Morgunblaðið - 25.05.2021, Page 12

12 FRÉTTIRViðskipti | Atvinnulíf
MORGUNBLAÐIÐ ÞRIÐJUDAGUR 25. MAÍ 2021
AUÐVELT, FLJÓTLEGT OG ÖFLUGT
BYGGINGAKERFI
Við framleiðum lausnir
Sími 577 6700 / islandshus@islandshus.is / www.islandshus.is
DVERGARNIR
R
NÝ VEFVERSLUNdvergarnir.is
Bestu undirstöðurnar fyrir:
SÓLPALLINN
SUMARHÚSIÐ
GIRÐINGUNA
SENDUM FRÍTT UM ALLT LAND
ÞEGAR VERSLAÐ ER Á DVERGARNIR.IS
25. maí 2021
Gengi Kaup Sala Mið
Dollari 121.34
Sterlingspund 172.21
Kanadadalur 100.73
Dönsk króna 19.889
Norsk króna 14.583
Sænsk króna 14.612
Svissn. franki 135.06
Japanskt jen 1.1152
SDR 175.14
Evra 147.9
Meðalgengi/Viðskiptavog þröng 182.5162
Hrávöruverð
Gull 1877.65 ($/únsa)
Ál 2403.0 ($/tonn) LME
Hráolía 65.22 ($/fatið) Brent
« Hagnaður versl-
unarinnar Garð-
heima nam 138,5
milljónum króna á
síðasta ári, sam-
anborið við 22,2
milljóna króna
hagnað árið 2019.
Vörusala fyrir-
tækisins jókst um
30% og nam 1,3
milljörðum króna.
Laun og launatengd gjöld hækkuðu um
29 milljónir milli ára og námu 315,4 millj-
ónum króna. Starfsmenn voru 43 að
meðaltali yfir árið. Annar rekstrarkostn-
aður stóð í stað og nam 195,4 milljónum.
Eignir Garðheima námu 418,7 millj-
ónum króna samkvæmt efnahagsreikn-
ingi í árslok 2020 og höfðu aukist úr
234,9 milljónum yfir árið. Skuldir námu
166,1 milljón og höfðu aukist úr 118,2
milljónum frá árslokum 2019. Líkt og
fram hefur komið í Morgunblaðinu
hyggst fyrirtækið flytja starfsemi sína í
nýtt húsnæði í Álfabakka 6 og segir í
skýrslu stjórnar að hafinn verði und-
irbúningur á lóðinni nú í sumar. Stefnt er
að því að færa verslun fyrirtækisins og
lager í nýbyggingu á lóðinni árið 2022.
Framkvæmdastjóri Garðheima er Kristín
Helga Gísladóttir, sem á 24% hlut í félag-
inu á móti systkinum sínum.
Hagnaður Garðheima
margfaldast milli ára
Kristín H.
Gísladóttir
STUTT
BAKSVIÐ
Stefán E. Stefánsson
ses@mbl.is
Í tilkynningu sem fylgdi ársfjórð-
ungsuppgjöri Brims í liðinni viku
kom fram að þótt loðnuvertíð hefði
skipt sköpum fyrir reksturinn hefðu
markaðir fyrir
botnfisk orðið
fyrir verulegum
áhrifum af heims-
faraldri krónu-
veirunnar. Þá var
haft eftir Guð-
mundi Kristjáns-
syni forstjóra
fyrirtækisins að
vonir stæðu til
þess að markaðir
með þessar afurð-
ir myndu hækka aftur í verði. Undir
lok síðustu viku birti svo hagfræði-
deild Landsbankans forvitnilega
greiningu á verðþróun íslenskra
sjávarafurða. Þar er bent á að verð
þeirra hafi lækkað um 1,9% á fyrsta
fjórðungi ársins mælt í erlendri
mynt, borið saman við fjórðunginn á
undan. „Þetta er fjórða skiptið í röð
sem verð sjávarafurða lækkar milli
samliggjandi fjórðunga,“ segir í
greiningunni.
Ekki lægra síðan 2018
Þannig þurfi að fara tvö ár aftur í
tímann til þess að finna lægra verð á
sjávarafurðum, en þær náðu hæstu
hæðum á fyrsta fjórðungi síðasta
árs, rétt áður en faraldurinn reið yf-
ir. Á meðfylgjandi mynd sést hvern-
ig verðþróun matvæla, kjöts og botn-
fisks hefur þróast frá ársbyrjun 2020
og sést þar glögglega að síðastnefndi
liðurinn hefur algjörlega setið eftir.
„Við höfum verið að selja okkar
vörur inn á veitingastaði, ekki síst í
Suður-Evrópu og þar lokuðu allir
staðirnir. Skipin okkar eru ekki
þannig búin að hægt sé að framleiða
sjófrystar afurðir til sölu í verslun-
um. Ufsann höfum við verið að selja
að stórum hluta inn á Tyrkland og
Kanaríeyjar og þar lokuðu allir veit-
ingastaðir meira og minna. Karfinn
hefur farið á Suður-Evrópu og þar er
kaupgetan mjög lítil enda engir
ferðamenn.“ Þannig lýsir Guðmund-
ur Kristjánsson ástandinu eins og
það hefur verið á mörkuðum.
