Morgunblaðið - 25.05.2021, Side 13

FRÉTTIR 13Erlent
MORGUNBLAÐIÐ ÞRIÐJUDAGUR 25. MAÍ 2021
DUXIANA Reykjavik | Ármuli 10 | Reykjavik | +354 5 68 99 50 | www.duxiana.is
GÆÐI OG ÞÆGINDI
SÍÐAN 1926
DUX 8008 – UNDRAVERÐUR SVEIGJANLEIKI
Háþróuð tækni, alvöru handverk, strangar prófanir og vandlega valin efni tryggja góðan nætursvefn
og passa upp á að líkaminn fái góða hvíld þegar þú þarf mest á því að halda.
Á laugardaginn greindust 16 með
Covid-19 í Færeyjum og er það mesti
fjöldi smita sem hefur greinst þar á
einum degi síðan í desember. Í gær
voru alls 23 virk smit á eyjunum en
þau hafa ekki verið fleiri frá því í
mars í fyrra.
Landlæknir Færeyja upplýsir að
smitaðir eru aðallega í aldurshópnum
16 til 25 ára og er um breska af-
brigðið að ræða. Yfirvöld skoða nú að
herða sóttvarnir en samkomum hefur
verið aflýst víða um eyjarnar. Öllum
knattspyrnuleikjum og guðsþjónust-
um er aflýst um óákveðinn tíma.
Staða faraldursins í Færeyjum hef-
ur verið góð um allnokkurt skeið og
hafa samkomutakmarkanir í eyjun-
um miðast við 500 manns síðustu
vikur.
Morgunblaðið/Sigurður Bogi
Covid-19 Smitum fjölgar í Færeyjum.
Veiran snýr aftur
Rannsókn er hafin á tildrögum bana-
slyss sem varð í fjöllum Ítalíu á laug-
ardag með þeim aðleiðingum að 14
létust er kláfur hrapaði úr 20 metra
hæð ofan í hlíðar fjallsins Mottarone
á Norður-Ítalíu. Fimm ára drengur
var sá eini sem lifði slysið af.
Alls voru 15 manns um borð í kláf-
inum þegar slysið varð, samkvæmt
ítölskum miðlum var fólkið úr fimm
fjölskyldum. Þrettán létust á vett-
vangi slyssins, þar á meðal tveggja
ára barn. Þá var níu ára barn flutt á
slysadeild en lést þar af slysförum.
Ísraelska utanríkisráðuneytið hefur
staðfest að fimm ísraelskir borgarar
eru á meðal þeirra látnu. Það voru
foreldrar drengsins sem lifði af,
tveggja ára sonur þeirra og amma og
afi móðurinnar. Drengurinn liggur á
slysadeild og er með alvarlega
áverka á höfði og fótum.
Svæðið var girt af í gær og eru
sérfræðingar að störfum við að rann-
saka brotajárnið. Saksóknari í Míl-
anó hefur gefið út að rannsókn sé
hafin á manndrápi af gáleysi og víta-
verðu hirðuleysi.
Kláfurinn flytur farþega almennt
frá bænum Stresa upp í fjallið Mott-
arone í héraðinu Piedmont. Hann
var tekinn í notkun árið 1970, en var
lokaður árin 2014-2016 vegna við-
gerða. Lögmaður fyrirtækisins, Fer-
rovi del Mottarone, segir að næstu
viðgerðir hafi ekki átt að fara fram
fyrr en árið 2029. Þá hafi viðhaldi og
reglubundnum skoðunum verið
sinnt.
Forsætisráðherra Ítalíu, Mario
Draghi, segir slysið vera mikinn
harmleik. „Fyrir hönd ríkisstjórnar-
innar votta ég aðstandendum fjöl-
skyldnanna samúð,“ sagði Draghi í
yfirlýsingu. urdur@mbl.is
Fjórtán látnir í
kláfslysi á Ítalíu
- Kláfurinn hrapaði 20 metra niður
AFP
Banaslys Kláfurinn féll í hlíðar
Mottarone á Norður-Ítalíu.
