Morgunblaðið - 25.05.2021, Blaðsíða 29

MENNING 29
MORGUNBLAÐIÐ ÞRIÐJUDAGUR 25. MAÍ 2021
Ragnhildur Þrastardóttir
ragnhildur@mbl.is
Katla Margrét Þorgeirsdóttir og
Halldór Gylfason leikarar hafa unnið
mikið saman síðan þau kynntust í
Listaháskóla íslands á sínum tíma.
Þau leika oft hjón og hefur varla
nokkurn tímann kastast í kekki á
milli þeirra. Bæði eru þau þekkt
fyrir að leika ýmis grínhlutverk þótt
þau hafi tekið að sér ýmis önnur
hlutverk. Katla Margrét og Halldór
eru gestir í nýjasta þætti Dagmála
sem áskrifendur geta nálgast á
mbl.is.
Þau segja að litið sé niður á grínið
innan leiklistargeirans, sérstaklega
þegar kemur að tilnefningum og
verðlaunaafhendingum. „Þetta þyk-
ir ekki eins fínt,“ segir Halldór.
Einlægnin sigrar oft allt
Katla telur að afstaða til gríns sé
aðeins að breytast.
„Grínið er flókið, ég fer ekki ofan
af því,“ segir Katla Margrét.
Halldór segir að það sé leik-
aranum ekki efst í huga að vera
fyndinn þegar hann leikur grín-
hlutverk. Það séu mörg atriði, t.a.m.
handritið og aðstæðurnar, sem spili
saman sem þurfi að miðla til áhorf-
enda „án þess að vera að grína of
mikið. Því þá geturðu drepið grínið,“
segir Halldór og Katla Margrét
bætir við: „Það er oft einlægnin sem
sigrar allt.“
Katla Margrét og Halldór leika nú
saman í tveimur leiksýningum í
Borgarleikhúsinu, bæði Gosa og
Veislu. Hið síðarnefnda reyndu þau
að frumsýna sex sinnum. Ekki tókst
að frumsýna fyrr en um miðjan maí,
ári eftir að frumsýning átti að fara
fyrst fram.
„Maður var orðinn langþreyttur á
gríninu og farinn að efast verulega
um það en svo virðist þetta alveg
vera að virka,“ segir Katla Margrét.
Tilraunir til frumsýningar voru
gerðar trekk í trekk en veirufjand-
inn stóð í vegi leikaranna og kom
aftur og aftur í veg fyrir það að verk-
ið færi af stað.
Aðspurð segja þau Halldór og
Katla Margrét að það hafi verið frá-
bært að fá loks að sýna verkið. Hall-
dór segir að viðbrögðin hafi verið
sterk.
Morgunblaðið/Hallur Már Hallsson
Samrýnd Katla Margrét og Halldór eru gestir í nýjasta þætti Dagmála.
Grínið flókið en
þykir ekki eins fínt
- Afstaða til gríns að breytast
Friðardúfur nefnist innsetning eftir
Peter Walker sem komið hefur verið
fyrir í dómkirkjunni í Liverpool.
Verkið er samsett úr 18.000 pappírs-
dúfum sem festar eru upp í loftið
með alls um 25 km af borðum. Verk-
inu fylgir hljóðmynd eftir David
Harpe. Áður en kórónuveirufarald-
urinn brast á bauðst kirkjugestum,
grunnskólabörnum og almenningi að
skrifa skilaboð um frið, von og
kærleika á pappírsdúfurnar.
AFP
Friðardúfur í dómkirkju Liverpool
Nýtt safn tileinkað njósnaranum
James Bond hefur verið opnað í
austurrísku Ölpunum þar sem hluti
Bond-myndarinnar Spectre var
tekinn upp, í glæsilegri byggingu í
Gaislachkogl-fjalli í Sölden. Safnið
er hið glæsilegasta og víða komið
við í sögu Bond-myndanna. Það
nefnist 007 Elements og verður
opnað 12. júlí. Safnið er aðgengi-
legt með kláfi sem sést líka í
Spectre og er í 3.000 metra hæð.
Fjallasýnin er því stórkostleg.
Arkitekt hússins sem hýsir safnið
og veitingastaðar við hlið þess er
Johann Obermoser og hefur safn-
inu nú verið bætt á lista Evrópsku
kvikmyndaakademíunnar yfir Fjár-
sjóði evrópskrar kvikmyndamenn-
ingar (e. Treasures of European
Film Culture).
Bond-safn í aust-
urrísku Ölpunum
Fjallasýn Útsýnið er ekki amalegt úr 007 Elements-safninu í Austurríki.