„Við vitum ekki hversu hátt verðið
fer. Við erum í alþjóðlegri sam-
keppni þar sem Norðmenn og Rúss-
ar eru miklu stærri í bolfiskinum en
við. Við leiðum ekkert þessa mark-
aði. Við erum kannski með 1% af
heimsmarkaði sjávarafurða og á
sama tíma erum við að kljást við
Samkeppniseftirlitið sem telur að við
séum risaaðilar á þessum markaði.
Öll orkan fer í að kljást við stofn-
unina.“
Enn þarf að gera betur
Guðmundur segir að helstu tæki-
færi íslensks sjávarútvegs liggi nú í
markaðssetningu og sölustarfi er-
lendis.
„Við höfum náð góðum árangri því
við höfum lækkað kostnaðinn gríð-
arlega og byggt upp öflugt fiskveiði-
kerfi. Þar hefur samkeppnisforskot-
ið legið, ekki í markaðs- og
sölustarfinu. Þar þurfum við að geta
keppt við miklu stærri aðila og það
gerum við ekki nema með því að geta
unnið meira saman.“
Guðmundur segir hins vegar að
það sé torvelt vegna framgöngu
Samkeppniseftirlitsins.
„Það þarf að liggja fyrir að við
megum standa saman að þessu verki
án þess að stofnunin hóti okkur öllu
illu.“
Spurður hvort það hafi verið uppi
á teningnum er Guðmundur snöggur
til svars.
„Það hefur ekki farið fram hjá
nokkrum manni síðustu ár.“
Bendir Guðmundur á að velta
Brims sé 35 milljarðar sem sé lítið,
meira að segja í íslensku samhengi.
„Smásölurisarnir, sem þó eru að
sinna hinum íslenska markaði en
ekki hinum alþjóðlega geta velt 100
milljörðum. Og í fiskeldinu gæti eitt
og sama fyrirtækið velt 100 til 200
milljörðum án þess að nokkuð yrði
sagt. Og þar mega Norðmenn eiga
alla starfsemina.“
Vonir standa til að botnfisk-
verðið jafni sig á þessu ári
Verð íslensks botnfisks og
heimsmarkaðsverð matvæla
115
110
105
100
95
90
85
2020 2021
1. ársfj. 2. ársfj. 3. ársfj. 4. ársfj. 1. ársfj.
Vísitala (F1 2020=100)
Matvæli Kjöt Botnfiskur
Heimild: Hagfræðideild
Landsbankans
- Forstjóri Brims segir alla orku fara í stapp við Samkeppniseftirlitið hér heima
Morgunblaðið/Hari
Þorskurinn Ufsi og karfi hafa gefið
mest eftir á mörkuðum erlendis.
Guðmundur
Kristjánsson
Matvælaframleiðandinn Good Good
tapaði 84 milljónum króna í fyrra
og var tapið nokkru meira en árið
2019 þegar tapið nam tæpum 82
milljónum króna.
Good Good var stofnað árið 2005
og framleiddi í upphafi stevíu-
dropa en færði áherslur sínar í átt
að þróun og framleiðslu matvæla
sem ekki eru sykraðar. Hafa vörur
þess, m.a. sultur og myrjur með
súkkulaði- og hnetubragði mælst
mjög vel fyrir meðal þeirra sem
annaðhvort mega ekki neyta syk-
urs eða kjósa að sneiða hjá neyslu
hans.
Sókn á Bandaríkjamarkað
Þótt vörur fyrirtækisins hafi ver-
ið áberandi á íslenska markaðnum
síðustu árin þá hefur áhersla þess
legið í landvinningum erlendis,
ekki síst í Bandaríkjunum. Í þeirri
viðleitni sótti félagið sér t.a.m. 400
milljónir króna í formi nýs hluta-
fjár í apríl í fyrra. Eignir Good
Good námu 470 milljónum króna í
árslok í fyrra. Munaði þar mestu
um handbært fé sem nam 170 millj-
ónum og birgðir sem metnar voru á
164 milljónir króna. Skuldir félags-
ins voru 110 milljónir króna. Mun-
aði þar mestu um skuldabréfalán
frá aðila tengdum félaginu upp á
tæpar 69 milljónir og viðskipta-
skuldir sem námu 34 milljónum.
Hjá Good Good eru ársverkin 5
og framkvæmdastjóri félagsins er
Garðar Stefánsson. Stærsti eigandi
félagsins er Eignarhaldsfélagið
Lyng sem einnig er eigandi að
Icepharma og LYFIS.
Morgunblaðið/Árni Sæberg
Gott Gott Vörur fyrirtækisins henta
þeim sem sneiða vilja hjá sykri.
Good Good tapar
84 milljónum króna
- Hlutafé var auk-
ið um 400 milljónir
í apríl í fyrra