Urður Egilsdóttir
urdur@mbl.is
Ákvörðun stjórnvalda í Hvíta-Rúss-
landi um að neyða flugvél Ryanair til
þess að lenda í Minsk, höfuðborg
Hvíta-Rússlands, til þess að hand-
taka aðgerðasinnann og blaðamann-
inn Roman Protasevich, hefur verið
harðlega gagnrýnd. Flugvélin var á
leið frá Grikklandi til Litháen á
laugardaginn. Yfirvöld í Hvíta-Rúss-
landi halda því fram að neyðarlend-
ingin hafi verið framkvæmd vegna
sprengjuhótunar frá Hamas-sam-
tökunum, sem reynst hafi fölsk og að
ekki hafi verið vitað að Protasevich
væri um borð. Vélin var enn í hvít-
rússneskri lofthelgi þegar orrustu-
þota neyddi hana til lendingar.
Protasevich er 26 ára gamall hvít-
rússneskur blaðamaður og aðgerða-
sinni. Hann flúði land árið 2019 og
flutti til Litháen þar sem Protase-
vich stofnaði ásamt öðrum spjallrás-
ina Nexta á miðlinum Telegram.
Spjallrásin gegndi lykilhlutverki í að
skipuleggja umfangsmikil mótmæli í
fyrra gegn Alexander Lúkasjenkó,
forseta Hvíta-Rússlands. Stjórnvöld
hafa skilgreint hópinn sem öfgasam-
tök og ákært Protasevich fyrir að
efna til óeirða. Hann gæti átt yfir
höfði sér allt að 15 ára fangelsi verði
hann sakfelldur.
Óttast dauðarefsingu
Farþegar vélarinnar lýstu því við
AFP hversu óttasleginn Protasevich
varð þegar í ljós kom að lenda ætti
vélinni í Minsk. Monika Simkiene,
einn farþeganna, sagði í samtali við
blaðamann: „Hann sneri sér að fólki
og sagði að hann stæði frammi fyrir
dauðarefsingu.“ Hvíta-Rússland er
eina Evrópuríkið þar sem dauða-
refsingar viðgangast enn.
Stjórnvöld í Litháen hafa ráðlagt
borgurum sínum að yfirgefa Hvíta-
Rússland af öryggisástæðum.
Leiðtogaráð Evrópusambandsins
krefst tafarlausrar lausnar á Pro-
tasevich og hvetur flugfélög í lönd-
um sambandsins til þess að forðast
flug yfir lofthelgi Hvíta-Rússlands.
Utanríkisráðuneyti Hvíta-Rúss-
lands gaf lítið fyrir ásakanirnar og
sagði flugmálayfirvöld hafa starfað í
fullu samræmi við alþjóðareglur.
Umfangsmikil mótmæli stóðu yfir
í Hvíta-Rússlandi í fleiri mánuði eft-
ir forsetakosningar í ágúst þar sem
Lúkasjenkó var sakaður um kosn-
ingasvindl. Stjórnvöld í landinu hafa
mætt mótmælendum af mikilli
hörku og hafa yfir 34 þúsund verið
handteknir frá því í ágúst. Talið er
að þúsundir þeirra hafi verið beittir
ofbeldi.
AFP
Aðgerðasinni Roman Protasevich var handtekinn í Minsk í Hvíta-Rússlandi.
Fordæma aðgerðir Hvít-Rússa
- Protasevich var handtekinn þegar flugvél hans var neydd til lendingar í Minsk - Yfirvöld sögðu
sprengjuhótun hafa komið frá Hamas - Leiðtogaráð Evrópusambandsins krefst tafarlausrar lausnar
21 hlaupari lést í svokölluðu últramaraþoni í
norðvesturhluta Kína þegar stórviðri skall á
hlaupaleiðinni sem er 100 kílómetrar. Hlé var
gert á hlaupinu eftir að ljóst varð að hluti 172
hlaupara var horfinn. Björgunaraðgerðir voru
þá settar af stað en 1.200 björgunarsveitarmenn
tóku þátt í aðgerðunum. Hlauparar sem komust
lífs af lýstu hryllilegum aðstæðum með miklum
vindum, rigningu og kulda.
AFP
Tuttugu og einn hlaupari lést í últramaraþoni í Kína