ferð.
Nátthagi verður
lengi að fyllast
- Bygging varnargarða líklegur kostur
Höskuldur Daði Magnússon
hdm@mbl.is
„Við fylgjumst grannt með máli
Santewines og ég á allt eins von á
því að ÁTVR krefjist lögbanns á
starfsemi okkar líka,“ segir Dag-
bjartur Árilíusson, eigandi brugg-
hússins Steðja í Borgarfirði.
Fyrirtækið opnaði vefverslun síð-
asta haust þar sem fólki býðst að
kaupa allar bjórtegundir þess og fá
þær sendar heim að dyrum með
Bjórbílnum svokallaða. Fékk þessi
þjónusta strax góðar viðtökur og
hefur Dagbjartur ferðast reglulega
um landið með bjórsendingar til
fólks.
Starfseminni svipar til þeirrar
sem Santewines SAS hóf að bjóða á
dögunum nema að þar er um inn-
flutning að ræða en Dagbjartur sel-
ur aðeins eigin framleiðslu. Sem
kunnugt er hefur ÁTVR boðað að
lögbannskrafa verði lögð fram á
starfsemi vefverslana með áfengi og
lögreglukæru vegna hennar. Lög-
reglan á Vesturlandi tók starfsemi
Steðja til rannsóknar í október á síð-
asta ári og var Dagbjartur boðaður í
skýrslutöku hjá embættinu.
Samkvæmt upplýsingum frá lög-
reglunni á Vesturlandi er mál Steðja
enn í meðferð hjá embættinu. „Málið
er til meðferðar á ákærusviði og
ekki hefur verið tekin ákvörðun um
framhald,“ segir Jón Sigurður Óla-
son yfirlögregluþjónn í svari við
fyrirspurn blaðsins.
Dagbjartur segir í samtali við
Morgunblaðið að hann hafi verið
boðaður í viðbótarskýrslutöku í
mars síðastliðnum að beiðni sak-
sóknara en hann viti að öðru leyti
ekki hvar málið sé statt. Á meðan
hafi hann nóg að gera við að selja
fólki bjór.
„Umhverfið hér á landi er þannig
að maður þarf að hafa alla anga úti
til að geta haldið sér á lífi. Við höfum
verið í rekstri í níu ár en samt eru
vörur okkar aðeins í fimm verslun-
um ÁTVR af 50. Þetta er fáránlegt
kerfi. Með rekstri vefverslunar og
Bjórbílsins höfum við náð að kynna
vörurnar betur. Fólk þekkir betur
til okkar eftir að við fórum að fara
hringinn og kynnast fólki. Við náum
lengra með persónulegri þjónustu.“
Mál Bjórbílsins á
borði ákærusviðs
- Steðji hefur selt
bjór í netverslun
frá því síðasta haust
Á ferðinni Dagbjartur segir að fólk
taki Bjórbílnum víðast hvar vel.